នាយករដ្ឋមន្ត្រីជប៉ុនដាក់ផែនការបង្កើនថវិកាការពារជាតិឱ្យដល់២%នៃ GDP នៅឆ្នាំ២០២៧
ជប៉ុន ៖ នាយករដ្ឋមន្ត្រីជប៉ុន លោក Fumio Kishida បានប្រាប់គណៈរដ្ឋមន្ត្រីឱ្យបង្កើនការចំណាយលើ
ជប៉ុន ៖ នាយករដ្ឋមន្ត្រីជប៉ុន លោក Fumio Kishida បានប្រាប់គណៈរដ្ឋមន្ត្រីឱ្យបង្កើនការចំណាយលើវិស័យការពារជាតិឱ្យដល់ ២ភាគរយនៃផលិតផលក្នុងស្រុកសរុប (GDP) នៅឆ្នាំ ២០២៧។
លោកបានប្រកាសពីផែនការនេះទៅកាន់រដ្ឋមន្ត្រីហិរញ្ញវត្ថុ និងរដ្ឋមន្ត្រីការពារជាតិកាលពីថ្ងៃចន្ទ ទី ២៨ វិច្ឆិកាម្សិលមិញនេះ ខណៈដែលជប៉ុនកែលម្អយុទ្ធសាស្ត្រសន្តិសុខ និងការពារជាតិរបស់ខ្លួនដើម្បីទបទល់នឹងការគំរា.មកំហែងពីចិន ព្រមទាំងផ្លាស់ប្តូរទិដ្ឋភាពភូមិសាស្ត្រនយោបាយ បន្ទាប់ពីមានការឈ្លានពានលើអ៊ុយក្រែនពីសំណាក់រុស្ស៊ី។
កាលពីខែសីហា ក្រសួងការពារជាតិបានដាក់សំណើរថវិកាចំនួន ៤០ពាន់លានដុល្លារ ប៉ុន្តែតួលេខនេះនឹងមិនត្រូវបានបញ្ចប់ឡើយ ទាល់តែរដ្ឋាភិបាលធ្វើបច្ចុប្បន្នភាពលើគោលនយោបាយការពារជាតិមួយចំនួន។
«យើងនឹងចាត់វិធានការថវិកាដើម្បីបង្កើនការចំណាយលើវិស័យការពារជាតិ និងការចំណាយផ្សេងទៀតដល់ ២ភាគរយ នៃ GDP បច្ចុប្បន្ននៅឆ្នាំ ២០២៧»។ នេះជាការថ្លែងរដ្ឋមន្ត្រីការពារជាតិលោក Yasukazu Hamada បន្ទាប់ពីពិភាក្សាជាមួយនឹងនាយករដ្ឋមន្ត្រីជប៉ុន។
សូមបញ្ជាក់ថា ការចំណាយលើវិស័យការពារជាតិជប៉ុនត្រូវបានកំណត់ប្រហែលមួយភាគរយ ឬទាបជាងនៃផលិតផលក្នុងស្រុកសរុបអស់រយៈពេលជាច្រើនទសវត្សរ៍មកហើយ ប៉ុន្តែគណបក្សសេរីប្រជាធិបតេយ្យនិយមរបស់លោក Fumio Kishida បានបង្ហាញផែនការដើម្បីបង្កើនតួលេខចំណាយឱ្យជិតដល់ស្តង់របស់អង្គការណាតូ៕ (យោងតាមប្រភព៖ AFP)
ចែករំលែកព័តមាននេះ