រាជធានីភ្នំពេញ ៖ បុរសម្នាក់បានរាប់អានជាមួយជនសង្ស័យ និងនៅតែជឿទុកចិត្ត បើទោះបីជាដឹងថា ជននោះគ្មានគំនិត គ្មានមាយាទល្អទេ ហើយដឹងទៀតថា បានយកម៉ូតូខ្លួនឯងដែលកំពុងទៅដាក់បញ្ចាំទៀតផង ។ ទីបំផុត ជនកំហូចនេះ បានប្រើល្បិចខ្ចីម៉ូតូខ្លួនជិះដោយប្រាប់ថា ខ្ចីជិះទៅយកលុយបញ្ចាំម៉ូតូផ្ដាច់ ស្រាប់តែបាត់រហូតតែម្ដង ។
លុះកាលពីវេលាម៉ោង០៣ និង១៥នាទីរសៀលថ្ងៃទី១៩ ឧសភា ស្ថិតចំណុចរង្វង់មូលថ្នល់បំបែកចោមចៅ ក្នុងភូមិព្រៃជីសាក់ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ក៏ត្រូវម្ចាស់ម៉ូតូប្រទះឃើញជននោះបានឃាត់ខ្លួន ដោយនាំមកប្រគល់ឲ្យនគរបាល និងការបង្កភ្ញាក់ផ្អើលតាមដងផ្លូវ ខណៈជននេះ បានលក់ម៉ូតូនោះដើរស៊ីចាយលុយអស់ខ្ទេចទៅហើយ ។
ជនសង្ស័យឈ្មោះនាង សារុំ អាយុ៣៧ឆ្នាំ ជាកម្មករសំណង់ មានស្រុកកំណើតនៅក្នុងភូមិច្រកស្គរ ឃុំស្វាយចេក ស្រុករំដួល ខេត្តស្វាយរៀង ។ រីឯបុរសជាម្ចាស់ម៉ូតូឈ្មោះមុត មឿ អាយុ៣៦ឆ្នាំ ជារត់ម៉ូតូឌុប ស្នាក់នៅក្នុងភូមិសាមគ្គី សង្កាត់ប្ញស្សីកែវ ខណ្ឌប្ញស្សីកែវ រាជធានីភ្នំពេញ មានស្រុកកំណើតនៅខេត្តកំពង់ចាម ។ ដោយឡែកម៉ូតូដែលជនសង្ស័យយកទៅ ម៉ាកហុងដាឌ្រីមសេ១២៥ ស៊េរីឆ្នាំ២០០៨ បិតតែមស៊េរីឆ្នាំ២០១៤ ពណ៌ខ្មៅពាក់ស្លាកលេខ កណ្តាល1H- 6296 ។
ចែករំលែកព័តមាននេះ