ខេត្ដបាត់ដំបង ៖ តាមសេចក្ដីរាយការណ៍បានឲ្យដឹងថា ពលករខ្មែរយ៉ាងតិច៤នាក់បានស្លា.ប់ និង៣នាក់ទៀតរងរបួសធ្ងន់នៅក្នុងឧបទ្ទវហេតុគ្រោះថ្នាក់ចរាចរណ៍ដ៏រន្ធត់មួយ កាលពីរសៀលថ្ងៃទី១៧ ឧសភា នៅក្នុងស្រុកភ្នំសារៈខាម ខេត្តឆាក់ឈើងសៅ ប្រទេសថៃ ខណៈកំពុងជិះរថយន្តទៅរកការងារធ្វើនៅទីក្រុងបាងកក ។
ខេត្ដបាត់ដំបង ៖ តាមសេចក្ដីរាយការណ៍បានឲ្យដឹងថា ពលករខ្មែរយ៉ាងតិច៤នាក់បានស្លាប់ និង៣នាក់ទៀតរងរបួសធ្ងន់នៅក្នុងឧបទ្ទវហេតុគ្រោះថ្នាក់ចរាចរណ៍ដ៏រន្ធត់មួយ កាលពីរសៀលថ្ងៃទី១៧ ឧសភា នៅក្នុងស្រុកភ្នំសារៈខាម ខេត្តឆាក់ឈើងសៅ ប្រទេសថៃ ខណៈកំពុងជិះរថយន្តទៅរកការងារធ្វើនៅទីក្រុងបាងកក ។ រន្ធត់! ឡានបុកឡាននៅថៃ អ្នកស្លាប់សុទ្ធតែខ្មែរ
មន្ត្រីទំនាក់ទំនងព្រំដែនខ្មែរ-ថៃ បានឲ្យដឹងថា គេនូវមិនទាន់ស្គាល់អត្តសញ្ញាណពលករខ្មែរដែលស្លាប់និងរបួសទាំង៧នាក់នោះនៅឡើយទេរហូតមកដល់ពេលនេះ តែអាជ្ញាធរថៃកំពុងរៀបចំបញ្ជូនសពពលករខ្មែរទាំង៤នាក់ត្រឡប់មកប្រទេសកំណើតវិញ ខណៈអ្នករបួស៣នាក់ ដែលមានកុមារម្នាក់ផងត្រូវបានសមត្ថកិច្ចថៃបញ្ជូនភ្លាមៗទៅកាន់មន្ទីរពេទ្យ ព្រោះពួកគេរបួសធ្ងន់ធ្ងរបំផុត ។ មន្ត្រីដដែលបានបញ្ជាក់ថា ពលករខ្មែរទាំង៧នាក់នោះបានជិះរថយន្តទៅធ្វើការនៅទីក្រុងបាងកក តែពេលដល់ចំណុចខាងលើ ក៏ជួបគ្រោះថ្នាក់ចរាចរណ៍តែម្ដង ។
បើតាមប្រភពពីអាជ្ញាធរថៃ ដែលបានរាយការណ៍មកអាជ្ញាធរខ្មែរ បានឲ្យដឹងថា ពលករខ្មែរទាំងនោះ ជិះរថយន្តម៉ាកនីស្សាន់ NAVARA ហើយបានបើកដល់ចំណុចខាងលើ ស្រាប់តែអ្នកបើកបរហាក់ខ្វះការប្រុងប្រយ័ត្ន ក៏ជ្រុលទៅបុកគូថរថយន្តធុនធ្ងន់សណ្ដោងរឺុម៉ក រួញជាប់ក្រោមគូថរថយន្តយក្សនោះតែម្ដង ។ ប្រភពដដែលបានឲ្យដឹងថា ឧប្បត្តិហេតុគ្រោះថ្នាក់ចរាចរណ៍ដ៏រន្ធត់នេះ បានកើតឡើងស្របពេលកំពុងភ្លៀងធ្លាក់ខ្លាំងនៅតំបន់នោះ ។ ប្រភពបានបញ្ជាក់ថា អ្នកបើកបររថយន្តនីស្សាន់បានស្លាប់កៀបជាប់ក្នុងរថយន្ត រីឯពលករខ្មែរទាំង៧នាក់ ដែលអង្គុយក្រោយបានស្លាប់ភ្លាមៗចំនួន៤នាក់ ខណៈ៣នាក់ទៀតរងរបួសធ្ងន់ធ្ងរបំផុត។ សមត្ថកិច្ចនិងពលរដ្ឋថៃ បានព្យាយាមជួយអន្តរាគមន៍លើកអ្នករបូសដឹកតាមរថយន្តបញ្ជូនទៅមន្ទីរពេទ្យនិងជួយគាស់ទ្វាររថយន្តដើម្បីទាញសពអ្នកបើកបរចេញមកក្រៅ ។
មន្ត្រីទំនាក់ទំនងព្រំដែនខ្មែរ បានដកស្រង់របាយការណ៍ថៃ ដែលបានចុះពិនិត្យកន្លែងកើតហេតុថា ឧប្បតិ្តហេតុនេះបានកើតឡើងដោយសារអ្នកបើកបររថយន្តនីស្សាន់ដឹកពលករខ្មែរ ខ្វះការប្រុងប្រយ័ត្ន និងបើកបរក្នុងល្បឿនលឿនហួសហេតុ ខណៈមេឃកំពុងធ្លាក់ភ្លៀងខ្លាំង ទើបជ្រុលទៅបុកគូថរថយន្តសណ្ដោងរឺុម៉កទាំងកំរោលបែបនេះ ។ ទោះជាយ៉ាងណាអាជ្ញាធរថៃ កំពុងរៀបចំបញ្ជូនសពពលករខ្មែរទាំង៤នាក់ត្រឡប់មកប្រទេសកំណើតវិញហើយ រីឯអ្នករបួស៣នាក់ទៀត ក៏កំពុងស្ថិតក្នុងមន្ទីរពេទ្យនៅឡើយ ៕
ចែករំលែកព័តមាននេះ