ព្រឹកថ្ងៃទី២៩វិច្ឆិកាស្អែកនេះ រដ្ឋសភា ប្រជុំពិភាក្សា និងអនុម័តសេចក្តីព្រាងច្បាប់ថវិកាជាតិ ឆ្នាំ២០២៣
- ភ្នំពេញ
ភ្នំពេញ៖ នៅម៉ោង ៨ព្រឹក ថ្ងៃអង្គារ ទី២៩ ខែវិច្ឆិកា ឆ្នាំ២០២២ រដ្ឋសភា នឹងបន្តសម័យប្រជុំ លើកទី៨…
ភ្នំពេញ៖ នៅម៉ោង ៨ព្រឹក ថ្ងៃអង្គារ ទី២៩ ខែវិច្ឆិកា ឆ្នាំ២០២២ រដ្ឋសភា នឹងបន្តសម័យប្រជុំ លើកទី៨…
ភ្នំពេញ៖ នៅម៉ោង ៨ព្រឹក ថ្ងៃអង្គារ ទី២៩ ខែវិច្ឆិកា ឆ្នាំ២០២២ រដ្ឋសភា នឹងបន្តសម័យប្រជុំ លើកទី៨ នីតិកាលទី៦ ក្រោមអធិបតីភាពសម្តេច ហេង សំរិន ប្រធានរដ្ឋសភា តាមរបៀបវារៈមួយចំនួន ក្នុងនោះ មានការពិភាក្សា និងអនុម័តសេចក្តីព្រាងច្បាប់ ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ២០២៣ ឬច្បាប់ថវិកាជាតិ ឆ្នាំ២០២៣។
សេចក្តីជូនដំណឹងរបស់រដ្ឋសភា ក៏បានបង្ហាញនូវរបៀបវារៈ សម្រាប់កិច្ចប្រជុំរដ្ឋសភា នាព្រឹកថ្ងៃទី២៩វិច្ឆិកា រួមមាន៖ ១-ការពិភាក្សា និងអនុម័ត សេចក្តីស្នើវិសោធនកម្ម ប្រការ ២ថ្មី ( ពីរ ) ប្រការ ៥ថ្មី ( ២ ) ប្រការ ១០ថ្មី ( បី ) ប្រការ ១៦ និងប្រការ ៣៥ថ្មី នៃបទបញ្ជាផ្ទៃក្នុងនៃរដ្ឋសភា។ ២-ការពិភាក្សា និងអនុម័តសេចក្តីព្រាងច្បាប់ ស្តីពី ការទូទាត់ថវិកាទូទៅរបស់រដ្ឋ សម្រាប់ការគ្រប់គ្រង ឆ្នាំ២០២១។ ៣-ការពិភាក្សា និងអនុម័ត សេចក្តីព្រាងច្បាប់ ស្តីពី ហិរញ្ញវត្ថុសម្រាប់ការគ្រប់គ្រង ឆ្នាំ២០២៣។ ៤-ការពិភាក្សា និងអនុម័ត សេចក្តីព្រាងច្បាប់ ស្តីពី ការអនុម័តយល់ព្រមលើ៖ ១-ពិធីសារទាក់ទងនឹងការធ្វើវិសោធនកម្មអនុញ្ញា ស្តីពី អាកាសចរណ៍ស៊ីវិលអន្តរជាតិ ដោយបន្ថែមមាត្រា ៣ស្ទួន។ ២-ពិធីសារទាក់ទងនឹងការធ្វើវិសោធនកម្ម មាត្រា ៥០ ( ក ) នៃអនុសញ្ញាស្តីពី អាកាសចរណ៍ស៊ីវិលអន្តរជាតិ និង៣-ពិធីសារទាក់ទងនឹងការធ្វើវិសោធនកម្មមាត្រា ៥៦ នៃអនុសញ្ញា ស្តីពី អាកាសចរណ៍ស៊ីវិលអន្តរជាតិ។
សេចក្តីព្រាងច្បាប់ ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ២០២៣ ឬហៅឱ្យស្រួលស្តាប់ថា ច្បាប់ថវិកាជាតិ ឆ្នាំ២០២៣ បង្ហាញថា នៅឆ្នាំ២០២៣ រាជរដ្ឋាភិបាល គ្រោងនឹងចំណាយសរុប ៣៦ ៦០៣ ៦៩៨លានរៀល ស្មើប្រមាណ ៨៨៥៣លានដុល្លារអាមេរិក។ ក្នុងនោះ ក្រសួង ៣ គ្រោងចំណាយច្រើនជាងគេ គឺក្រសួងអប់រំ យុវជន និងកីឡា ចំនួន ៣ ៥៧៩ ៦៦៣,៦លានរៀល ស្មើប្រមាណ ៨៦៥,៨២លានដុល្លារ។ ក្រសួងការពារជាតិ ២ ៧៤៥ ៥៧៥លានរៀល ស្មើប្រមាណ ៦៦៤,០៨លានដុល្លារ។ ក្រសួងសុខាភិបាល ២ ០៣៤ ៥៥២,៦លានរៀល ស្មើប្រមាណ ៤៩២,១០លានដុល្លារ៕
ចែករំលែកព័តមាននេះ