ខេត្តព្រះសីហនុ ៖ កម្លាំងជំនាញ បានទទួលព័ត៌មានពីប្រជាពលរដ្ឋកាលពីវេលាម៉ោង២៣និង៥៥នាទីថ្ងៃទី២៥ ខែវិច្ឆិកាឆ្នាំ២០២២ ថា មានជនសង្ស័យចំនួន ២នាក់ ជិះម៉ូតូ១គ្រឿង ម៉ាកហុងដា…
ខេត្តព្រះសីហនុ ៖ កម្លាំងជំនាញ បានទទួលព័ត៌មានពីប្រជាពលរដ្ឋកាលពីវេលាម៉ោង២៣និង៥៥នាទីថ្ងៃទី២៥ ខែវិច្ឆិកាឆ្នាំ២០២២ ថា មានជនសង្ស័យចំនួន ២នាក់ ជិះម៉ូតូ១គ្រឿង ម៉ាកហុងដា ពណ៍ខ្មៅ អត់ស្លាកលេខ បានធ្វើសកម្មភាពប៉ុនប៉ងប្លន់ទៅលើជនជាតិចិន នៅចំណុចអូរត្រាវ ស្ថិតក្នុងភូមិចំណោទរាម ឃុំបិតត្រាំង ស្រុកព្រៃនប់ ខេត្តព្រះសីហនុ ខណៈពេលជនជាតិចិន កំពុងជិះម៉ូតូតែម្នាក់ឯង ហើយពួកវាបានយកកាំបិត គប់រថយន្តគាត់ទៀតផង (រថយន្តរបស់ប្រជាពលរដ្ឋដែលឃើញហេតុការណ៍) ។
កម្លាំងនគរបាលប៉ុស្តិ៍ឃុំបិតត្រាំង បានចុះដល់ចំណុចចំការខ្នុរ ស្វែងរកជនសង្ស័យ ក៏បានប្រទះឃើញជនសង្ស័យជិះម៉ូតូចំនួន ២គ្រឿង មានគ្នា៤នាក់ ដែលមានភិនភាគ ដូចការរាយការណ៍របស់ប្រជាពលរដ្ឋ កម្លាំងយើងបានឃាត់ខ្លួនជនសង្ស័យបានចំនួន៣នាក់ រីឯម្នាក់ទៀតបានផ្តួលម៉ូតូរត់ចូលព្រៃគេចខ្លួន ។
ជនសង្ស័យដែលឃាត់ខ្លួនបាន រួមមាន ៖
១. ឈ្មោះនូវ សំណាង ភេទប្រុស អាយុ៣៧ឆ្នាំ មុខរបរមិនពិតប្រាកដ ស្នាក់នៅសង្កាត់១ក្រុង.ខេត្តព្រះសីហនុ
២. ឈ្មោះអ៊ឹម ថៃ ភេទប្រុស អាយុ១៥ឆ្នាំ មុខរបរមិនពិតប្រាកដ មានទីលំនៅ សង្កាត់១ ក្រុង.ខេត្តព្រះសីហនុ
៣. ឈ្មោះ អិត ចាវវិចិត្រ ភេទប្រុស អាយុ១៤ឆ្នាំ មុខរបរមិនពិតប្រាកដ មានទីលំនៅ ភូមិគគី ឃុំបិតត្រាំង ស្រុកព្រៃនប់ ខេត្តព្រះសីហនុ ។
ចំណែកឯ វត្ថុតាងដកហូត រួមមាន ៖
១. ម៉ូតូម៉ាកហុងដាឌ្រីម ពណ៍ខ្មៅ ឆ្នាំ២០១៧ គ្មានស្លាកលេខ
២. ម៉ូតូ Scoopy ពណ៍ក្រហម គ្មានស្លាកលេខ
៣. កាំបិតបុ័ងតោ១
៤. ទុលល្វីសចំនួន២
៥. ដង្កាប់១
៦. កាំភ្លើងជ័រ១ដើម ។
លុះវេលាម៉ោង៧និង៣០ព្រឹកព្រឹកថ្ងៃទី២៦.១១.២២ កម្លាំងយើងឃាត់បានជនសង្ស័យ១នាក់ទៀត ឈ្មោះ កេន គីម ភេទប្រុស អាយុ២១ឆ្នាំមុខរបរមិនពិតប្រាកដ មានទីលំនៅភូមិគគី ឃុំបិតត្រាំងស្រុកព្រៃនប់ ខេត្តព្រះសីហនុ ។
ក្រោយការសួរនាំ កម្លាំងជំនាញ បន្តស្រាវជ្រាវ និងបង្ក្រាបឃាត់ខ្លួនបក្ខពួកជនសង្ស័យចំនួន៤នាក់ទៀត រួមមាន ៖
១. ឈ្មោះ ភិន កក្កដា ភេទប្រុស អាយុ២៣ឆ្នាំ មុខរបរ មិនពិតប្រាកដ ស្នាក់នៅភូមិគគី ឃុំបិតត្រាំង ស្រុកព្រៃនប់ ខេត្តព្រះសីហនុ ឃាត់ខ្លួននៅចំណុចបន្ទប់ជួល ភូមិ១សង្កាត់១
២. ឈ្មោះ សុខ ឌី ភេទប្រុស អាយុ៣២ឆ្នាំ មុខរបរមិនពិតប្រាកដ មានទីលំនៅភូមិកំពេញ ឃុំកាពេញ ស្រុកស្ទឹងហាវ ខេត្តព្រះសីហនុ ឃាត់ខ្លួនបាននៅចំណុចលើភ្នំ ភូមិកំពេញ ឃុំកំពេញ ស្រុកស្ទឹងហាវ ទទួលផលចោរកម្ម
៣. ឈ្មោះ កែ គង្គា ភេទប្រុស អាយុ២០ឆ្នាំ មុខរបរមិនពិតប្រាកដ មានទីលំនៅភូមិ៣ សង្កាត់លេខ៣ ក្រុង–ខេត្តព្រះសីហនុ ឃាត់ខ្លួននៅចំណុចបន្ទប់ជួលក្នុងភូមិ១សង្កាត់១
៤. ឈ្មោះ ឆេង ស្រីកា ភេទស្រី អាយុ១៩ឆ្នាំ មុខរបរមិនពិតប្រាកដ មានទីលំនៅ ភូមិព្រៃនប់ ឃុំព្រៃនប់ ខេត្តព្រះសីហនុ ឃាត់ខ្លួនបាននៅចំណុចលើភ្នំ ភូមិកំពេញ ឃុំកំពេញ ស្រុកស្ទឹងហាវ ទទួលផលចោរកម្ម ។
កម្លាំងនគរបាលប៉ុស្តិ៍ឃុំបិតត្រាំង ដកហូតវត្ថុតាង រួមមាន ៖
– ម៉ូតូចំនួន៣គ្រឿង
– កាំបិតបុ័ងតោ ចំនួន២
– កូនកាំបិតតូចចំនួន៣
– ដំបងឆក់១
– ម៉ាឡេត១
– ដង្កាប់១
– សោរលេខ១០ចំនួន១
– សោរខ្សៀសំរាប់ដោះប៊ូស៊ីម៉ូតូ១
– សោអក្សរអិល១
– ទូរសព្ទចំនួន២គ្រឿង
– ម្សៅសថ្លា សង្ស័យសារធាតុញៀនចំនួន៦កញ្ចប់
– ដែកកេះ១
បច្ចុប្បន្ន កម្លាំងនគរបាលប៉ុស្តិ៍ឃុំបិតត្រាំង បានឃាត់ខ្លួនជនសង្ស័យខាងលើ ដើម្បីកសាងសំណុំរឿងតាមនិតិវិធី ៕
ចែករំលែកព័តមាននេះ