ក្រុមហ៊ុន Apple ពិចារណាចង់ទិញក្លិប Man Utd ពីត្រកូល Glazers
អង់គ្លេស ៖ បន្ទាប់ពីម្ចាស់ក្លិបបិសាចក្រហម Manchester United លោក Glazers អំពាវនាវដាក់ដេញ
អង់គ្លេស ៖ បន្ទាប់ពីម្ចាស់ក្លិបបិសាចក្រហម Manchester United លោក Glazers អំពាវនាវដាក់ដេញ
អង់គ្លេស ៖ បន្ទាប់ពីម្ចាស់ក្លិបបិសាចក្រហម Manchester United លោក Glazers អំពាវនាវដាក់ដេញថ្លៃលក់ក្លិបដែលមានមូលដ្ឋាននៅទីក្រុង Manchester មួយនេះក្នុងតម្លៃប្រមាណជាង ៤ពាន់លានដុល្លារ (៥,៥៦ពាន់លានដុល្លារអាមេរិក) ក្រោយរងការរិះគន់ពី Cristiano Ronaldo ថា មិនខ្វាយខ្វល់អំពីក្លិប គិតតែរឿងលុយ។
ពេលនេះ នាយកប្រតិបត្តិ Apple លោក Tim Cook ចាប់អារម្មណ៍ក្នុងការចាយប្រាក់ចំនួន ៥,៨ពាន់លានផោន ដើម្បីទិញក្លិបបិសាចក្រហម Manchester United សមាជិកលីគកំពូលអង់គ្លេស English Premier League ពីត្រកូល Glazers ។ នេះបើយោងតាមការចុះផ្សាយរបស់កាសែត National World របស់ចក្រភពអង់គ្លេស។
គួរឱ្យដឹងថា ត្រកូល Glazers បានទិញយកក្លិបបិសាចក្រហមដែលទទួលបានការគាំទ្រច្រើនបំផុតមួយលើលោកមកកាន់កាប់ក្នុងតម្លៃ ៧៩០លានផោនកាលពីឆ្នាំ ២០០៥។ ខណ:តម្លៃហាងឆេងនៅឆ្នាំ ២០២២ លើទីផ្សាររបស់ក្លិបបិសាចក្រហម Man United ត្រឹមតែ ២,៨ ពាន់លានដុល្លារប៉ុណ្ណោះ ប៉ុន្តែលោក Glazers ដាក់លក់ក្នុងតម្លៃប្រមាណជាង ៤ពាន់លានដុល្លារ (៥,៥៦ពាន់លានដុល្លារអាមេរិក)។
ក្លិបបិសាចក្រហម Manchester United គឺជាក្លិបបាល់ទាត់ដ៏ល្អបំផុតមួយក្នុងពិភពលោក ពោលគឺក្លិបនេះធ្លាប់ឈ្នះជើងឯកអង់គ្លេស Premier League ច្រើនជាងគេគឺរហូត២០ដង និងធ្លាប់ឈ្នះជើងឯក UEFA Champion League ចំនួន៣ដង ៕
ចែករំលែកព័តមាននេះ