កំណត់ត្រាស៊ុតចូល៥ World Cup របស់ CR7 កើតឡើងក្រោយកីឡាការិនី២រូប
World Cup ៖ ក្រុមជម្រើសជាតិព័រទុយហ្កាល់ ក្រោមការដឹងនាំរបស់លោក Fernando Santos បានយក
World Cup ៖ ក្រុមជម្រើសជាតិព័រទុយហ្កាល់ ក្រោមការដឹងនាំរបស់លោក Fernando Santos បានយក
World Cup ៖ ក្រុមជម្រើសជាតិព័រទុយហ្កាល់ ក្រោមការដឹងនាំរបស់លោក Fernando Santos បានយកឈ្នះ ហ្គាណា ក្នុងលទ្ធផល ៣-២ នៅកីឡដ្ឋាន 974 នៃព្រឹត្តិការណ៍ FIFA World Cup 2022 ប្រទេសកាតា កាលពីរាត្រីថ្ងៃទី២៤ ខែវិច្ឆិកា។
៣គ្រាប់របស់ព័រទុយហ្គាល់ រកបានដោយ Cristiano Ronaldo តាមរយៈការស៊ុតបាល់ពិន័យ១១ម៉ែត្រ នៅនាទីទី៦៥, Joao Felix នៅនាទីទី៧៨ និង Rafael Leao នៅនាទីទី ៨០ ខណ:២គ្រាប់របស់ហ្គាណា រកបានដោយ Andre Ayew នៅនាទីទី៧៨ និង Osman Bukari នៅនាទីទី៨៩ ។
តាមរយៈការរកគ្រាប់បាល់របស់Cristiano Ronaldoក្នុងព្រឹត្តិការណ៍ FIFA World Cup 2022 ធ្វើឱ្យរូបគេក្លាយជាកីឡាករទី១ដែលរកបានគ្រាប់បាល់បញ្ចូលទី៨គ្រាប់នៅ៥ព្រឹត្តិការណ៍ FIFA World Cup គឺ ២០០៦, ២០១០, ២០១៤, ២០១៨ និង២០២២ ។
ប៉ុន្តែបើគិតទាំងបុរសនិងនារីវិញ កីឡាករឆ្នើមរបស់ព័រទុយហ្គាល់រូបនេះរកបានក្រោយកីឡាការិនី២រូបគឺ Marta របស់ប្រេស៊ីល និងChristine Sinclair របស់កាណាដា ។ Mata ធ្វើបានក្នុងព្រឹត្តិការណ៍ FIFA World Cup នារីឆ្នាំ ២០០៣, ២០០៧, ២០១១, ២០១៥ និង២០១៩ ។ ចំណែក Christine Sinclair ក៏ធ្វើបានក្នុងឆ្នាំដូចគ្នាដែរ ៕
ចែករំលែកព័តមាននេះ