បែលហ្ស៊ិកចាញ់ម៉ារ៉ុក បង្កជាអំពើហិ.ង្សាកក្រើករាជធានីព្រុចសែល
បែលហ្ស៊ិក ៖ ប៉ូលិសបែលហ្ស៊ិកបានឃាត់ខ្លួនមនុស្សរាប់សិបនាក់ និងបានចាប់ខ្លួនម្នាក់ផងដែរ
បែលហ្ស៊ិក ៖ ប៉ូលិសបែលហ្ស៊ិកបានឃាត់ខ្លួនមនុស្សរាប់សិបនាក់ និងបានចាប់ខ្លួនម្នាក់ផងដែរ
បែលហ្ស៊ិក ៖ ប៉ូលិសបែលហ្ស៊ិកបានឃាត់ខ្លួនមនុស្សរាប់សិបនាក់ និងបានចាប់ខ្លួនម្នាក់ផងដែរ កាលពីយប់ថ្ងៃទី២៧ ខែវិច្ឆិកា ឆ្នាំ២០២២ ពោលគឺបន្ទាប់ពីក្រុមបាល់ទាត់ជម្រើសជាតិបែលហ្ស៊ិកបានចាញ់ម៉ារ៉ុកភ្ញាក់ផ្អើលបំផុត ដោយលទ្ធផល ២-០ នៅក្នុងការប្រកួត World Cup 2022 នៅកាតា ដែលបង្កឱ្យមានកុប្បកម្ម នៅរាជធានីព្រុចសែល (Brussels) ជាមួយនឹងរថយន្ត និងម៉ូតូអគ្គិសនីជាច្រើនគ្រឿង ត្រូវបានដុ.តបំផ្លាញ។
កុប្បកម្មបានកើតឡើង នៅកន្លែងជាច្រើនទូទាំងរដ្ឋធានីបេះដូងនៃបែលហ្ស៊ិក ដោយអ្នកគាំទ្របាល់ទាត់រាប់សិបនាក់ ខ្លះពាក់ទង់ជាតិម៉ារ៉ុក បានប៉ះទង្គិចគ្នាជាមួយកម្លាំងប៉ូលិសកុបកម្ម ដែលបានប្រើប្រាស់កាណុងបា.ញ់ទឹក និងឧស្ម័នបង្ហូរទឹកភ្នែក។
លោក Ilse Van de Keere អ្នកនាំពាក្យស្នងការប៉ូលិសបាននិយាយថា នៅម៉ោងប្រហែល៧យប់ ភាពស្ងប់ស្ងាត់បានត្រឡប់មកវិញ ហើយការល្បាតបង្ការនៅតែមាននៅក្នុងផ្នែកដែលពាក់ព័ន្ធ។
ប៉ូលិសបានអះអាងថា ក្រុមកុប្បកម្មបានប្រើអាវុធវាយប្រហាររួមមាន ការបា.ញ់កាំជ្រួច ដំបង និងដុតបំផ្លាញផ្លូវសាធារណៈ ហើយជាមួយគ្នានោះ អ្នកកាសែតម្នាក់ បានរងរបួសមុខដោយសារការបា.ញ់កាំជ្រួចផងដែរ។ ហេតុផលទាំងនេះហើយ ដែលត្រូវការអន្តរាគមន៍របស់ប៉ូលិស ដោយការដាក់ពង្រាយកាណុងបា.ញ់ទឹក និងការប្រើប្រាស់ឧស្ម័នបង្ហូរទឹកភ្នែក។
សូមរំលឹកថា ក្រុមបិសាចក្រហមបែលហ្ស៊ិក បានភ្លាត់ចាញ់ក្រុមតោឈ្មោលដែនដីអាត្លាស់ម៉ារ៉ុក ដោយលទ្ធផល ២-០ នៅកីឡដ្ឋាន Khalifa International ដែលជាការប្រកួតជុំទី២ ក្នុងពូល F នៃព្រឹត្តិការណ៍ World Cup 2022 នៅកាតា។ បរាជ័យនេះ បានធ្វើឱ្យបែលហ្ស៊ិក ដែលឈរនៅលេខ៣ មាន៣ពិន្ទុ ហាក់មានសង្ឃឹមស្តួចស្តើងបន្តឡើងទៅវគ្គ១៦ក្រុមចុងក្រោយ ដោយពួកគេត្រូវប៉ះក្រុមកំពូលតារាងក្រូអាត ដែលមាន៤ពិន្ទុ នៅការប្រកួតជុំទី៣ នៅថ្ងៃទី០១ ខែធ្នូ ឆ្នាំ២០២២ ដែលជាការប្រកួតចុងក្រោយ ដ្បិតម៉ារ៉ុកឈរនៅលេខ២ មាន៤ពិន្ទុ ត្រូវប៉ះក្រុមកាណាដា ដែលបានហាលអាវរួចទៅហើយ៕ (ដកស្រង់ចេញពី Reuters)
ចែករំលែកព័តមាននេះ