អ្នកបើករថយន្តម្នាក់ និងមិត្តភក្តិបានថតជាប់ដួងវិញ្ញាណមួយអង្គុយចាំនៅលើដងផ្លូវក្នុងរដ្ឋធានី ប្រទេសម៉ាឡេស៊ី ។ ផ្លូវនោះមានការនិយាយ តៗគ្នាថា ជាផ្លូវមានខ្មោចសណ្ឋិតធ្វើឱ្យអ្នកដំណើរទាំង២នាក់ភ័យខ្លាចក៏ថយរថយន្តគេចខ្លួន ។
នៅតាមដងផ្លូវមួយ ក្នុងក្រុងកូឡាឡាំពួរ ម៉ាស៊ីនថតខាងមុខរថយន្តបានថតជាប់ស្រមោលស្រដៀងមនុស្សអង្គុយនៅកណ្តាលផ្លូវបង្កការភ័យខ្លាចដល់អ្នកបើកបរ និងអ្នករួមដំណើរ ។ ស្របពេលជាមួយគ្នានោះ អ្នកបើកបរសម្រេចចិត្តថយក្រោយ ហើយគេចចេញដោយមិនប្រាកដថារូបនោះជាខ្មោច ឬជាអ្វីទេ ?
វីដេអូឃ្លីបបង្ហោះតាមហ្វេសប៊ុក ទាក់ទាញទស្សនិកជនច្រើនទស្សនា ។ មនុស្សជាច្រើននិយាយថា ជាបទពិសោធន៍លើសពីអ្វីដែលគេធ្លាប់ប្រទះឃើញ ។ ខ្លះទៀតថា ធ្លាប់ឃើញដួងវិញ្ញាណនៅបរិវេណនោះជាញឹកញាប់ ក្នុងអំឡុងពេលប្រហែល១០ឆ្នាំកន្លងមក ។
ទោះបីជាបែបណាក៏ដោយ អ្នកខ្លះយល់ថាវីដេអូនោះជាវីដេអូកាត់ត ។ ខ្លះថាក្រុមជនល្មើសប្រើល្បិចនៅកណ្តាលផ្លូវ ដើម្បីប្លន់ទ្រព្យសម្បត្តិពីម្ចាស់រថយន្តដែលឈប់មើល ៕
ចែករំលែកព័តមាននេះ