រាជធានីភ្នំពេញ ៖ នៅទីបំផុត បុរសម្នាក់បានចេញមុខបញ្ជាក់អំពីទំនាក់ទំនងជាមួយតារាចម្រៀងនាង មាស នីតា ក្រោយពីបុរសរូបនេះ បានចេញជាវីដេអូបង្ហាញកាយវិការហាក់ខឹងសម្បាយ៉ាងខ្លាំងក្នុងពេលដែលបានឃើញ មាស នីតា ស្និទ្ធស្នាលជាមួយនឹងនាយ ចឺម ដែលបង្កឲ្យមានការចាប់អារម្មណ៍ពីមហាជន។
បុរសរូបនោះបានបញ្ជាក់ថា លោក និង មាស នីតា មិនមានទំនាក់ទំនងស្នេហាណាមួយឡើយ ពោលគឺអ្នកទាំងពីរគ្រាន់តែរាប់អានគ្នាដូចបងប្អូន ក្នុងនាមអ្នកទាំងពីរធ្លាប់បានរួមការងារជាមួយគ្នានាពេលកន្លងមកប៉ុណ្ណោះ។
ហើយនៅមុនពេលចេញមុខបញ្ជាក់ការពិតពីទំនាក់ទំនាងជាមួយ មាស នីតា នាពេលនេះ បុរសដែលមានឈ្មោះក្នុងគណនី tik tok ថា «Thadynada» បានធ្វើជាវីដេអូមួយដោយបានបង្ហាញរូបភាពស្និទ្ធស្នាលមួយសន្លឹកជាមួយ មាស នីតា ដោយនៅក្នុងនោះលោកក៏បានចេញកាយវិការហាក់ខឹងនឹង នាយចឺម យ៉ាងខ្លាំង។
ការចេញវីដេអូពីបុរសខាងលើនេះ បានកើតឡើង បន្ទាប់ពីមានការបែកធ្លាយវីដេអូនៅក្នុងកម្មវិធីមួយ ដោយបង្ហាញសកម្មភាព មាស នីតា បានហុចថ្ពាល់របស់ខ្លួនទៅឲ្យ នាយចឺម ថើបតាមការចង់បានរបស់នាង ព្រមទាំងមានការថតរូបដោយភាពស្និទ្ធស្នាលជាមួយគ្នាថែមទៀតផង។ សកម្មភាពនេះ បានបង្កឱ្យមានការភ្ញាក់ផ្អើលពីសំណាក់ទស្សនិកជន ជាពិសេសបណ្តាអ្នកលេងអ៊ីនធើរណែត ខណៈពេលអ្នកខ្លះក៏បានដាក់ការសង្ស័យថា មាស នីតា និង នាយចឺម ទំនងបង្កាត់ភ្លើងស្នេហ៍ក្រៅឆាកជាក់ជាមិនខាន។
សកម្មភាពមួយនេះ ក៏ត្រូវបានចុះផ្សាយតាមរយៈសារព័ត៌មានក្នុងស្រុកនានាជាបន្តបន្ទាប់ រហូតធ្វើអោយបុរសដែលមានឈ្មោះក្នុងគណនីខាងលើ បានចេញជាវីដេអូដោយចង់បង្ហាញពីទំនាក់ទំនងលោកជាមួយ មាស នីតា ដោយមិនមែនជា នាយចឺម នោះឡើយ។
ការចេញផ្សាយវីដេអូពីបុរសខាងលើ ក៏ត្រូវបានមហាជនមួយចំនួនបានចូលទៅខំមិន ដោយបានដាក់ការស្តីបន្ទោសយ៉ាងខ្លាំងទៅលើ មាស នីតា ដោយបានចោទប្រកាន់ថា នាងមានគូស្នេហ៍ហើយ នៅតែលួចទៅទាក់ទងជាមួយ នាយចឺម ដែលជាតារាប្រុសដូរសង្សារជាបន្តបន្ទាប់នោះទៅវិញ។
យ៉ាងណា ដើម្បីបញ្ជៀសការភាន់ច្រឡំនូវរឿងរ៉ាវខាងលើនេះ បុរសដែលមានឈ្មោះក្នុងគណនី tik tok ថា «Thadynada» បានចេញវីដេអូបង្ហោះតាមបណ្តាញសង្គម ដោយបានបដិសេធថា ខ្លួនមិនមានទំនាក់ទំនងអ្វីពិសេសលើផ្លូវស្នេហាជាមួយនឹង មាស នីតា ឡើយ ខណៈពេលដែលលោកចាត់ទុកអ្វីដែលខ្លួនបានលើកឡើងនោះ គ្រាន់ជាការធ្វើលេងធម្មតាប៉ុណ្ណោះ។ លោកថា វីដែអូនោះ លោកគ្រាន់តែធ្វើលេងប៉ុណ្ណោះ ហើយលោកក៏មិននឹកស្មានដល់ថា វាផ្ទុះខ្លាំងបែបនេះឡើយ។
លោកបញ្ជាក់ថា តាមពិតទំនាក់ទំនងលោក និង មាស នីតា មិនមានអ្វីលើសពីមិត្តភាពបងប្អូនដែលធ្លាប់ធ្វើការងារជាមួយគ្នាប៉ុណ្ណោះ ហេតុនេះលោកបានស្នើឲ្យទស្សនិកជនកុំមានការភាន់ច្រឡំ និងចោទប្រកាន់ មាស នីតា ដោយពុំបានដឹងរឿងច្បាស់។
ជាការកត់សម្គាល់ជុំវិញការសង្ស័យពីទំនាក់ទំនងស្នេហាក្រៅឆាកជាមួយនាយចឺម ឬយ៉ាងណានោះ0x017d7 តារាចម្រៀង មាស នីតា បានអះអាងប្រាប់បណ្តាញសារព័ត៌មានក្នុងស្រុកមួយថា បញ្ហានេះនាងសុំមិនធ្វើបកស្រាយឡើយ ដោយទុកឲ្យទស្សនិកយល់ឃើញដោយខ្លួនឯងចុះ។
គួររំលឹកថា ៖ ផ្ទុះប្រតិកម្ម! ក្រោយឃើញវីដេអូមួយ មាស នីតា បានហុចថ្ពាល់ឱ្យ នាយចឺម ថើបយ៉ាងស្រួល(វីដេអូ)៕
https://www.tiktok.com/@thadynada/video/7169519344051948827?is_from_webapp=1&sender_device=pc&web_id=7074845722890782210
ចែករំលែកព័តមាននេះ