ចាំមើលគណបក្សណា មិនគោរពច្បាប់ឃោសនា
រាជធានីភ្នំពេញ ៖ គណៈកម្មាធិការជាតិរៀបចំការបោះឆ្នោតហៅកាត់ថា គ.ជ.ប បានហៅតំណាងគណបក្សនយោបាយ ដែលបានចុះបញ្ជីបេក្ខជនឈរបោះឆ្នោតឃុំ សង្កាត់ ណែនាំពីការហែក្បូន និងចែកខិត្តប័ណ្ណ ។
រាជធានីភ្នំពេញ ៖ គណៈកម្មាធិការជាតិរៀបចំការបោះឆ្នោតហៅកាត់ថា គ.ជ.ប បានហៅតំណាងគណបក្សនយោបាយ ដែលបានចុះបញ្ជីបេក្ខជនឈរបោះឆ្នោតឃុំ សង្កាត់ ណែនាំពីការហែក្បូន និងចែកខិត្តប័ណ្ណ ។
លោក ឯម សូផាត សមាជិក គ.ជ.ប បានថ្លែងក្នុងកិច្ចផ្សព្វផ្សាយជាមួយភាគីពាក់ព័ន្ធ នាព្រឹកថ្ងៃទី១៩ ខែឧសភា ឆ្នាំ២០១៧ នៅទីស្នាក់ គ.ជ.ប ថាការហែក្បួនឃោសនាបោះឆ្នោត ក្នុងអំឡុងពេលឃោសនាបោះឆ្នោត ជ្រើសរើសក្រុមប្រឹក្សា ឃុំ-សង្កាត់ ធ្វើបាន ២ដង នៅក្នុងឃុំ-សង្កាត់ ដែលគណបក្សនយោបាយ មានបញ្ជីបេក្ខជន ឈរឈ្មោះ ។ លោកបន្តថា ការហែក្បួនព្យុហយាត្រា ឬក្បួនដំណើរ ដោយក្រុមថ្មើរជើង ឬដោយយានជំនិះគ្រប់ប្រភេទ ត្រូវធ្វើឡើងក្នុងក្របខណ្ឌ ព្រំប្រទល់ រដ្ឋបាលឃុំ-សង្កាត់ ដែលសាមីគណបក្សនយោបាយ បានចុះបញ្ជីបេក្ខជន ឈរឆ្មោះបោះឆ្នោត ។ ក្នុងករណី គណប្សនយោបាយ មានបំណងហែក្បូន ឃោសនា ឆ្លងកាត់ឃុំ – សង្កាត់ ពីរឬច្រើន ដែលមានព្រំប្រទល់ជាប់គ្នា ដែលខ្លួនមានបញ្ជីបេក្ខជន ឈរឈ្មោះបោះឆ្នោត សាមីគណបក្ស នយោបាយ នោះត្រូវជូនដំណឹង ជាលាយលក្ខណ៍អក្ស ទៅ គណៈកម្មការ ឃុំ-សង្កាត់ រៀបចំការបោះឆ្នោត(គឃ.សប) ពាក់ព័ន្ធយ៉ាងហោច ឲ្យបាន៣ថ្ងៃ មុនថ្ងៃហែក្បួនឃោសនា ។ បើក្នុងករណីបែបនេះ គឃ.សប ត្រូវរាយការណ៍ជាបន្ទាន់ ទៅគណៈកម្មការរាជធានីខេត្តរៀបចំការបោះឆ្នោត(គធ.ខប) ដើម្បីស្នើសុំកិច្ចអន្តរាគមន៍ សម្របសម្រួល និងចាត់វិធានការការពារសន្តិសុខ សណ្ដាប់ធ្នាប់ និងរបៀបរៀបរយសាធារណៈ ។ ឃុំ-សង្កាត់ ពាក់ព័ន្ធ ដែលសាមីគណបក្សនយោបាយ បានហែក្បួនឆ្លងកាត់នោះ ត្រូវចាត់ទុកថាបានហែមួយដងរួចហើយ ។ គ្រប់គណបក្សនយោបាយ ដែលមានបញ្ជីបេក្ខជនឈរឈ្មោះបោះឆ្នោតក្នុងឃុំ-សង្កាត់ដែលមានផ្សារតាំងនៅ និងមានបំណងធ្វើសកម្មភាពចែកខិតប័ណ្ណនៅក្នុងផ្សារ សាមីគណបក្សត្រូវស្នើសុំទៅអ្នកគ្រប់គ្រងផ្សារ និងជូន ដំណឹងជាលាយលក្ខណ៍អក្សរទៅ គឃ.សប ពាក់ព័ន្ធយ៉ាងហោចឲ្យបាន៣ថ្ងៃមុនធ្វើសកម្មភាព ។
សូមជម្រាបថាការហែក្បួនឃោសនាបោះឆ្នោតមានរយៈពេល១៤ថ្ងៃ ដោយចាប់ផ្តើមពីថ្ងៃទី២០ ខែឧសភា ដល់ថ្ងៃទី២ ខែមិថុនា ឆ្នាំ២០១៧ ហើយថ្ងៃទី៣មិថុនា ជាថ្ងៃស ។ កាបោះឆ្នោតឃុំ-សង្កាត់អាណត្តិទី៤ មានគណបក្សនយោបាយចូលរួមចំនួន១២ ក្នុងប្រកួតប្រជែងសន្លឹកឆ្នោតគ្នា ៕
ចែករំលែកព័តមាននេះ