សហព័ន្ធកីឡាលើកទម្ងន់កម្ពុជា បង្ហាញតម្រុយយកបានមេដាយច្រើននៅស៊ីហ្គេម២០២៣
- ភ្នំពេញ
រាជធានីភ្នំពេញ ៖ បន្ទាប់ពីទទួលបានការចូលរួមហ្វឹកហាត់នៅសាធារណរដ្ឋចិន រយៈពេលវែង
រាជធានីភ្នំពេញ ៖ បន្ទាប់ពីទទួលបានការចូលរួមហ្វឹកហាត់នៅសាធារណរដ្ឋចិន រយៈពេលវែង សហព័ន្ធកីឡាលើកទម្ងន់កម្ពុជារំពឹងខ្ពស់ក្នុងការប្រជែងមេដាយក្នុងព្រឹត្តិការណ៍ស៊ីហ្គេម
លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ ។
សហព័ន្ធកីឡាលើកទម្ងន់កម្ពុជា សង្ឃឹមថា ក្រុមអត្តពលិកកីឡាទាំង១២ប្រភេទក្នុងនោះក៏មានក្រុមអត្តពលិកកីឡាលើកទម្ងន់កម្ពុជាផងដែរ តាមរយៈកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលចិន នឹងហ្វឹកហាត់នៅប្រទេសចិនរហូតដល់ស៊ីហ្គេមលើកទី៣២ចូលមកដល់។
លោក សំ សុខយី អគ្គលេខាធិការសហព័ន្ធកីឡាលើកទម្ងន់កម្ពុជា បង្ហាញការជឿជាក់ថា៖«កាលយើងទទួលបានគ្រូជំនាញចិន មកបង្វឹករយៈពេលមួយខែឃើញថា កីឡាករ-កីឡាការិនីរបស់យើងមានលទ្ធផលកើនឡើងគួរឲ្យកត់សម្គាល់។ ជាពិសេសការចូលរួមកីឡាស៊ីហ្គេម លើកទី៣១ នៅប្រទេសវៀតណាមថ្មីៗនេះ អត្តពលិកកម្ពុជា ឈ្នះបាន២ប្រទេស។
គួរបញ្ជាក់ថា នៅក្នុងព្រឹត្តិការណ៍កីឡាជាតិលើកទី៣ ឆ្នាំ២០២២នេះ សហព័ន្ធកីឡាលើកទម្ងន់ កម្ពុជាបានដាក់៦វិញ្ញាសាគឺ ផ្នែកបុរស៣វិញ្ញាសា, ផ្នែកនារី ៣វិញ្ញាសា និងមានកីឡាករ កីឡាការិនីចូលរួមសរុប៣២នាក់មកពី៧រាជធានី-ខេត្ត/ក្រុង និងក្រសួងមួយ រួមទាំងមន្ត្រីបច្ចេកទេស២០នាក់ ។
សម្រាប់កីឡាស៊ីហ្គេម លើកទី៣២ ឆ្នាំ២០២៣ សហព័ន្ធកីឡាលើកទម្ងន់កម្ពុជាក្នុងនាមជាម្ចាស់ផ្ទះបានដាក់១៤វិញ្ញាសាគឺផ្នែកបុរសមាន៧វិញ្ញាសា និងផ្នែកនារីមាន៧វិញ្ញាសា។ វិញ្ញាសាបុរសមានទម្ងន់ ៥៥គីឡូក្រាម, ៦១, ៦៧, ៧៣, ៨១, ៨៩ និង៨៩គីឡូក្រាមបូក។ ចំណែកវិញ្ញាសានារីមានទម្ងន់ ៤៥គីឡូក្រាម, ៤៩, ៥៥, ៥៩, ៦៤, ៧១ និង៧១គីឡូក្រាមបូក ៕
ចែករំលែកព័តមាននេះ