រាជធានីភ្នំពេញ ៖ ជនសង្ស័យម្នាក់ក្នុងចំណោ៣នាក់ដែលចាប់ឃាត់ខ្លួនក្នុងពេលកំពុងធ្វើសន្និសីទសារព័ត៌មានត្រូវបានសមត្ថកិច្ចបញ្ជូនទៅសាលាដំបូងរាជធានីភ្នំពេញនៅវេលាម៉ោង១០និង២០នាទីព្រឹក ថ្ងៃទី១៨ ខែឧសភា ឆ្នាំ២០១៧ ។ ជនសង្ស័យម្នាក់នោះឈ្មោះ ធុយ វី ភេទប្រុស អាយុ២៨ឆ្នាំ ជាតំណាងចលនារណៈសិរ្សរំដោះជាតិខ្មែរនៅប្រទេសដាណឺម៉ាក ពោលគឺជាក្រុមចលនារបស់ សម សេរី ។ ចំណែក២នាក់ទៀតដែលជាម្ចាស់ផ្ទះបានធ្វើការអប់រំ និងអនុញ្ញាតិឲ្យមានសេរីភាពវិញ ។
គួរបញ្ជាក់ថា កាលពីវេលាម៉ោងប្រមាណ៩និង៣០នាទីព្រឹកថ្ងៃទី១៦ ខែឧសភា ឆ្នាំ២០១៧ សមត្ថកិច្ចនាំខ្លួនជនសង្ស័យចំនួន៣នាក់ពីទីស្នាក់ការឧត្តមស្នងការអន្តរសាសន៍ដែលស្ថិតនៅសង្កាត់ព្រែកប្រា ខណ្ឌច្បារអំពៅ ទៅកាន់ស្នងការដ្ឋាននគរបាលរាជធានីភ្នំពេញ ខណៈកំពុងធ្វើសន្និសីទសារព័ត៌មាន ។
ជនសង្ស័យទាំង៣នោះទី១-ឈុន សាវ៉ាក់ខេត្ត ភេទប្រុស ប្រធានអង្គការខេមរៈអ៊ីស្លាម និងជាប្រធានឧត្តមស្នងការអន្តរសាសន៍, ទី២-ឈ្មោះ ធុយ វី ភេទប្រុស តំណាងរណៈសិរ្សរំដោះជាតិខ្មែរមកពីប្រទេសដាណាម៉ាក និង៣-ឈ្មោះ សុ ភាលីន ភេទប្រុស ជាសមាជិករណៈសិរ្សរំដោះជាតិខ្មែរ ៕
ចែករំលែកព័តមាននេះ