រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី១៩ ខែឧសភា ឆ្នាំ២០១៧ បានប្រកាសសាលក្រមផ្តន្ទាទោសលើជនជាប់ចោទម្នាក់ដែលជាកម្មករ ហើយបានសម្លា.ប់មេការនៅក្នុងអង្រឹង ដាក់ពន្ធនាគារកំណត់១០ឆ្នាំ ពីបទឃាតក.ម្ម តាមមាត្រា១៩៩ នៃក្រមព្រហ្មទណ្ឌ ។
រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី១៩ ខែឧសភា ឆ្នាំ២០១៧ បានប្រកាសសាលក្រមផ្តន្ទាទោសលើជនជាប់ចោទម្នាក់ដែលជាកម្មករ ហើយបានសម្លាប់មេការនៅក្នុងអង្រឹង ដាក់ពន្ធនាគារកំណត់១០ឆ្នាំ ពីបទឃាតកម្ម តាមមាត្រា១៩៩ នៃក្រមព្រហ្មទណ្ឌ ។
គួរបញ្ជាក់ថា លោក ម៉ុង មុន្នីសោភា ប្រធានក្រុមប្រឹក្សាជំនុំជម្រះ នៃសាលាដំបូងរាជធានីភ្នំពេញ កាលពីរសៀលថ្ងៃទី៨ ខែឧសភា ឆ្នាំ២០១៧ បានលើកយកសំណុំរឿងឃាតកម្មមួយនេះ មកបើកសវនាការជំនុំជម្រះទោស ពាក់ពន្ធកម្មករវាយសម្លាប់មេការក្នុងអង្រឹង ។ បទល្មើសមានចែងតាមមាត្រា១៩៩ នៃក្រមព្រហ្មទណ្ឌ ប្រព្រឹត្តកាលពីថ្ងៃទី២ ខែមករា ឆ្នាំ២០១៧ នៅការដ្ឋានសាងសង់ផ្ទះល្វែង ផ្លូវបេតុង ភូមិសំបួរសង្កាត់ ខណ្ឌដង្កោ រាជធានីភ្នំពេញ ។ ជនជាប់ចោទឈ្មោះ ឈិត បូរី ភេទប្រុស អាយុ២៦ឆ្នាំ មុខរបរកម្មករសំណង់ មានស្រុកកំណើតនៅ ឃុំសឹង្ហ ស្រុកសំរោង ខេត្តតាកែវ ។ បានសារភាពថាខ្លួនពិតជាបានវាយមេជាងចំនួន ៣ដំបង បណ្តាលឲ្យស្លាប់ពិតមែន ។ ជនរងគ្រោះឈ្មោះ គា ហ៊ន ភេទប្រុស អាយុ៤៩ឆ្នាំ មុខរបរ មេជាងសំណង់ស្នាក់នៅការដ្ឋានសំណង់ខាងលើ (ស្លាប់) ភាគីដើមបណ្តឹងទាមទារសំណងជំងឺចិត្តពីជនជាប់ចោទលើទឹកប្រាក់ចំនួន ៣០០០ដុល្លារអាមេរិក ។ ក្នុងសវនាការ តំណាងអយ្យការលោក ស៊ិន វីរៈ ព្រះរាជអាជ្ញារង បានធ្វើសេចក្តីសន្និដ្ឋាន និងនៅតែរក្សាការចោទប្រកាន់ជនជាប់ចោទ ពិតជាមានចេតនាក្នុងអំពើឃាតកម្ម ហើយបានស្នើសុំឲ្យតុលាការផ្តន្ទាទោសជនជាប់ចោទតាមច្បាប់កំណត់ ។
យោងលើរបាយការណ៍របស់សមត្ថកិច្ចបានបានបញ្ជាក់ថា ជនសង្ស័យធ្លាប់មានទំនាស់ជាមួយជនរងគ្រោះ រឿងជំពាក់ប្រាក់ចំនួន៤០០០០រៀល និងធ្លាប់ទាត់ជនសង្ស័យ១ជើង នៅពេលជនសង្ស័យទារប្រាក់នោះវិញ ។ លុះដល់ថ្ងៃ០១ ខែមករា ឆ្នាំ២០១៧ ជនសង្ស័យបានវាយជនរងគ្រោះ ដែលកំពុងដេកក្នុងអង្រឹងក្រោមដើមឈើ បណ្តាលឲ្យស្លាប់រួចគេចខ្លួនទៅខេត្តតាកែវ ហើយព្រឹកឡើងក៏ត្រលប់មកការដ្ឋានសំណង់វិញ ក៏ត្រូវសមត្ថកិច្ចខណ្ឌឃាត់ខ្លួនតែម្តង ។ ក្រោយពេលចប់សវនាការ ប្រធានក្រុមប្រឹក្សាជំនុំជំម្រះ បានសម្រេចលើកពេល ប្រកាសសាលក្រមលើសំណុំរៀងនេះទៅថ្ងៃទី១៩ ខែឧសភា ខាងមុខនេះ ៕
ចែករំលែកព័តមាននេះ