ការគាំទ្រនាយករដ្ឋមន្ត្រីជប៉ុនធ្លាក់ចុះ ក្រោយរដ្ឋមន្ត្រីជាច្រើនលាលែងពីតំណែង
ជប៉ុន ៖ ការគាំទ្រនាយករដ្ឋមន្ត្រីជប៉ុន លោក Fumio Kishida បានធ្លាក់ចុះនៅក្នុងការស្ទង់មតិមួយ
ជប៉ុន ៖ ការគាំទ្រនាយករដ្ឋមន្ត្រីជប៉ុន លោក Fumio Kishida បានធ្លាក់ចុះនៅក្នុងការស្ទង់មតិមួយ
ជប៉ុន ៖ ការគាំទ្រនាយករដ្ឋមន្ត្រីជប៉ុន លោក Fumio Kishida បានធ្លាក់ចុះនៅក្នុងការស្ទង់មតិមួយដែលត្រូវបានចុះផ្សាយកាលពីថ្ងៃអាទិត្យ ទី ២៧ វិច្ឆិកា ម្សិលមិញនេះ ខណៈការលាលែងជាបន្តបន្ទាប់ពីគណៈរដ្ឋមន្ត្រីរបស់លោកបង្កឱ្យមានការខឹងសម្បារយ៉ាងខ្លាំងចំពោះទំនាក់ទំនងរបស់បក្សកាន់អំណាចជាមួយនឹងក្រុមសាសនាដ៏ចម្រូងចម្រាស់។
ការគាំទ្រចំពោះគណៈរដ្ឋមន្ត្រីរបស់លោក Fumio Kishida បានធ្លាក់ចុះពី ៣៧,៦ភាគរយមកត្រឹម ៣៣,១ភាគរយសម្រាប់រយៈពេល ១ខែនៅក្នុងការស្ទង់មតិរបស់កាសែត Kyodo News ដែលជាការគាំទ្រទាបខ្លាំងចាប់តាំងពីលោកចូលកាន់តំណែងកាលពីខែតុលា ឆ្នាំ ២០២១។
ការគាំទ្ររបស់លោកបានធ្លាក់ចុះចាប់តាំងពីមានការធ្វើឃា.តលើអតីតនាយករដ្ឋមន្ត្រីជប៉ុន Shino Abe កាលពីកក្កដាកន្លងទៅនេះ និងបានបង្ហាញឱ្យឃើញពីទំនាក់ទំនងដ៏ស៊ីជម្រៅ និងយូរអង្វែងរវាងអ្នកនយោបាយគណបក្សសេរីនិយម និងព្រះវិហារ Unification Church។
ការស្ទង់មតិរបស់ Kyodo បានរកឃើញថា អ្នកឆ្លើយសំណួរចំនួន ៦២,៤ភាគរយមិនយល់ព្រមចំពោះរបៀបដែលលោក Fumio Kishida ដោះស្រាយបញ្ហាលាលែងពីតំណែងរបស់រដ្ឋមន្ត្រីស្ថារសេដ្ឋកិច្ច Daishiro Yamagiwa រដ្ឋមន្ត្រីក្រសួងយុត្ថិធម៌ Yasuhiro Hanashi និងរដ្ឋមន្ត្រីកិច្ចការផ្ទៃក្នុង Minoru Terada។
សម្រាប់ការជំរុញរបស់រដ្ឋាភិបាលដើម្បីបង្កើនសមត្ថភាពការពារជាតិជប៉ុន អ្នកចូលរួមស្ទង់មតិចំនួន ៦០,៨ភាគរយបាននិយាយថា ពួកគេគាំទ្រប្រទេសសម្រាប់ការទទួលបានសមត្ថភាពវា.យប្រហារតបវិញ ដើម្បីជំរុញការទប់ស្កាត់ ខណៈ ៣៥ភាគរយប្រឆាំង៕ (យោងតាមប្រភព៖ Reuters)
ចែករំលែកព័តមាននេះ