ភ្ញាក់ផ្អើលឆោឡោក្រោយប្រទះឃើញ…(មានវីដេអូ)
ខេត្តតាកែវ ៖ ជនសង្ស័យម្នាក់ត្រូវបានប៉ូលិសស្រុកបូរីជលសារធ្វើការឃាត់ខ្លួនរួចក៏សាងសំណុំរឿងបញ្ជូនទៅកាន់ការិយាល័យព្រហ្មទណ្ឌកំរិតធ្ងន់ខេត្តដើម្បីចាត់ការបន្ត
ខេត្តតាកែវ ៖ ជនសង្ស័យម្នាក់ត្រូវបានប៉ូលិសស្រុកបូរីជលសារធ្វើការឃាត់ខ្លួនរួចក៏សាងសំណុំរឿងបញ្ជូនទៅកាន់ការិយាល័យព្រហ្មទណ្ឌកំរិតធ្ងន់ខេត្តដើម្បីចាត់ការបន្ត ខណៈដែលជនសង្ស័យបានធ្វើសកម្មភាពវាយលើជនរងគ្រោះម្នាក់រហូតដល់ស្លាប់នាពេលកន្លងទៅលុះដល់៤ថ្ងែក្រោយទើបមានការភ្ញាក់ផ្អើលដល់ប៉ូលិសទើបឈានទៅដល់ការចាប់ខ្លួនជនសង្ស័យ ។ ហេតុការណ៏ប៉ូលិសចាប់ខ្លួនជនសង្ស័យនេះបានកើតឡើងកាលពីវេលាម៉ោង៦ល្ងាច ថ្ងៃទី១៧ ខែឧសភា ឆ្នាំ២០១៧ ស្ថិតក្នុងភូមិអង្គក្រូច ឃុំបូរីជលសារ ខេត្តតាកែវ ។
លោកវរសេនីត្រី ឃុត ភិន អធិការនគរបាលស្រុកបូរីជលសារបានប្រាប់កោះសន្តិភាពតាមទូស័ព្ទថា ជនសង្ស័យដែលបានឃាត់ខ្លួលនេះមានឈ្មោះ ឡុង សុខ ភេទប្រុស អាយុ៥៣ឆ្នាំ រស់នៅភូមិ-ឃុំខាងលើ ចំណែកជនរងគ្រោះដែលស្លាប់នោះមានឈ្មោះ អ៊ិន ខុន ភេទប្រុស អាយុ៥៦ឆ្នាំ រស់នៅភូមិសូភីឃុំដូងខ្ពស់ ស្រុកបូរីជលសារ បានស្លាប់រហូតហើមស្អុយ ។ លោកអធិការនគរបាលស្រុកបានបន្តទៀតថា មុនពេលកើតហេតុកាលពីថ្ងៃទី១៤ ខែឧសភា ឆ្នាំ២០១៧ មានពិធីមង្គលការកូនអ្នកភូមិដោយមានចាក់ធុងបាស់រាំលេងយ៉ាងសប្បាយពេលនោះជនសង្ស័យ និងជនរងគ្រោះបានផឹងស្រវឹងដូចគ្នាតែជនរងគ្រោះមានចរឹកក្អេងក្អាងឱ្យតែផឹកស៊ីស្រវឹងតែងតែទៅរករឿងក្រុមគ្រួសារជនសង្ស័យ និងបងប្អូននៅក្នុងភូមិជានិច្ច រហូតដល់ថ្នាក់ដើរដុតផ្ទះគេឯងថែមទៀតផង ដោយមិនក្លាចនរណាទាំងអស់លុះដល់យប់ថ្ងៃកើតហេតុវេលាម៉ោង១១និង៣០នាទីយប់ជនរងគ្រោះបានទៅជេបញ្ជោក្រុមគ្រួសារជនសង្ស័យដោយបំរុងនឹងដុតផ្ទះរបស់ជនសង្ស័យចោលទើបធ្វើឱ្យជនសង្ស័យទ្រាំលែងបានក៏វាយជនរងគ្រោះដោយមិនបានដឹងថា ជនរងគ្រោះនោះស្លាប់ទេនៅពេលប៉ូលិសទៅចាប់ខ្លួនទើបដឹង ។
លោកអធិការស្រុកបានបញ្ជាក់ថា នៅវេលាម៉ោងខាងលើកំលាំងរបស់លោកបានជិះម៉ូតូល្បាតលុះជិះមកដល់ចំណុចខាងកើតស្ពានចំលងឆ្កែនៅភូមិខាងលើនោះបានជះក្លិនស្អុយស្ទើទ្រាំមិនបាននៅក្នុងខ្ទម លុះទៅពិនិត្យទើបដឹងថាមានមនុស្សស្លាប់ហើយបានបង្កឱ្យមានការភ្ញាក់ផ្អើលឆោឡោកើតឡើង ។ នៅចំពោះមុខសមត្ថកិច្ចជនសង្ស័យបានសារភាពថា រូបគេពិតជាបានវាយទៅលើជនរងគ្រោះពិតប្រាកដមែនតែគ្មានបំណងវាយឱ្យស្លាប់ទេ ព្រោះជននេះឱ្យតែផឹកស្រវឹងមករករឿងមិនដែលខានទេហើយគាត់ក៏មិនបានដឹងថា ស្លាប់ដែរបើដឹងនោះរត់បាត់ទៅហើយ ។ នៅពេលនេះជនសង្ស័យត្រូវបានសមត្ថកិច្ចកសាងសំណុំរឿងដើម្បីបញ្ជូនទៅកាន់សាលាដំបូងខេត្តកាត់ទោសទៅតាមនីតិវិធី ៕
ចែករំលែកព័តមាននេះ