ជនណាបន្លំបោះឆ្នោតលើសពី១ដងត្រូវពិន័យ៥ពាន់ដុល្លារ
រាជធានីភ្នំពេញ ៖ លោក ហង្ស ពុទ្ធា អ្នកនាំពាក្យ គ.ជ.ប បានថ្លែងថា អ្នកដែលបន្លំបោះឆ្នោតលើសពី១ដងនឹងត្រូវផ្តន្ទាទោស និងពិន័យជាប្រាក់រហូតដល់៥.០០០ដុល្លារអាមេរិក
រាជធានីភ្នំពេញ ៖ លោក ហង្ស ពុទ្ធា អ្នកនាំពាក្យ គ.ជ.ប បានថ្លែងថា អ្នកដែលបន្លំបោះឆ្នោតលើសពី១ដងនឹងត្រូវផ្តន្ទាទោស និងពិន័យជាប្រាក់រហូតដល់៥.០០០ដុល្លារអាមេរិក
រាជធានីភ្នំពេញ ៖ លោក ហង្ស ពុទ្ធា អ្នកនាំពាក្យ គ.ជ.ប បានថ្លែងថា អ្នកដែលបន្លំបោះឆ្នោតលើសពី១ដងនឹងត្រូវផ្តន្ទាទោស និងពិន័យជាប្រាក់រហូតដល់៥.០០០ដុល្លារអាមេរិក ។ ការថ្លែងរបស់អ្នកនាំពាក្យបានធ្វើឡើងក្នុងសិក្ខាសាលាសម្រាប់អ្នកសារព័ត៌មានស្តីពីការយកព័ត៌មាននៅពេលឃោសនាបោះឆ្នោតឃុំ-សង្កាត់កាលពីថ្ងៃទី១៨ ខែឧសភា ឆ្នាំ២០១៧ នៅសណ្ឋាគារកាំបូឌីយ៉ាណា។ លោក ហង្ស ពុទ្ធា បានលើកឡើងថា តាមគោលការណ៍ការបោះឆ្នោតត្រូវផ្នែកលើពាក្យថា ត្រឹមត្រូវ សេរី និងយុត្តិធម៌ ។ លោកបានបញ្ជាក់ថា ការផ្សាយព័ត៌មានមិនត្រូវកាន់ជើងគណបក្សនយោបាយណាមួយទេ តែចំពោះអ្នកកាសែតវិញតាមទិដ្ឋភាពច្បាប់មានការដាក់ទោសប្រសិនបើមានការធ្វេសប្រហែសធ្វើឲ្យតួនាទី និងកិត្តិយសរបស់ខ្លួនបានបាត់បង់នៅពេលបំពេញការងារជាអ្នកសារព័ត៌មាន ។ ពិន័យជាប្រាក់ពី៥លានដល់២០លានរៀល ។
គណៈកម្មាធិការជាតិរៀបចំការបោះឆ្នោត(គជប)នៅព្រឹកថ្ងៃទី១៨ ខែឧសភា ឆ្នាំ២០១៧ បានបើកសិក្ខាសាលាសម្រាប់អ្នកកាសែតជាតិ និងអន្តរជាតិមុនការឃោសនាចាប់ផ្តើមនៅថ្ងៃ២០ ខែឧសភា ដល់ថ្ងៃទី២ ខែមិថុនា ឆ្នាំ២០១៧ ។ សិក្ខាសាលារយៈពេលមួយថ្ងៃនេះបានធ្វើឡើងនៅសណ្ឋាគារកាំបូឌីយ៉ាណាក្នុងទីក្រុងភ្នំពេញ ។ គ.ជ.ប បានលើកឡើងថា សិក្ខាសាលានេះសម្រាប់អ្នកសារព័ត៌មានស្តីពីការ ៖ ផ្សាយព័ត៌មានក្នុងដំណាក់កាលឃោសនាបោះឆ្នោត ។ ការផ្សាយព័ត៌មាន១ថ្ងៃមុនថ្ងៃបោះឆ្នោត និងថ្ងៃបោះឆ្នោត ។ ការដោះស្រាយបណ្តឹងទាក់ទងការឃោសនាបោះឆ្នោត និងការបោះឆ្នោត ។
លោក ហង្ស ពុទ្ធា អ្នកនាំពាក្យ គ.ជ.ប បានលើកឡើ្ងងសិក្ខាសាលានេះមានការគាំទ្រពីអង្គការ(Jica)ការបោះឆ្នោតឃុំ-សង្កាត់នឹងប្រព្រឹត្តទៅនៅថ្ងៃទី៤ ខែមិថុនា ឆ្នាំ២០១៧ ខាងមុខ ។ សិក្ខាសាលានេះមានអ្នកសារព័ត៌មានប្រមាណ៦០នាក់ចូលរួម ៕
ចែករំលែកព័តមាននេះ