គ.ជ.ប ទទួលចុះឈ្មោះបោះឆ្នោតថ្មីបានជាង៤៨ម៉ឺននាក់ ខណៈលុបចេញពីបញ្ជីជាង២១ម៉ឺននាក់
រាជធានីភ្នំពេញ ៖ គិតចាប់ពីថ្ងៃទីប្រកាសឲ្យពលរដ្ឋឈ្មោះឆ្នោតឆ្នាំ២០២២មកដល់ថ្ងៃទី២៦ វិច្ឆិកា ឆ្នាំ
រាជធានីភ្នំពេញ ៖ គិតចាប់ពីថ្ងៃទីប្រកាសឲ្យពលរដ្ឋឈ្មោះឆ្នោតឆ្នាំ២០២២មកដល់ថ្ងៃទី២៦ វិច្ឆិកា ឆ្នាំ
រាជធានីភ្នំពេញ ៖ គិតចាប់ពីថ្ងៃទីប្រកាសឲ្យពលរដ្ឋឈ្មោះឆ្នោតឆ្នាំ២០២២មកដល់ថ្ងៃទី២៦ វិច្ឆិកា ឆ្នាំ២០២២ គណៈកម្មាធិការជាតិរៀបចំការបោះឆ្នោតហៅកាត់ថា (គ.ជ.ប) បានទទួលចុះឈ្មោះពលរដ្ឋបានជាង៤៨ម៉ឺននាក់ និងបានលុបចេញពីបញ្ជីបោះឆ្នោតជាង២១ម៉ឺននាក់។
យោងតាមសេចក្តីប្រកាសព័ត៌មាន របស់គណៈកម្មាធិការជារៀបចំការបោះឆ្នោ តនៅថ្ងៃទី២៧វិច្ឆិកាស្តីពីលទ្ធផលបណ្តោះអាសន្ននៃការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២២ សម្រាប់ថ្ងៃទី២៦ ខែវិច្ឆិកា ឆ្នាំ២០២២ បានឲ្យដឹងថា លទ្ធផលបណ្តោះអាសន្ននៃការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២២ សម្រាប់ថ្ងៃទី២៦ ខែវិច្ឆិកា ឆ្នាំ២០២២ នៅទូទាំងប្រទេសមានប្រជាពលរដ្ឋចុះឈ្មោះបោះឆ្នោតថ្មី មានចំនួន៧.៦៩០នាក់ អ្នកដែលនឹងត្រូវលុបឈ្មោះចេញពីបញ្ជីបោះឆ្នោតមានចំនួន៤.០៤៦នាក់ ។
អ្នកដែលបានកែត ម្រូវទិន្នន័យ មានចំនួន ១.០៩២ នាក់ អ្នកដែលបានផ្ទេរទីលំនៅចូលក្នុងឃុំ សង្កាត់ថ្មី មានចំនួន ៣.១០០ នាក់។
គ.ជ.បបានលើកឡើងថា គិតត្រឹមថ្ងៃទី២៦ ខែវិច្ឆិកា ឆ្នាំ២០២២ លទ្ធផលបណ្តោះអាសន្ននៃការពិនិត្យបញ្ជីឈ្មោះ និងការចុះឈ្មោះបោះឆ្នោតទទួលបានប្រជាពលរដ្ឋចុះឈ្មោះបោះឆ្នោតថ្មី មានចំនួន៤៨៦.៦៤២នាក់។ អ្នកដែលនឹងត្រូវលុបឈ្មោះចេញពីបញ្ជីបោះឆ្នោត មានចំនួន ២១២.៦៥៩ នាក់ អ្នកដែលបានកែតម្រូវទិន្នន័យ មានចំនួន ៤៩.២៤១ នាក់ អ្នកដែលបានផ្ទេរទីលំនៅចូលក្នុងឃុំ សង្កាត់ថ្មី មានចំនួន ១៣៩.៦០៧ នាក់។
សូមជម្រាបថា ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២២ ប្រព្រឹត្តទៅ ចាប់ពីថ្ងៃទី២០ ខែតុលា ដល់ថ្ងៃទី ៨ ខែធ្នូ ឆ្នាំ២០២២ គិតទាំងថ្ងៃសៅរ៍ និងថ្ងៃអាទិត្យ។ សូមអញ្ជើញប្រជាពលរដ្ឋខ្មែរ ទៅពិនិត្យមើលឈ្មោះក្នុងបញ្ជីបោះឆ្នោតចុងក្រោយ និងស្នើសុំកែតម្រូវឈ្មោះ ឬទិន្នន័យ ប្រសិនបើកត់ត្រាមិនបានត្រឹមត្រូវ ប្រជាពលរដ្ឋ ដែលទើបគ្រប់អាយុ១៨ឆ្នាំ គិតដល់ថ្ងៃបោះឆ្នោតជ្រើសតាំងតំណាងរាស្ត ថ្ងៃទី២៣ ខែកក្កដា ឆ្នាំ២០២៣. គឺអ្នកដែលកើតមុន ឬត្រឹមថ្ងៃទី២៤ ខែកក្កដា ឆ្នាំ២០០៥ ប្រជាពលរដ្ឋដែលមិនធ្លាប់ចុះឈ្មោះបោះឆ្នោតពីមុនមក និងប្រជាពលរដ្ឋដែលបានផ្លាស់ លំនៅឋាន ឬទីសំណាក់ចូលក្នុងឃុំ សង្កាត់ថ្មី អញ្ជើញទៅចុះឈ្មោះបោះឆ្នោតឱ្យបាន គ្រប់ៗគ្នា៕
ចែករំលែកព័តមាននេះ