ខេត្តឧត្តរមានជ័យ ៖ ក្មេងទំនើង២នាក់ពួនសម្ងំនៅក្នុងព្រៃសេពគ្រឿងញៀន ពលរដ្ឋ នឹងលោកមេភូមិរាយការណ៍ដល់សមត្ថកិច្ចចុះមកធ្វើការឃាត់ខ្លួនកាលពីវេលម៉ោង៦និង៣០នាទីយប់ថ្ងៃទី១៧ ខែឧសភា ឆ្នាំ២០១៧ ។ ហេតុការណ៍នេះកើតឡើងក្នុងភូមិចេក្បូរ៍ ឃុំក្រសាំង ស្រុកចុងកាល់ ខេត្តឧត្តរមានជ័យ ។
ក្រុមក្មេងទំនើងសម្ងំសេពគ្រឿងញៀនដែលប៉ូលីសឃាត់ខ្លួន ឈ្មោះ សា រិនង៉ាល ភេទប្រុសអាយុ២០ឆ្នាំ នឹងម្នាក់ទៀតឈ្មោះ ឌឿម វុធ ភេទប្រុស អាយុ២៣ឆ្នាំ មុខរបរជាកសិករ ទាំង២នាក់នេះរស់នៅភូមិគោលថ្មី សង្កាត់កូនគ្រៀល ក្រុងសំរោង ខេត្តឧត្តរមានជ័យ ។ លោកមេភូមិចេក្បូរ៍ នឹងពលរដ្ឋបានឱ្យដឹងថា ប្រជាពលរដ្ឋបានឃើញក្រុមក្មេងទំនើងទាំង២នាក់នេះជិះម៉ូតូមួយគ្រឿងមកពួនសម្ងំនៅក្នុងព្រៃខាងត្បូងភូមិចម្ងាយ១០០ម៉ែត្រ ២ទៅ៣ថ្ងៃ ដោយមិនដឹងមានគោលបំណងធ្វើសកម្មភាពប្លន់ ឬយ៉ាងណានោះទេ លោកមេភូមិរួមទាំងប្រជាពលរដ្ឋបានរាយការណ៍ដល់សមត្ថកិច្ចចុះមកធ្វើការអន្តរាគមន៍ ។
សមត្ថកិច្ចស្រុកចុងកាល់បានឱ្យដឹងថា មុនពេលឃាត់ខ្លួនក្រុមក្មេងទំនើងទាំង២នាក់នេះ ដោយបានទទួលព័ត៍មានរាយការណ៍ពីលោកមេភូមិ នឹងប្រជាពលរដ្ឋមកថា មានក្រុមក្មេង២នាក់មកពួនសម្ងំនៅក្នុងព្រៃក្បែភូមិ សមត្ថកិច្ចបានចុះទៅធ្វើការឃាត់ខ្លួននាំយកមកអធិការស្រុកធ្វើការសាកសួរ ជនសង្ស័យទាំង២នាក់បានឆ្លើយសារភាពថា ពួកខ្លួនសម្ងំប្រើប្រាស់គ្រឿងញៀន យោងតាមចម្លើយសារភាព សមត្តកិច្ចបានក៏សាងសំណុំរឿងបញ្ជូនទៅស្នងការដ្ឋាននគបាលខេត្តចាត់ការបន្តទៅតាមនិវិធីច្បាប់ ៕
ចែករំលែកព័តមាននេះ