ពិតជាពិសេស ដែលបេក្ខភាពតំណាងឲ្យកម្ពុជាទាំងពីររូបនេះ ទទួលបានឈាងម្នាក់មួយ ពីការជ្រើសរើសរបស់ផេកដ៏ធំមួយនៅហ្វីលីពីន គឺ Pageantry Fanatics ដោយកញ្ញា ស៊ីនឌី ទទួលបានតំណែងជា Pageantry Fanatics Queen និងលោក រ៉េយម៉ុន ទទួលបានតំណែងជា
ប្រទេសហ្វីលីពីន ៖ ពិតជាពិសេស ដែលបេក្ខភាពតំណាងឲ្យកម្ពុជាទាំងពីររូបនេះ ទទួលបានឈាងម្នាក់មួយ ពីការជ្រើសរើសរបស់ផេកដ៏ធំមួយនៅហ្វីលីពីន គឺ Pageantry Fanatics ដោយកញ្ញា ស៊ីនឌី ទទួលបានតំណែងជា Pageantry Fanatics Queen និងលោក រ៉េយម៉ុន ទទួលបានតំណែងជា Pageantry Fanatics King កាលពីរាត្រីផ្ដាច់ព្រ័ត្រ ដែលក្លាយជាការភ្ញាក់ផ្អើលម្តងទៀតហើយសម្រាប់កម្ពុជា សាងបានភាពលេចធ្លោជាថ្មីនៅលើឆាកអន្តរជាតិ ដែលស្រីស្អាតយើងម្នាក់ទៀតបានចេញទៅប្រកួតនៅឯឆាកអន្តរជាតិ ក្នុងប្រទេសហ្វីលីពីន បានឈ្នះមកុដលំដាប់រងទី៣។
កញ្ញា ដាំ សុភក្រ័ស៊ីនឌី ដែលជាបវរកញ្ញាស្រស់ស្អាត បានតស៊ូ ហើយឆ្លងកាត់គ្រប់វិញ្ញាសា រហូតទទួលបានភាពទាក់ទាញពីគណៈកម្មា ជ្រើសតាំងជាម្ចាស់ជ័យលាភី ក្នុងចំណោមបេក្ខជន និងចូលដល់កំពូលទាំង៥។ បើនិយាយពីការប្រកួតលើវិស័យបវរកញ្ញា ដាំ សុភក្រ័ស៊ីនឌី បានឆ្លងកាត់ការប្រឡងមួយចំនួនមកហើយ។ ព្រោះតែចង់សម្រេចក្តីស្រម៉ៃ នាងបានព្យាយាមតស៊ូ មិនខុសពីម្ចាស់មកុដមួយចំនួននៅក្នុងស្រុកយើងឡើយ។
ស្រីស្អាត ស៊ីនឌី ក៏ជាពិធីការិនីម្នាក់ប្រចាំស្ថានីយទូរទស្សន៍មួយ។ បើទោះជាមានការងារផ្នែកពិធីការិនី នាងក៏សាកល្បងមកប្រឡងលើមាគ៌ាបវរកញ្ញា ដើម្បីអោយដឹងថា ការស្រឡាញ់របស់នាងផ្នែកនេះ ធ្វើបានដល់ចំណុចណា ស្របពេលក្នុងចិត្តមានតែការតស៊ូព្យាយាម។ ហើយពេលនេះ នាងមិនត្រឹមជាតួឯកក្នុងស្រុកនោះទេ ហើយក៏ក្លាយជារាជនីសំខាន់មួយនៅលើឆាកអន្តរជាតិ ដែលអ្នកណាក៏ចូលរួមអបអរគ្រប់គ្នា។
អ្វីដែលពិសេស កម្មវិធីប្រកួតខាងលើនេះ ទើបតែបង្កើតលើកដំបូង មានបែងចែក២ផ្នែក បុរសនិងនារី ដោយកម្ពុជាយើងឈ្នះលំដាប់រងទី៣ ទាំងប្រុសទាំងស្រី។ ហើយនៅមិនទាន់ដឹងថា ស្រីស្អាត ដាំ សុភក្រ័ស៊ីនឌី បន្តការងារតំណែងនេះជាមួយម្ចាស់កម្មវិធី ឬនាងត្រូវវិលមកស្រុកវិញនៅឡើយ។
ការជាប់បានតំណែង ពិសេសនេះប្រាកដជារុញអោយស្រីស្អាតរូបនេះ មានទីផ្សារខ្ពស់ មិនថាការសម្តែង ឬការថតស្ពតនោះទេ។ ថ្វីត្បិតតែកម្ពុជា ទើបតែចាប់ផ្ដើមក្នុងវិស័យបវរកញ្ញាក៏ពិតមែន ប៉ុន្ដែក្នុងឆ្នាំ២០២២នេះ បេក្ខភាពបវរកញ្ញាកម្ពុជា បាននាំយកម្កុដមកកាន់ប្រទេសវិញបានចំនួន៤មកហើយ ដែលមកពីកម្មវិធីប្រកួតសម្រស់ផ្សេងៗគ្នាក្នុងពិភពលោក។
សូមប្រជាជនកម្ពុជា ចូលរួមលើកស្ទួយ និងអោយកម្លាំងចិត្តជាបន្តទៀត ហើយក៏បន្តអោយតម្លៃទៅបេក្ខភាពយើងដែលខំតស៊ូរហូត បើទោះចាញ់ ឬឈ្នះ ព្រោះយ៉ាងណាយើងក៏បានសាងភាពលេចធ្លោអោយគេឃើញ ខណៈយើងទើបតែងើបឈរបានរឹងមាំប៉ុន្មានឆ្នាំនេះទេ។ បន្ថែមដំណឹង យើងក៏អបអរសាទរដល់បេក្ខភាពកម្ពុជាយើងម្នាក់ទៀតទទួលបានតំណែងលំដាប់រងទី៣ Mister Glam international 2022 នៅឯប្រទេស Philippines ផងដែរ។
ចែករំលែកព័តមាននេះ