រាជធានីភ្នំពេញ ៖ បុរសម្នាក់ស្រវឹងស្រាជោកជិះម៉ូតូទៅបុកដុំថ្មដួលដេកឱបម៉ូតូទៅមុខលែងរួច ហេតុការណ៍នេះកើតឡើងកាលពីវេលាម៉ោង៨និង២៥នាទីយប់ថ្ងៃទី១៧ ខែឧសភា ឆ្នាំ២០១៧ ត្រង់ក្នុងភូមិទួលកី សង្កាត់ភ្លើងឆេះរទេះ ខណ្ឌពោធិ៍សែនជ័យ ។
តាមប្រភពព័ត៍មានពីកន្លែងកើតហេតុបានអោយដឹងថា គេឃើញបុរសម្នាក់ជិះម៉ូតូមួយគ្រឿង ម៉ាក វីវ៉ា ពណ៍ខ្មៅ ស្លាក់លេខ ភ្នំពេញ ១O-៦៥៤៦ បើកដោយបុរសម្នាក់ក្នុងទិសដៅពីលិចទៅកើតតាមបណ្តោយផ្លូវលំ ខណៈពេលមកដល់ចំណុចកើតហេតុខាងលើក៏ស្រាប់តែមានបុរសស្រវឹងស្រាទប់ស្មារតីលែងជាប់ បានបើកកិនដុំថ្មមួយដុំបណ្តាលឲ្យដួលដេកឱបម៉ូតូទៅមុខលែងរួច ។
ក្រោយពេលកើតហេតុសមត្ថកិច្ចមូលដ្ឋានបានចុះទៅដល់កន្លែងកើតហេតុ ដោយសារតែភាគីខាងម៉ូតមានសាច់ញាតិមកទទួលគាត់យកត្រឡប់ទៅផ្ទះ ប៉ុន្តែភ្លាមៗនោះសាច់ញាតិមិនទាន់មកដល់ សមត្ថកិច្ចចាំយូពេកក៏ដឹកបុរសស្រវឹងជោកមកចាំនៅប៉ុស្តិ៍រង់ចាំសាច់ញាតិ និងម៉ូតូទៅផ្ទះវិញ ៕
ចែករំលែកព័តមាននេះ