រាជធានីភ្នំពេញ ៖ ជាការពិតណាស់ បើគ្មានអ្វីប្រែប្រួលទេ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត សម្តេចទាំងទ្វេនឹងអញ្ជើញជាអធិបតីភាពក្នុងពិធីបិទកីឡាជាតិលើកទី៣…
រាជធានីភ្នំពេញ ៖ ជាការពិតណាស់ បើគ្មានអ្វីប្រែប្រួលទេ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត សម្តេចទាំងទ្វេនឹងអញ្ជើញជាអធិបតីភាពក្នុងពិធីបិទកីឡាជាតិលើកទី៣ និងកីឡាជនពិការលើកទី១ នាថ្ងៃទី៣០ ខែវិច្ឆិកា ឆ្នាំ២០២២ ខាងមុខនេះ ដែលប្រព្រឹត្តិទៅនៅវិមានកីឡាដ្ឋាននៃពហុកីឡដ្ឋានជាតិមរតកតេជោ។
ទន្ទឹមនេះ អ្វីដែលកាន់តែធ្វើឲកក្រើក និងភ្ញាក់ផ្អើលនៅវិមានកីឡាដ្ឋាន នៃពហុកីឡដ្ឋានជាតិមរតកតេជោ ស្របពេលពិធីបិទវគ្គព្រឹត្តិការណ៍ ការប្រកួតកីឡាជាតិលើកទី៣ និងកីឡាជាតិជនពិការលើកទី១ ឆ្នាំ២០២២ និងលេចវត្តមានតារារ៉េបជួរមុខក្នុងប្រទេសកម្ពុជា ២ដួង គឺលោក ងួនចាន់ ដេវីត ហៅជី ដេវីត និងលោក ម៉ាន់ វណ្ណដា ហៅវណ្ណដា និងតារាចម្រៀង ស្រីដ៏ល្បីល្បាញ និងមានកេរ្តិ៍ឈ្មោះបោះសំឡេង ខ្លាំងម្នាក់ទៀត គឺអ្នកនាងអ្នកនាង ឱក សុគន្ធកញ្ញា ចូលរួមច្រៀង និងសម្ដែង ក្នុងព្រឹត្តិការណ៍ដ៏អស្ចារ្យមួយនេះ និងបង្កើតនៅទស្សនីយភាព ដ៏កម្រក្នុងការលើកយកបទចម្រៀងដែលលើកស្ទួយវប្បធម៌ អរិយធម៌ខ្មែរ មកច្រៀង និងសម្ដែងជូនទស្សនា។ នេះបើយោងតាមកម្មវិធី(ព្រាង) នៃពិធីបិទកីឡាជាតិលើកទី៣ ។
យ៉ាងណាមិញ ចំពោះវត្តមានតារារ៉េបលំដាប់អន្តរជាតិមកពីផលិតកម្មបារមី លោក ម៉ាន់ វណ្ណដា ហៅ វណ្ណដា នៅវិមានកីឡាដ្ឋាន នៃពហុកីឡដ្ឋានជាតិមរតកតេជោ ក្នុងពិធីបិទវគ្គព្រឹត្តិការណ៍ ការប្រកួតកីឡាជាតិលើកទី៣ និងកីឡាជាតិជនពិការលើកទី១ ឆ្នាំ២០២២ លោកនឹងឡើងច្រៀងបង្កើតទស្សនីយភាពជាមួយបទ «Time To Rise» ។
ចំណែកឯលោក ងួន ចាន់ដេវីត វិញ ក្នុងព្រឹត្តិការណ៍កក្រើកនេះ លោក និងលើកយកទស្សនីយភាបចម្រៀង វីរៈនារី មកបកស្រាយ និងសម្ដែងផងដែរ ។ រីឯតារាចម្រៀងស្រីអ្នកនាងឱក សុគន្ធកញ្ញា នឹងឡើងច្រៀងបទចម្រៀង «ក្រោកឈរ» ដែលតារាប្រុសស្រីទាំង៣ដួង និងលេចវត្តមានក្នុងថ្ងៃតែមួយ ដែលត្រូវជាថ្ងៃបញ្ចប់កម្មវិធី ។
ក្រៅពីការចម្រៀង និងសម្ដែងរបស់តារាប្រុសស្រី៣ដួងខាងលើ ក្នុងព្រឹត្តិការណ៍នេះក៏នឹងមានទស្សនីយភាពការដង្ហែក្បួនព្យុហយាត្រា, សម្តែងឧបករណ៍តន្ត្រីបុរាណខ្មែរ សុន្ទរកថាថ្នាក់ដឹងនាំ និងសុន្ទរកថាបិទរបស់សម្ដេចតេជោ ហ៊ុន សែន នាយករដ្ធមន្ត្រីកម្ពុជា ។
ក្រៅកម្មវិធីនេះ ក៏នឹងមានពិធីពន្លត់ភ្លើងគប់ និង ការអុជកាំជ្រួចយ៉ាងធំថែមទៀតផង ។ ដោយឡែក អ្វីដែលមហាជនអ្នកគាំទ្រកំពុងរងចាំមើល និងរំពៃគិតនោះ ក្នុងព្រឹត្តិការណ៍ដ៏អស្ចារ្យ ដែលមានវត្តមាន Top Rapper 2 ដួង គឺ លោកជី ដេវីត និងលោក វណ្ណដា ចូលរួមក្នុងថ្ងៃតែមួយ តើនិងមានទស្សនីយភាពអ្វីកើតឡើងខ្លះ និងរឿងរ៉ាវស្មានមិនដលអ្វីខ្លះ ដែលអាចកើតឡើង ហើយអ្នកគាំទ្រនិងបញ្ចេញយោបលយ៉ាងណា ចំពោះវត្តមានរបស់អ្នកទាំង២ប៉ះគ្នា ខណៈថ្មីៗនេះពួកគេបានប៉ះទង្គិចពាក្យសម្ដី តាមរយៈបទចម្រៀង បញ្ឆិតបញ្ឆៀង ឌឺដង ផ្លែផ្កាគ្នាទៅវិញទៅមកយ៉ាងខ្លាំង រហូតបង្កើតបានជារលកកំដៅ ផ្ទុះកក្រើកពេញបណ្ដាញសង្គម និងធ្វើឲអ្នកគាំទ្រចេញមុខការពារអាយដលរៀងៗខ្លួន អមដោយមតិរិះគន់តបតទៅវិញទៅមកឥតឈប់ឈរតែម្ដង៕
ចែករំលែកព័តមាននេះ