ចុះត្រួតពិនិត្យកាស៊ីណូរឹតបន្តឹងមិនអនុញ្ញាតឲ្យខ្មែរចូលលេង
- ស្វាយរៀង
ខេត្តស្វាយរៀង ៖ លោក សុខា រាម អភិបាលរងខេត្តស្វាយរៀង តំណាងលោក ម៉ែន វិបុល អភិបាលខេត្ត…
ខេត្តស្វាយរៀង ៖ លោក សុខា រាម អភិបាលរងខេត្តស្វាយរៀង តំណាងលោក ម៉ែន វិបុល អភិបាលខេត្ត កាលពីថ្ងៃទី២៥ ខែវិច្ឆិកា ឆ្នាំ២០២២ បានបន្តដឹកនាំកម្លាំងចម្រុះចុះត្រួតពិនិត្យ និងធ្វើបច្ចុប្បន្នភាពទីតាំងល្បែងស៊ីសងនៅតាមកាស៊ីណូចំនួន២ទីតាំង ក្នុងឃុំសំរោងស្រុកចន្ទ្រា។
ទីតាំងទាំងពីរក្នុងនោះរួមមានទី១.កាស៊ីណូ៦៧ និងទី២.កាស៊ីណូ៩៩និងតាមបណ្តាកាស៊ីណូផ្សេងទៀត ស្ថិតនៅក្នុងភូមិចេក ឃុំសំរោង ស្រុកចន្ទ្រា ខេត្តស្វាយរៀង។
បើតាមសមត្ថកិច្ចបានបង្ហើបឲ្យដឹងថា កាស៊ីណូទាំងពីរខាងលើ គឺមានបើកល្បែងបញ្ជាល់មាន់ មហាជនបានលើកជាសំនួរថា តើនៅតាមកាស៊ីណូមានច្បាប់អនុញ្ញាតឲ្យបើកល្បែងបញ្ជាល់មាន់ដែរឬទេ?
ដោយល្បែងបញ្ជាល់មាន់ ល្បែងឆ្នោតឡូតូ ត្រូវបានរាជរដ្ឋាភិបាលបានបង្ក្រាប និងបិទមិនអនុញ្ញាតឲ្យបើកល្បែងបញ្ជាល់មាន់ និងល្បែងឆ្នោតឡូតូនេះឡើងវិញទេ ក៏ប៉ុន្តែនៅតាមកាស៊ីណូក្នុងខេត្តស្វាយរៀងនៅតែមានបង្កប់ល្បែងបញ្ជាល់មាន់ដដែល។
សមត្ថកិច្ចម្នាក់សុំមិនបញ្ចេញឈ្មោះបានប្រាប់ឲ្យដឹងថា កាស៊ីណូគេមានអាជ្ញាប័ណ្ឌ ជាពិសេស កាស៊ីណូគេលេងល្បែងបញ្ជាល់មាន់ឲ្យតែជនបរទេសចូលលេងមិនអនុញ្ញាតិឲ្យខ្មែរចូលលេងទៅចប់។
ក្នុងឱកាសនោះដែរ លោកអភិបាលរងខេត្ត និងជាប្រធានក្រុមការងារក៏បានណែនាំបន្ថែមដល់ម្ចាស់ទីតាំងកាស៊ីណូទាំងពីខាងលើ សូមកុំឱ្យពលរដ្ឋខ្មែរចូលលេងជាដាច់ខាត។
ចំពោះអាជ្ញាធរស្រុក និងកងកម្លាំងត្រូវចូលរួមបង្កើនកិច្ចសហការក្នុងចំណោមអាជ្ញាធរ និងសមត្ថកិច្ចពាក់ព័ន្ធក្នុងការថែរក្សាពង្រឹងសន្តិភាព ស្ថិរភាពនយោបាយ សន្តិសុខសណ្ដាប់ធ្នាប់សាធារណៈ ផ្សព្វផ្សាយច្បាប់ចរាចរណ៍ ការបង្ការទប់ស្កាត់ និងបង្ក្រាបបទល្មើសនានាដូចជាការជួញដូរការប្រើប្រាស់គ្រឿងញៀ.ន ក្មេងទំនើង និងការលេងល្បែងស៊ីសងខុសច្បាប់គ្រប់ប្រភេទ ដែលកើតមានឡើងក្នុងដែនសមត្ថកិច្ចរបស់ខ្លួន។
លោកបន្តថា ត្រូវជំរុញ និងបំផុលចលនាឱ្យមានការចូលរួមអនុវត្តគោលនយោបាយ ភូមិ ឃុំ សង្កាត់មានសុវត្ថិភាពឱ្យបានតឹងរ៉ឹង និងម៉ឺងម៉ាត់ជាទីបំផុត៕
ចែករំលែកព័តមាននេះ