ទីក្រុងហូជីមិញ ៖ ឧស្សាហកម្មល្បែងវៀតណាមត្រូវបានរំពឹងថា នឹងរកចំណូលប្រចាំឆ្នាំឲ្យឈានដល់១ប៊ីលានដុល្លារក្នុងរយៈពេល១ឆ្នាំ ។ នេះបើយោងតាមអ្នកជំនាញ ។
កាលពីឆ្នាំមុន វៀតណាមបានបើកដំណើរការល្បែងចំនួន
ទីក្រុងហូជីមិញ ៖ ឧស្សាហកម្មល្បែងវៀតណាមត្រូវបានរំពឹងថា នឹងរកចំណូលប្រចាំឆ្នាំឲ្យឈានដល់១ប៊ីលានដុល្លារក្នុងរយៈពេល១ឆ្នាំ ។ នេះបើយោងតាមអ្នកជំនាញ ។
កាលពីឆ្នាំមុន វៀតណាមបានបើកដំណើរការល្បែងចំនួន១៥០ប្រភេទ ដែលអាចទាក់ទាញអ្នកចូលលេងចំនួន៣៦លាននាក់ និងរកចំណូលបាន៣០០លានដុល្លារអាមេរិក ។
ជាមួយនឹងតួលេខនេះ វៀតណាមបានក្លាយជាទីផ្សារល្បែងលំដាប់កំពូលនៅអាស៊ាន និងជាទីផ្សារធំលំដាប់ទី៦ នៅអាស៊ីអាគ្នេយ៍ ។
នាយកប្រតិបត្តិក្រុមហ៊ុន VNG Corporation លោក Le Hong Minh ជឿជាក់យ៉ាងមុតមាំថា ចំណូលពីឧស្សាហកម្មល្បែងក្នុងស្រុក នឹងឈានដល់១ប៊ីលានដុល្លារនៅមុនឆ្នាំ២០២៧ ។
លោកបន្ថែមថា បណ្ដាទីតាំងល្បែងរបស់វៀតណាមបានរចនាដោយមានប្រភេទល្បែងជាច្រើន និងមានលក្ខណៈស្ដង់ដាអន្តរជាតិ ។ ទោះបីយ៉ាងនេះក្ដី ទីផ្សារល្បែងទាំងអស់ត្រូវបានគ្របដណ្ដប់ដោយល្បែងបែបបរទេស ។
លោកនិយាយថា ចំណូលអាជីវកម្មដែលទទួលបានពីល្បែងឆ្នាំនេះ នឹងកើនឡើងពី៤០ទៅ៨០លានដុល្លារ ប្រសិនបើរួមបញ្ចូលទាំងនៅក្នុង AppStore ផងនោះ ។
យោងតាមតួលេខបង្ហាញថា ចំណូលអាជីវកម្មក្នុងប្រទេសភាគច្រើន ទទួលបានពីប្រភេទល្បែងបរទេស ខណៈឧស្សាហកម្មល្បែងក្នុងស្រុកហាក់ដើរយឺតជាងបណ្ដាប្រទេសនានាដូចជា អាមេរិក ចិន និងកូរ៉េខាងត្បូង ។
កាលពីឆ្នាំមុន ឧស្សាហកម្មល្បែងវៀតណាម មិនត្រូវបានស្ថិតក្នុងចំណោមបញ្ជីល្បែងអនឡាញទាំង១០ នៅក្នុងប្រទេសនោះទេ ។
ដើម្បីសម្រេចគោលដៅ១ប៊ីលានដុល្លារនៅក្នុងចំណូលប្រចាំឆ្នាំក្នុងរយៈពេល១០ឆ្នាំ លោកនាយកប្រតិបត្តិរូបនេះយល់ថា ឧស្សាហកម្មមួយនេះគួរបែរឆ្ពោះទៅរកទីផ្សារអន្តរជាតិ ហើយមិនគួរផ្ដោតលើទីផ្សារក្នុងស្រុកឡើយ ៕
ចែករំលែកព័តមាននេះ