Sky Sports ៖ អង់គ្លេសទំនងប្រើឈុតបំបាក់អ៊ីរ៉ង់ ៦-២ ដើម្បីតទល់នឹងអាមេរិក
កាតា ៖ លោក Gareth Southgate គ្រូបង្វឹកក្រុមជម្រើសជាតិអង់គ្លេស ត្រូវបានគេរំពឹងថា នឹងដាក់
កាតា ៖ លោក Gareth Southgate គ្រូបង្វឹកក្រុមជម្រើសជាតិអង់គ្លេស ត្រូវបានគេរំពឹងថា នឹងដាក់
កាតា ៖ លោក Gareth Southgate គ្រូបង្វឹកក្រុមជម្រើសជាតិអង់គ្លេស ត្រូវបានគេរំពឹងថា នឹងដាក់កីឡាករជម្រើស១១នាក់ដំបូងរបស់គាត់ ដែលបានផ្តួលក្រុមជម្រើសជាតិអ៊ីរ៉ង់លទ្ធផល ៦-២ កាលពីការប្រកួតជុំទី១ ក្នុងពូល B នៃព្រឹត្តិការណ៍ World Cup 2022 ដដែល ដើម្បីតទល់នឹងសហរដ្ឋអាមេរិក។ នេះបើយោងតាមប្រភពពីស្និតបានប្រាប់សារព័ត៌មាន Sky Sports របស់ចក្រភពអង់គ្លេស។
អង់គ្លេសនឹងត្រូវប៉ះសហរដ្ឋអាមរិក នៅវេលាម៉ោង ០២:០០នាទីរំលងអាធ្រាត្រឈានចូលថ្ងៃទី២៦ ខែវិច្ឆិកា ឆ្នាំ២០២២ (ម៉ោងនៅកម្ពុជា) នៅឯកីឡដ្ឋាន Al Bayt ដែលជាការប្រកួតជុំទី២ ក្នុងពូល B ។
ការជាសះស្បើយពីរបួសកជើង អំឡុងការប្រកួតទល់នឹងអ៊ីរ៉ង់របស់ប្រធានក្រុម Harry Kane មានន័យថា រូបគេនឹងដឹកនាំតំបន់ប្រយុទ្ធដដែល។ លោក Southgate ក៏គ្រោងបន្តដាក់ Kieran Trippier ជាខ្សែការពារស្តាំផងដែរ បើទោះបីជា Kyle Walker ជាសះស្បើយពីការវះកាត់ក្រលៀនកាលពីខែមុនយ៉ាងណាក្តី។ ស្របពេលខ្សែការពារ Harry Maguire ដែលមានបញ្ហាសុខភាព និងត្រូវប្តូរចេញអំឡុងការប្រកួតទល់នឹងអ៊ីរ៉ង់ ក៏បានត្រៀមខ្លួនរួចជាស្រេច សម្រាប់ការប្រកួតទល់នឹងអាមេរិកផងដែរ។ ខណៈតោកំណាចអង់គ្លេស កំពុងកាន់កាប់កំពូលតារាងពូល B តាមពីក្រោយដោយ វែលស៍ សហរដ្ឋអាមេរិក និង អ៊ីរ៉ង់ បន្ទាប់ពីបញ្ចប់ការប្រកួតនៅជុំទី១។
ដូចពាក្យ «កុំផ្លាស់ប្តូរក្រុមដែលឈ្នះ» នឹងបន្លឺឡើងក្នុងចិត្តរបស់លោក Southgate ហើយក៏ជាចំណុចវិជ្ជមាន ដែលកើតចេញពីការទទួលជ័យជម្នះ ៦-២ លើអ៊ីរ៉ង់ កាលពីថ្ងៃទី២១ ខែវិច្ឆិកា កន្លងទៅ។
ជម្រើស១១នាក់ដំបូងរបស់អង់គ្លេស ដែលបានយកឈ្នះលើអ៊ីរ៉ង់ ជាមួយនឹងទម្រង់ ៤-២-៣-១ រួមមាន៖
អ្នកចាំទី ៖ Jordan Pickford
តំបន់ការពារ ៖ Kieran Trippier, Harry Maguire, John Stones, Luke Shaw
តំបន់បម្រើ ៖ Mason Mount, Declan Rice, Bukayo Saka, Jude Bellingham, Raheem Sterling
តំបន់ប្រយុទ្ធ ៖ Harry Kane
ដោយឡែក ក្រឡែកទៅមើលសហរដ្ឋអាមេរិកវិញ ក្រោមការដឹកនាំរបស់លោក Gregg Berhalter កាលពីការប្រកួតជុំទី១ ពួកគេបានត្រឹមចែកគ្នាម្នាក់១ពិន្ទុប៉ុណ្ណោះ ជាមួយក្រុមជម្រើសជាតិវែលស៍ ដែលបានធ្វើឡើងនៅកីឡដ្ឋាន Ahmad bin Ali បន្ទាប់ពីបញ្ចប់ការប្រកួតជាមួយលទ្ធផល ១-១។
ការប្រកួតទាំងអស់ ដែលនឹងកើតឡើងនៅក្នុងថ្ងៃនេះ ៖
-ម៉ោង ០៥:០០នាទីល្ងាច វែលស៍ ត្រូវប៉ះ អ៊ីរ៉ង់ ជំនួបពូល B
-ម៉ោង ០៨:០០នាទីយប់ ម្ចាស់ផ្ទះកាតា ត្រូវប៉ះ សេណេហ្គាល់ ជំនួបពូល A
-ម៉ោង ១១:០០នាទីយប់ ហូឡង់ ត្រូវប៉ះ អេក្វាឌ័រ ជំនួបពូល A៕ (ដកស្រង់ចេញពី Sky Sports)
ចែករំលែកព័តមាននេះ