រាជធានីភ្នំពេញ ៖ ខកខានសម្តែងភាពយន្តជាច្រើនខែមកហើយ បច្ចុប្បន្ន តារាសម្តែង និងពិធីការិនីវ័យក្មេងកញ្ញាបេប៊ីនៅតែមិនទាន់មានពេលនៅឡើយ ។ តើមកពីហេតុអ្វី? ក្រៅពីអាជីពសម្តែងបេប៊ីគ្រោងបើកភោជនីយដ្ឋានមួយ ។
បេប៊កន្លងមកបោះបង់ឱកាសសម្តែងភាពយន្តក្នុងតំណែងជាតួឯកដល់ទៅ១រឿងឯណោះ ។ ស្រីស្អាតរូបនេះបញ្ជាក់ហេតុផលកាលពីពេល ថ្មីៗកន្លងមកថា «នាងខ្ញុំមានការខកខានមិនបានទទួលថតភាពយន្តក្នុងឆ្នាំនេះគិត ត្រួសៗដល់ទៅ១០រឿងឯណោះ ពិតជាមានអារម្មណ៍សោកស្តាយបំផុត ។ ប្រការដែលនាងខ្ញុំមិនបានសម្តែងកុនក្នុងទីផ្សារភាពយន្ត ដែលកំពុងតែកក្រើកដែលចិត្តនាងខ្ញុំគឺពិតជានៅចង់ងាកមកសម្តែងមិនអាចចោលបាននោះឡើយ។ នាងខ្ញុំដុះចេញមកពីការសម្តែងភាពយន្តមុនគេដែលចំណុចនេះហើយដែលនាងខ្ញុំនៅតែផ្ចង់ចិត្តចង់មករកការសម្តែងដូចដើមវិញ» ។
ការសម្តែងមានខាងផលិតករជាច្រើនសួរនាំតែមកពីការទទួលបានងារជាពិធីការិនី និងការច្រៀងសម្បូរពេក ហើយទៅតាមខេត្តញឹកញាប់បូកផ្សំទាំងការសម្តែងខនសឺត នៅលើកញ្ចក់ទូរទស្សន៍នានាសម្បូរផងនោះ ទើបធ្វើឱ្យនាងខ្ញុំរលាស់ខ្លួនមកសម្តែងមិនកើត» ។
បេប៊ីបញ្ជាក់ថា នាងអាចវិលចូលរួមសម្តែងវិញក្នុងឱកាសចុងឆ្នាំនេះ ឬដើមឆ្នាំ២០១៨ គ្រាដែលនាងស្បើយពីការងារ សមល្មមគិតពីការសម្តែងឡើងវិញ ឬក្រោយពេលនាងលែងរវល់ទៅច្រៀងតាមខេត្តនានា ។
បេប៊ីតែងតែច្រានចោលសំណើសុំស្នេហ៍ពីបុរសមួយចំនួនដោយបញ្ជាក់ថា នាងយកចិត្តទុកដាក់តែលើអាជីពសិល្បៈប៉ុណ្ណោះម្យ៉ាងខ្លួននៅក្មេងមិនគិតរឿងស្នេហាទេ ៕
ចែករំលែកព័តមាននេះ