រាជធានីភ្នំពេញ ៖ ការកំណត់ការមើលទូរទស្សន៍ និងលេងហ្គេមវីដេអូសម្រាប់កុមារមិនតែងតែងាយស្រួលទេនៅក្នុងពិភពលោក ដែលពោរពេញទៅដោយការសំឡឹងអេក្រង់នាពេលបច្ចុប្បន្ននេះ ។ ប៉ុន្តែខាងក្រោមនេះ គឺជាគន្លឹះ ១០ យ៉ាងដែលឪពុកម្តាយអាចប្រើដើម្បីសម្រេចថា តើរយៈពេលប៉ុន្មានក្នុងការមើលអេក្រង់ដែលសមហេតុផលសម្រាប់កូនៗ ៖
១. ការប្រើប្រាស់អេឡិចត្រូនិកដែលមានសុខភាពល្អ ៖ ឪពុកម្តាយត្រូវធ្វើជាគំរូនៃការប្រើប្រាស់អេក្រង់សម្រាប់កូនៗរបស់ពួកគេ ។ ការបើកទូរទស្សន៍ចោលគ្រប់ពេល ឬការចុចទូរស័ព្ទគ្រប់ពេលដែលអ្នកទំនេរ មិនមែនជាគំរូល្អទេ ។
២. អប់រំខ្លួនអ្នកអំពីអេឡិចត្រូនិក ក្មេងៗសម័យនេះចេះបច្ចេកវិទ្យា ។ ពួកគេភាគច្រើនដឹងអំពីអេឡិចត្រូនិកច្រើនជាងមនុស្សពេញវ័យ ។ ឪពុកម្តាយត្រូវបន្តធ្វើបច្ចុប្បន្នភាពលើកម្មវិធីហ្គេម និងវេទិកាប្រព័ន្ធផ្សព្វផ្សាយសង្គម និងនិន្នាការចុងក្រោយបង្អស់ ។
៣. បង្កើតតំបន់គ្មានបច្ចេកវិទ្យា ៖ បង្កើតតំបន់នៅក្នុងផ្ទះរបស់អ្នក ដែលគ្រឿងអេឡិចត្រូនិកមិនត្រូវអនុញ្ញាតឱ្យប្រើ មិនថា ជាទូរស័ព្ទដៃ ហ្គេមវីដេអូ ឬកុំព្យូទ័រយួរដៃនោះទេ ។ ឧទាហរណ៍មួយគឺបន្ទប់បរិភោគអាហារ ឬផ្ទះបាយរបស់ផ្ទះអ្នក ដែលអ្នកអាចរក្សាទុកសម្រាប់ការញ៉ាំអាហារ និងការសន្ទនាជាលក្ខណៈគ្រួសារ ។
៤. កំណត់ពេលវេលានៅឆ្ងាយពីអេឡិចត្រូនិក ៖ កំណត់ពេលវេលាសម្រាប់គ្រួសារទាំងមូលរបស់អ្នកដើម្បីដកខ្សែចេញពីឧបករណ៍បច្ចេកវិទ្យារបស់ពួកគេ ឧទាហរណ៍ អាហារពេលល្ងាច ឬមួយម៉ោងមុនពេលចូលគេង ដើម្បីផ្តល់ឱ្យគ្រួសាររបស់អ្នកនូវឱកាសដើម្បីចំណាយពេលវេលាប្រកបដោយគុណភាពជាមួយគ្នា ។
៥. គ្រប់គ្រងដោយឪពុកម្តាយ ៖ អ្នកអាចកំណត់អ្វីដែលកូនអ្នកចូលមើល website ដែលគេរុករក ឬហេ្កមណាដែលគេអាចលេងបានជាដើម ។
៦. ពន្យល់ពីមូលហេតុដែលអ្នកកំណត់ពេលវេលាលើអេក្រង់ ៖ ដោយផ្អែកលើអ្វីដែលសមស្របនឹងអាយុរបស់កូនអ្នក សូមពន្យល់ពីមូលហេតុដែលអ្នកំណត់ម៉ោងមើល ដូចជាមិនអនុញ្ញាតឱ្យលេងហ្គេមហិង្សា កម្មវិធីទូរទស្សន៍ ឬភាពយន្តដែលអាចបង្កគ្រោះថ្នាក់ ។
៧. សួររកពាក្យសម្ងាត់របស់កូនអ្នក ៖ អ្នកប្រហែលជាចង់ពិចារណាសួរកូនរបស់អ្នកសម្រាប់លេខសម្ងាត់ទៅគណនីអ៊ីនធឺណិត និងបណ្ដាញសង្គមរបស់ពួកគេ ។ កុមារមិនតែងតែមានភាពចាស់ទុំចាំបាច់ដើម្បីដោះស្រាយអន្តរកម្មតាមអ៊ីនធឺណិតទេ ហើយអាចងាយរងការគំរាមកំហែងតាមអ៊ីនធឺណិត ។ អ្នកនឹងត្រូវពិភាក្សាអំពីជម្រើសជាគ្រួសារ ប៉ុន្តែវានឹងអាស្រ័យលើអ្នកក្នុងនាមជាឪពុកម្តាយក្នុងការស្វែងរកវិធីដ៏ល្អបំផុតដើម្បីជួយការពារកូនរបស់អ្នក ខណៈពេលដែលនៅតែអនុញ្ញាតឱ្យពួកគេមានភាពឯកជន និងស្វ័យភាពខ្លះ ។
៨. លើកទឹកចិត្តសកម្មភាពផ្សេងៗ ៖ ជាមួយនឹងកម្មវិធីហ្គេម ឧបករណ៍ និងមាតិកាដ៏សម្បូរបែប វាងាយស្រួលសម្រាប់កុមារក្នុងការពឹងផ្អែកលើគ្រឿងអេឡិចត្រូនិកសម្រាប់ការកម្សាន្ត ។ លើកទឹកចិត្តកូនរបស់អ្នកឱ្យស្វែងរក និងចូលរួមក្នុងសកម្មភាពដែលមិនត្រូវការអេក្រង់ ។ ការលេងនៅខាងក្រៅ ការអានសៀវភៅ លេងបាល់ទាល់ គឺជាគំនិតដ៏ល្អ ។
៩. ធ្វើឱ្យពេលវេលាមើលអេក្រង់ជាឯកសិទ្ធិ ៖ នៅពេលដែលអ្នកបានកំណត់ចំនួនម៉ោងមើលអេក្រង់ដែលត្រូវបានអនុញ្ញាត សូមកុំអនុញ្ញាតឱ្យក្មេងៗរកបានម៉ោងបន្ថែមជារង្វាន់ ។ ផ្ទុយទៅវិញចូរប្រកាន់ខ្ជាប់នូវដែនកំណត់ប្រចាំថ្ងៃ ។
១០. រក្សាបន្ទប់គេងរបស់កូនអ្នកដោយគ្មានអេក្រង់ ៖ អ្នកនឹងមិនអាចតាមដានការប្រើប្រាស់លើអេក្រង់របស់កូនអ្នកបានទេ ។ កុំដាក់ទូរទស្សន៍ ប្រព័ន្ធវីដេអូហ្គេម និងកុំព្យូទ័រនៅក្នុងបន្ទប់គេងរបស់កូនអ្នក ពីព្រោះពួកគេអាចល្បួងឱ្យប្រើនៅពេលយប់ជ្រៅ ដែលអាចរំខានដល់ការគេងរបស់ពួកគេ ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀន វ៉េស្ទឡាញន៍ និងសាលារៀនណត្សឡាញន៍ ។ សម្រាប់វគ្គសិក្សាថ្មី កម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសិស្សធំ កម្មវិធីភាសាចិន ចូលរៀនថ្ងៃទី ១ ខែវិច្ឆិកា ឆ្មាំ ២០២២ ។ ចំណែកម្មវិធីចំណេះទូទៅខ្មែរពីថ្នាក់ទី ១ ដល់ទី ១២ ចាប់ទទួលចុះឈ្មោះចូលរៀនជារៀងរាល់ថ្ងៃ ។ ការចុះឈ្មោះបុត្រធីតានៅសាលារៀនយើងខ្ញុំ លោកអ្នកនឹងទទួលបានពិន្ទុសន្សំកាន់តែច្រើន ដើម្បីប្តូរយកសម្ភារ ឬទូទាត់ជាមួយនិងសេវាសផ្សេងៗ ។
សាលារៀនជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រង សាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ