អង់គ្លេស ៖ តាមប្រភពពី Metro ឱ្យដឹងថា អ្នកទោសម្នាក់ត្រូវបានគេបង្ខំឲ្យទទួលទានសាំងវិចដាក់លាមក ដើម្បីដោះដូរយកគ្រឿងញៀនទុកប្រើប្រាស់ ។ ប្រភេទគ្រឿងញៀនម្យ៉ាង ដែលធ្លាប់តែស្របច្បាប់ (កញ្ឆា) ត្រូវបានគេដោះដូរជាមួយនឹងការឲ្យអ្នកទោសហូបលាមកមនុស្ស ។
នៅក្នុងវីឌីអូដែលគេថតបាន គេអាចឮសំឡេងមនុស្សសើចចំអកទៅនឹងសកម្មភាពទទួលទានលាមករបស់អ្នកទោសម្នាក់ ។ ហេតុការណ៍ខាងលើ នៅពេលនេះ កំពុងតែត្រូវបានស៊ើបអង្កេតដោយអ្នកគ្រប់គ្រងពន្ធនាគារ HMP Hindley នៅក្នុងទីក្រុង Wigan ចក្រភពអង់គ្លេស។
មានអតីតជាអ្នកទោសជាប់នៅក្នុងពន្ធនាគារម្នាក់បានប្រាប់ថា ពន្ធនាគារនៅភាគខាងជើងប្រទេស មានគ្រឿងញៀនសំបូរហូរហៀរ។
ក្រុមភ្នាក់ងារពន្ធនាគារកំពុងតែធ្វើការសាកសួរអំពីហេតុការណ៍កើតមានដែលគូរឲ្យភ្ញាក់ផ្អើលនេះ ។ អ្នកទោសបាននិយាយថា អ្នកទោសខ្លះសុខចិត្តកាត់ខ្មាសឲ្យតែបានប្រើប្រាស់កញ្ឆា ។
មានអ្នកទោសម្នាក់ប្រាប់មកព័ត៌មាន Manchester Evening News ថា «នៅគឺជាសកម្មភាព ដែលកើតមានឡើងជាធម្មតារៀងរាល់ថ្ងៃ។ មានអ្នកខ្លះសុខចិត្តកោរសក់ខ្លួនឯង ហើយអ្នកខ្លះទៀតសុខចិត្តផឹកទឹកនោម ក៏មានដែរ ឲ្យតែបានកញ្ឆាយកទៅប្រើ។បុគ្គលិកគ្មានមានសកម្មភាពចាត់ការលើរឿងនេះទេ ។
បើថ្នាំជក់វិញ រឹតតែពិបាកយកមកប្រើជាងកញ្ឆាទៅទៀត ដោយវាមានតម្លៃប្រហែល២៦០ដុល្លាក្នុង២៨ក្រាម។ ពន្ធនាគារ Hindley ពេញទៅដោយកញ្ឆា។ ខ្ញុំបានឃើញមនុស្សត្រូវបានគេឆក់ដើម្បីឲ្យដឹងខ្លួនឡើងវិញពីការញៀនថ្នាំ» ។ គួរបញ្ជាក់ទៀតថា ខាងប្រភពព័ត៌មាន Metro បានសម្រេចថា មិនបង្ហោះវីឌីអូនៃសកម្មភាពខាងលើជាសាធារណៈទេ ។
ចែករំលែកព័តមាននេះ