អឺរ៉ុបព្រមានអាមេរិកពីហានិភ័យ Laptop
សហភាពអឺរ៉ុប ៖ អឺរ៉ុបបានព្រមានដល់សហរដ្ឋអាមេរិកថា ការដាក់បម្រាមហាមឃាត់មិនឲ្យយកកុំព្យូទ័រផ្ទាល់ខ្លួនឡើងយន្តហោះដែលហោះហើរឆ្លងសមុទ្រអាត្លង់ទិច អាចនឹងបង្កជាហានិភ័យដល់សុវត្ថិភាព ។
សហភាពអឺរ៉ុប ៖ អឺរ៉ុបបានព្រមានដល់សហរដ្ឋអាមេរិកថា ការដាក់បម្រាមហាមឃាត់មិនឲ្យយកកុំព្យូទ័រផ្ទាល់ខ្លួនឡើងយន្តហោះដែលហោះហើរឆ្លងសមុទ្រអាត្លង់ទិច អាចនឹងបង្កជាហានិភ័យដល់សុវត្ថិភាព ។
រដ្ឋាភិបាលរបស់លោកដូណាល់ ត្រាំ កំពុងតែរៀបចំការហាមឃាត់មិនឲ្យយកឧបករណ៍អេឡិចត្រូនិកធំៗចូលក្នុងកាប៊ីនយន្តហោះដែលហោះហើរពីអឺរ៉ុបទេ ហើយនេះគឺជាការពង្រីកការហាមឃាត់ថ្មីថែមទៀត ដែលបានដាក់ចេញកាលពីដើមឆ្នាំនេះលើយន្តហោះដែលហោះហើរចេញពីអាកាសយានដ្ឋានទាំង១០នៅមជ្ឈិមបូព៌ា និងអាហ្វ្រិក ។ មន្ត្រីបម្រើការក្នុងជួររដ្ឋាភិបាលសហរដ្ឋអាមេរិកបាននិយាយកាលពីខែមីនាថា ប្រភពរបស់ពួកគេបានប្រាប់មកថា ភេរវជនអាចនឹងលួចដាក់គ្រាប់ផ្ទុះក្នុងកុំព្យូទ័រផ្ទាល់ខ្លួននោះបាន ។
អ្នកដំណើរលើជើងយន្តហោះទាំងនោះ មិនអាចយកតាមខ្លួននូវអ្វីដែលធំជាងទូរស័ព្ទដៃបានទេ ខណៈអ្នកជំនាញផ្នែកអាកាសបាននិយាយថា ការរក្សាឧបករណ៍ជាច្រើនដែលមានថ្ម lithium ក្នុងកន្លែងដាកអីវ៉ាន់ អាចនឹងបង្កឲ្យមានអគ្គិភ័យ ។
មន្ត្រីភាគីអឺរ៉ុបដែលរួមមានស្នងការខាងដឹកជញ្ជូនរបស់EU លោកស្រី Violeta Bulc បានលើកឡើងពីបញ្ហានេះក្នុងអំឡុងនិយាយទូរស័ព្ទជាមួយនឹងលោកJohn Kelly លេខាធិការសន្តិសុខជាតិរបស់សហរដ្ឋអាមេរិកកាលពីថ្ងៃសុក្រសប្ដាហ៍មុន ៕
ចែករំលែកព័តមាននេះ