ទំនុកចិត្តជួយឱ្យអ្នកឈ្នះតាំងពីមិនទាន់ចាប់ផ្តើម
ទំនុកចិត្តជារឿងចាំបាច់ដែលគ្រប់គ្នាត្រូវការក្នុងជីវិតប្រចាំថ្ងៃ និងមានប្រយោជន៍ខ្លាំងណាស់នៅពេលដែកប្រឈមមុខនឹងបញ្ហាធំ ឬសម្រេចចិត្តសំខាន់ណាមួយក្នុងជីវិត ។ ជារឿងធម្មតា មនុស្សទូទៅមិនអាច
ទំនុកចិត្តជួយឱ្យអ្នកឈ្នះតាំងពីមិនទាន់ចាប់ផ្តើម
ទំនុកចិត្តជារឿងចាំបាច់ដែលគ្រប់គ្នាត្រូវការក្នុងជីវិតប្រចាំថ្ងៃ និងមានប្រយោជន៍ខ្លាំងណាស់នៅពេលដែកប្រឈមមុខនឹងបញ្ហាធំ ឬសម្រេចចិត្តសំខាន់ណាមួយក្នុងជីវិត ។ ជារឿងធម្មតា មនុស្សទូទៅមិនអាចរក្សាបាននូវទំនុកចិត្តខ្ពស់គ្រប់ពេលវេលាឡើយ ។ យើងអាចរៀនសូត្រនូវវិធីសាស្ត្របង្កើនទំនុកចិត្ត ដើម្បីហៅមកវិញនូវទំនុកចិត្តដែលបាត់បង់ទៅដូចខាងក្រោមនេះ ៖
១-គិតដល់ភាពជោគជ័យកន្លងមក ៖
ចូរគិតដល់ភាពជោគជ័យរបស់អ្នកកន្លងមកនាអតីតកាល ដោយសរសេរក្នុងសៀវភៅកត់ត្រាភាពជោគជ័យ ព្រមទាំងផ្តល់ពិន្ទុពី១-១០ ថា ភាពជោគជ័យនីមួយៗមានសារសំខាន់ក្នុងជីវិតច្រើនប៉ុនណា ដើម្បីប្រើក្នុងការចាត់ចំណាត់ថ្នាក់ភាពជោគជ័យដែលមាន មិនថាអ្នកទទួលបានការជ្រើសរើសជាប្រធានថ្នាក់ ការធ្វើម្ហូបដោយខ្លួនឯង ការដើរកម្សាន្តតាមក្តីសុបិនរបស់ខ្លួន ការទទួលបានជោគជ័យពីគម្រោងផ្សេងៗ ឬការទទួលបានភាពញញិមនៅពេលយើងជួយអ្នកដទៃជាដើម ។
២-គិតដល់ចំណុចខ្លាំង ៖
នៅពេលអានសៀវភៅកត់ត្រាភាពជោគជ័យ អ្នកអាចគិតដល់ភាពរឹងមាំរបស់ខ្លួនថា អ្នកប្រើសមត្ថភាព ឬជំនាញអ្វីដើម្បីបង្កើតភាពជោគជ័យផ្សេងៗដែលបានកត់ត្រាទុកក្នុងសៀវភៅ បន្ទាប់មកផ្តល់ពិន្ទុពី១-១០ ដូចជា ការដាក់ផែនការ ការធ្វើបទបង្ហាញ ឬភាពរហ័សរហួនក្នុងការរៀនសូត្រ និងតម្រូវតាមកាលៈទេសៈ ។
៣-គិតពីអ្វីតម្រូវការ និងសំខាន់បំផុត ៖
គិតពីគោលបំណងក្នុងជីវិត អ្វីសំខាន់បំផុត និងអ្នកត្រូវការក្នុងជីវិត ។ គោលបំណងសម្រាប់ជីវិតប្រៀបដូចជាត្រីវិស័យជីវិតរបស់អ្នកដែរ វាជាប្រភពដើមរបស់ទំនុកចិត្តដែលយើងមាន និងជាហេតុផលសំខាន់ក្នុងការសម្រេចចិត្តទាំងអស់ដែលសំខាន់ក្នុងជីវិត មិនថាអ្នកនឹងយល់ព្រម ឬបដិសេធ ហើយជាហេតុផលក្នុងការភ្ញាក់ពីគេងរៀងរាល់ព្រឹក និងទំនុកចិត្តយ៉ាងពេញលេញដើម្បីធ្វើរឿងដែលចង់ទទួលជោគជ័យ ។
៤-រៀនសូត្រ ឬបន្ថែមជំនាញ ៖
នៅពេលដឹងពីតម្រូវការរបស់ខ្លួនហើយ អ្នកសាកល្បងពិចារណាប្រៀបធៀបជាមួយចំណុចខ្លាំងថា នឹងត្រូវរៀនសូត្រ ឬបន្ថែមជំនាញឱ្យខ្លួនឯងអ្វីខ្លះ ពីទីកន្លែងណា អ្នកណា មានអ្នកណាដែលយើងអាចយកជាគំរូតាម ឬជាទីប្រឹក្សាជួយបំពេញទំនុកចិត្ត និងបង្កើតគោលដៅឱ្យក្លាយជាការពិតឆាប់រហ័ស ។
៥-រក្សាទំនុកចិត្ត ៖
គិតពីអារម្មណ៍នៅពេលអ្នកបានសម្រេចភាពជោគជ័យក្នុងរឿងណាមួយ មានក្តីសុខ និងមោទនភាពបំផុត គឺជាតិចនិកជួយបំពេញទំនុកចិត្ត ។ ក្តីសុខ និងកម្លាំងចិត្តក្នុងការធ្វើអ្វីមួយដែលអ្នកត្រូវការតាំងពីចាប់ផ្តើមធ្វើ នៅពេលមានការធ្លាក់ទឹកចិត្តដោយសារឧបសគ្គផ្សេងៗ ឬជួបបរាជ័យ រហូតដល់ទទួលបានជោគជ័យ ។
៦-បង្កើនទំនុកចិត្តពីការសរសើរគ្រប់ពេលទទួលជោគជ័យ ៖
ការឈានទៅមុខមួយកម្រិតទៀត អ្នកអាចកត់ត្រានូវភាពជោគជ័យ និងចំណុចខ្លាំងនៅក្នុងសៀវភៅ ហើយចាប់ផ្តើមកំណត់គោលដៅបន្ទាប់ ។ ប្រសិនបើធ្វើបែបនេះរហូតក្លាយជាទម្លាប់ អ្នកនឹងរកឃើញថា ខ្លួនឯងមានទំនុកចិត្ត និងក្តីសុខជានិច្ច ហើយជីវិតរបស់អ្នកនឹងពោរពេញទៅដោយភាពអស្ចារ្យ ៕
ចែករំលែកព័តមាននេះ