ការសម្រេចចិត្តទិញដីគួរតែថ្លឹងថ្លែង និងពិចារណាទៅលើកត្តាផ្សេងៗឲ្យបានល្អ ចៀសវាងការសម្រេចចិត្តដោយភាពប្រថុយប្រថានដែលធ្វើឱ្យបាត់បង់ឱកាស និងផលចំណេញផ្សេងៗ ។ តើយើងគួរឈ្វេងយល់ទៅលើកត្តាសំខាន់ៗអ្វីខ្លះ ?
ការសម្រេចចិត្តទិញដីគួរតែថ្លឹងថ្លែង និងពិចារណាទៅលើកត្តាផ្សេងៗឲ្យបានល្អ ចៀសវាងការសម្រេចចិត្តដោយភាពប្រថុយប្រថានដែលធ្វើឱ្យបាត់បង់ឱកាស និងផលចំណេញផ្សេងៗ ។ តើយើងគួរឈ្វេងយល់ទៅលើកត្តាសំខាន់ៗអ្វីខ្លះ ?
១-កុំទិញដីមិនធ្លាប់ឃើញ ៖
ត្រូវពិនិត្យដីជាក់ស្តែងជាមុន យើងនឹងបានឃើញពីបរិវេណព័ទ្ធជុំវិញ ព្រោះពេលខ្លះបើជ្រើសរើសដីតាមការណែនាំពីគម្រោងនោះ យើងមិនអាចដឹងពីទិសដៅពិតប្រាកដទេ ឬក៏អាចបាត់បង់ឱកាសក្នុងការវិនិយោគដើម្បីទទួលប្រាក់ចំណេញក៏មាន ។
២-ពិនិត្យប្លង់ និងព្រំប្រទល់ដីឲ្យច្បាស់លាស់ ៖
ប្រសិនបើគ្មានព្រំប្រទល់ទេ អ្នកគួរតែរកបង្គោលឈើមកសម្គាល់ទុកជាមុន និងពិនិត្យជាមួយអ្នកលក់ថា វាត្រឹមត្រូវឬទេ ។
៣-ប្រវត្តិដី ៖
យើងអាចសិក្សាពីប្រវត្តិរបស់ដីនោះថា មានការទិញ-លក់ផ្លាស់ប្តូរបែបណា ហើយការទិញ-លក់ប្រព្រឹត្តទៅជាធម្មតា ឬក៏មានការប្តឹងផ្តល់គ្នា ។ ការអភិវឌ្ឍដីដំណើរការទៅយ៉ាងល្អជាមួយម្ចាស់ដើម ឬដីនៅក្បែរខាងឬទេ ហើយដីនោះធ្លាប់ធ្វើអ្វីពីមុនមក ។ វានឹងជាព័ត៌មានដែលមានប្រយោជន៍បំផុតការសម្រេចចិត្តទិញ ។
៤-ស្គាល់គ្នាជាមួយម្ចាស់ដីក្បែរខាង ៖
សួរមតិយោបល់ពីការអភិវឌ្ឍដី ឬអារម្មណ៍របស់ពួកគេចំពោះគម្រោង ។ ក្នុងករណីមានមនុស្សចូលរស់នៅរួចហើយ យើងអាចសួរពីការបង្កលក្ខណៈងាយស្រួល ឬមានសេវាសាធារណៈផ្សេងៗ (ទឹក ភ្លើង និងផ្លូវ) ។ វាបង្កើតឡើងដូចអ្វីដែលបានឃោសនាឬទេ មិនថាអ្នកជិតខាងនឹងចូលចិត្តទីនោះក៏ដោយ ពួកគេនឹងជជែកគ្នាឱ្យអ្នកស្តាប់ ។
៥-ដីមាត់ទឹក ៖
បើអ្នករកតំបន់មាត់ទឹក គឺត្រូវពិនិត្យកម្រិតទឹកផងថា មានកម្រិតទឹកជារឿយៗឬទេ ។ ប្រសិនបើផ្លាស់ប្តូរ តើនឹងឡើងចុះខុសគ្នាខ្លាំងតិចប៉ុនណា ។
៦-ទឹកជំនន់ និងភ្លៀង ៖
យើងមើលទៅលើបញ្ហាទឹកជំនន់ថា តើមានឬអត់ ប្រសិនបើមានធ្លាប់ឡើងកម្រិតខ្ពស់ប៉ុនណា សម្រាប់នៅពេលសាងសង់ផ្ទះ នឹងអាចកំណត់ទុកជាមុនបាន ។ ចំណែករឿងរដូវកាលវិញ រដូវភ្លៀងនឹងមានបញ្ហាច្រើនបំផុត ទាំងរឿងទឹកនិងខ្យល់ ខណៈផ្ទៃដីខ្លះទទួលខ្យល់ខ្លាំង នៅពេលមានភ្លៀងធ្លាក់ ។
បើយើងមិនដឹង និងសាងសង់លំនៅឋានដោយមិនបានគិតពីបញ្ហានេះ ខណៈពេលភ្លៀងធ្លាក់មក ដំបូលនិងសំយាបផ្ទះនឹងមិនអាចទប់ទល់បានទេ ។ បញ្ហាកើតនៅពេលក្រោយ គឺផ្លាស់ប្តូរដំបូល ការពារសាចទទឹក និងការជ្រួលច្របល់ចិត្ត ។
៧-ផ្លូវគមនាគមន៍ ៖
ភាពងាយស្រួលក្នុងការចូលដល់ទីកន្លែងធ្វើការ សាលារៀនរបស់កូនៗ ផ្សារ និងហាងលក់ទំនិញគ្រប់មុខ ។ ចំណុចទាំងនេះជារឿងដំបូងក្នុងការជ្រើសរើសទីតាំងរស់នៅ ព្រោះវាជាតម្រូវការប្រចាំថ្ងៃ ។ ប្រសិនបើចំណុចខាងលើនេះស្ថិតក្នុងទិសដៅផ្សេងគ្នា យើងនឹងជួបការលំបាកក្នុងការរស់នៅ ព្រោះថា ពេលវេលារបស់យើងនឹងបាត់បង់ទៅជាមួយការធ្វើដំណើរមួយផ្នែកធំ ។
៨-ពិនិត្យមើលរចនាសម្ព័ន្ធ ៖
ត្រូវឱ្យប្រាកដចិត្តទាំងរឿងអគ្គិសនី ប្រព័ន្ធទឹក ទឹកសំណល់ និងផ្លូវ ។ ពេលខ្លះប្រព័ន្ធទឹកភ្លើងមិនទាន់ទៅដល់ ហើយពេលដែលយើងស្នើសុំភ្ជាប់បណ្តាញ ខាងបណ្តាញនឹងឱ្យចេញថ្លៃតភ្ជាប់ខ្សែដាំបង្គោលខ្លួនឯង ទាំងដែលវាជារបស់សាធារណៈ ហើយគេនឹងលើកហេតុផលថា នៅមិនទាន់មានផែនការពង្រីក ឬគ្មានថវិកា។ បើអ្នកត្រូវការប្រើប្រាស់ គឺត្រូវតែយល់ព្រមចំណាយ មិនដូច្នេះទេ ក៏ត្រូវរង់ចាំយូរដែរ ។
៩-ប្រៀបធៀបដីពីច្រើនគម្រោង ៖
កុំប្រញាប់សម្រេចចិត្តដោយគ្រាន់តែឃើញគម្រោងដំបូងហើយចូលចិត្តនោះ ព្រោះការដែលយើងបានប្រៀបធៀប នឹងធ្វើឱ្យការសម្រេចចិត្ត ឬការចរចាទទួលបានប្រយោជន៍ខ្លាំងបំផុត។ ភាពល្អិតល្អន់ ប្រសើរជាងទឹកភ្នែកនៅពេលក្រោយ ៕
ចែករំលែកព័តមាននេះ