ADផ្ទាំងផ្សព្វផ្សាយពាណិជ្ជកម្ម

Picture

មន្ត្រី​ចម្រុះ​ដាក់​ជញ្ជីង​ចល័ត​ជិត​១​ម៉ោង រក​ឃើញ​រថយន្ត​ដឹក​លើស​ទំងន់​ជា​ច្រើន​គ្រឿង​តាម​ផ្លូវជាតិ​​លេខ​៥

2 ខែ មុន
  • បន្ទាយមានជ័យ

មន្ត្រី​ចម្រុះ​បាន​ដាក់​ជញ្ជីង​ចល័ត​រយៈពេល​ជិត​១​ម៉ោង ហើយ​ក៏​បាន​រក​ឃើញ​រថយន្ត​ដឹក​លើស​ទម្ងន់​ចំនួន

ខេត្តបន្ទាយមានជ័យ ៖ មន្ត្រី​ចម្រុះ​បាន​ដាក់​ជញ្ជីង​ចល័ត​រយៈពេល​ជិត​១​ម៉ោង ហើយ​ក៏​បាន​រក​ឃើញ​រថយន្ត​ដឹក​លើស​ទម្ងន់​ចំនួន​៤​ទៅ​៥​គ្រឿង កាលពី​រសៀល​ថ្ងៃ​ទី​២១ ខែវិច្ឆិកា ឆ្នាំ​២០២២ នៅ​តាម​ផ្លូវជាតិ​លេខ​៥ ស្ថិត​ក្នុង​ខេត្តបន្ទាយមានជ័យ​។

Picture

បើ​តាម​លោក សុក ចាន់​ថា ប្រធាន​មន្ទីរ​សាធារណការ និង​ដឹក​ជញ្ជូន​ខេត្តបន្ទាយមានជ័យ បាន​ប្រាប់​ថា មន្ត្រី​ចម្រុះ មាន​ក្រសួង​សាធារណការ និង​ដឹក​ជញ្ជូន សហការ​ជាមួយ​មន្ទីរ និង​កម្លាំង​នគរ​បាល​សណ្តាប់ធ្នាប់ បាន​ដាក់​ជ​ញ្ចី​ង​ចល័ត​នៅ​តាម​ដងផ្លូវ​ជាតិ​លេខ​៥ ត្រង់​ចំណុច​ព្រំប្រទល់​ក្រុង​សិរី​សោភ័ណ និង​ស្រុក​អូរ​ជ្រៅ ដើម្បី​ត្រួតពិនិត្យ ហើយ​ក៏​បាន​រក​ឃើញ​រថយន្ត​ដឹក​ផ្ទុក​លើស​ទម្ងន់​ចំនួន​៤​ទៅ​៥​គ្រឿង​។

Picture

ចំណែក​លោក តាំង ពៅ ប្រធាន​លេខាធិការដ្ឋាន គណៈកម្មាធិការ ដឹកនាំ​ការ​ត្រួតពិនិត្យ​យានយន្ត​ដឹក​លើស​ទម្ងន់​កម្រិត​កំណត់​បានអោយ​ដឹង​ថា ជា​ការ​ណែនាំ​ពី​ឯកឧត្តម ស៊ុន ចាន់​ថុ​ល ទេស​រដ្ឋមន្ត្រី និង​ជា​រដ្ឋមន្ត្រីក្រសួង​សាធារណការ និង​ដឹក​ជញ្ជូន ហើយ​មន្ត្រី​ចម្រុះ មាន​មន្ត្រី​ក្រសួង និង​ខេត្ត បាន​ដាក់​ជញ្ជីង​ចល័ត​តាម​ដងផ្លូវ​ជាតិ​លេខ​៥ ត្រង់​ព្រំប្រទល់​ក្រុង​សិរី​សោភ័ណ និង​ស្រុក​អូរ​ជ្រៅ ដើម្បី​ត្រួតពិនិត្យ​រថយន្ត​ដែល​ដឹក​លើស​ទំងន់ ធ្វើ​អោយ​ខូច​ផ្លូវ និង​ប្រឈម​គ្រោះថ្នាក់​កើតឡើង​ជាដើម​។

Picture

លោក​បាន​បញ្ជាក់​ថា ការ​ត្រួតពិនិត្យ​ដាក់​ជញ្ជីង​ថ្លឹង​រថយន្ត​នេះ គឺ​ធ្វើ​ទៅ​លើ​រថយន្ត​ដែល​សង្ស័យ​ទើប​ថ្លឹង តែបើ​ប៉ះពាល់​ដល់​របប​រកស៊ី​របស់​ប្រជាពលរដ្ឋ ហើយ​រក​ឃើញ​រថយន្ត​ដឹក​លើស​ទម្ងន់ គឺ​អនុគ្រោះ​អោយ​គាត់​ទៅ និង​លើស​ទម្ងន់​ត្រូវ​អនុវត្ត​តាម​ច្បាប់ បើ​រថយន្ត​ដឹក​លើស​២០​ភាគរយ ចាប់ពី​១៦​តោន​ទៅ​៣៥​តោន ត្រូវ​វិន័យ​តាម​ច្បាប់​ផ្លូវថ្នល់ តាម​មាត្រា​ទី​៦០ ដែល​ត្រូវ​ឃាត់​រថយន្ត​ទុក​រយៈពេល​១​ឆ្នាំ និង​អនុវត្ត​តាម​ច្បាប់​កំណត់​។

Picture

លោក តាំង ពៅ ក៏​បាន​សំណូមពរ​ដល់​ប្រជាពលរដ្ឋ​ដែល​ប្រើប្រាស់​រថយន្ត​ធ្វើ​អាជីវកម្ម ត្រូវ​ដឹក​ទំនិញ​តាម​ការ​កំណត់ មិន​ត្រូវ​ដឹក​លើស​ទម្ងន់​ដែល​ធ្វើ​ខូចខាត​ផ្លូវថ្នល់ ប៉ះពាល់​ជា​សាធារណៈ និង​ប្រឈម​គ្រោះថ្នាក់​កើតឡើង ត្រូវ​បញ្ឈប់​ការ​ដឹក​លើស​ទម្ងន់ ត្រូវ​ចូលរួម​ទាំងអស់​គ្នា​អនុវត្ត​តាម​ការ​កំណត់​របស់​ក្រសួង​៕

Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023