ខំឌុបកូនពីខេត្តទៅភ្នំពេញ ដើម្បីប្រឡងចម្រៀង ស្រាប់តែឪពុកជួបគ្រោះអកុសលយ៉ាងរន្ធ.ត់
- ភ្នំពេញ
រាជធានីភ្នំពេញ ៖ ឪពុកឌុបកូនប្រុសទៅប្រឡងចំរៀងត្រូវរថយន្តបែនធុនធំបើកបុ.កម៉ូតូ២គ្រឿង
រាជធានីភ្នំពេញ ៖ ឪពុកឌុបកូនប្រុសទៅប្រឡងចំរៀងត្រូវរថយន្តបែនធុនធំបើកបុ.កម៉ូតូ២គ្រឿង
រាជធានីភ្នំពេញ ៖ ឪពុកឌុបកូនប្រុសទៅប្រឡងចំរៀងត្រូវរថយន្តបែនធុនធំបើកបុ.កម៉ូតូ២គ្រឿងកិ.នស្លា.ប់ឪពុកនៅខាងក្រោមរថយន្ត ចំណែកកូននិងបុរសម្នាក់ទៀតរងរបួសស្រាល ។
ហេតុការណ៍ខាងលើនេះបង្កឱ្យមានការភ្ញាក់ផ្អើលកើតឡើងកាលពីវេលាម៉ោង១០និង៣០នាទីយប់ថ្ងៃទី ២១ ខែវិច្ឆិកា ឆ្នាំ២០២២ នៅតាមបណ្ដោយផ្លូវជាតិលេខ៤ កែងស្ពានអាកាសមហាវិថីឈ្នះឈ្នះ ស្ថិតក្នុងភូមិជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
សពជនរងគ្រោះឈ្មោះ ង៉ែត ភេទប្រុស អាយុ៤២ឆ្នាំ មុខរបរកម្មករសំណង់ មានស្រុកកំណើតនៅភូមិ ក្រោល ឃុំកាត់ភ្លុក ស្រុកបសេធខេត្តកំពង់ស្ពឺ ជាអ្នកបើកបរម៉ូតូមួយគ្រឿងម៉ាកហុងដាប៊ីត ពណ៌ស ពាក់ស្លាកលេខ កំពង់ស្ពឺ 1U-0313 រួមដំណើរដោយកូនប្រុសម្នាក់ ។ ចំណែកម៉ូតូមួយគ្រឿងទៀតដែលរថយន្តកិ.នពីលើម៉ាកស្មាស ពណ៌ក្រហម ពាក់ស្លាកលេខ ភ្នំពេញ 1AW-0056 បើកបរដោយបុរសម្នាក់ មិនស្គាល់ឈ្មោះ រងរបួសស្រាល ។ ដោយឡែកភាគីខាងរថយន្តម៉ាកHINO ពណ៌សលាយក្រហម ពាក់ស្លាកលេខ ព្រះសីហនុ 3A-5201 បើកបរដោយបុរសម្នាក់មិនស្គាល់អត្តសញ្ញាណ ។
តាមប្រភពព័ត៌មានពីបុរសម្នាក់ដែលជួបគ្រោះថ្នាក់ជាមួយគ្នា តែរងរបួសស្រាលបានប្រាប់ឱ្យដឹងថា នៅមុនពេលកើតហេតុ រូបគាត់ជិះម៉ូតូមួយគ្រឿងម៉ាកស្មាសតែម្នាក់ឯង ធ្វើដំណើរក្នុងទិសដៅពីលិចទៅកើត ចំណែកជនរងគ្រោះជិះម៉ូតូមួយគ្រឿងម៉ាកហុងដាប៊ីត ពណ៌ស មានឌុបកូនប្រុសម្នាក់ ធ្វើដំណើរក្នុងទិសដៅពីលិចទៅកើត ស្របទិសគ្នា ។
តាមប្រភពដដែលបានបន្តថា លុះមកដល់ចំណុចកើតហេតុត្រង់គល់ស្ពានអាកាសទំនប់កប់ស្រូវ ស្រាប់តែមានរថយន្តមួយគ្រឿងមិនចាំម៉ាកបើកចេញពីផ្លូវមហាវិថីឈ្នះឈ្នះ ហៅផ្លូវទំនប់កប់ស្រូវក្នុងទិសដៅពីជើងទៅត្បូង ហើយបត់ឆ្វេងចូលផ្លូវជាតិលេខ៤ គឺបត់ខាងមុខម៉ូតូពួកគាត់ ។ បន្ទាប់មកគាត់បានជាន់ហ្វ្រាំងឈប់ ដើម្បីអោយរថយន្តដែលបត់ខាងមុខគាត់ឆ្លងទៅមុន ចំណែកជនរងគ្រោះក៏ជាន់ហ្វ្រាំងឈប់ដែរ តែដួលម៉ូតូ ពេលនោះស្រាប់តែស្រាប់តែរថយន្តបង្កម៉ាកHINO បើកក្នុងទិសដៅពីលិចទៅកើត ស្របទិសគ្នាបើកមកពីក្រោយជាន់ហ្វ្រាំងមិនជាប់ ក៏បានបុ.កម៉ូតូគាត់ពីក្រោយ ហើយរ៉េចង្កូតទៅផ្នែកខាងស្ដាំបួងចេញ ធ្វើឲ្យរថយន្តបង្កកិ.នម៉ូតូគាត់ពីលើ ចំណែកម៉ូតូជនរងគ្រោះជាប់កង់ផ្នែកខាងឆ្វេងតិចតួច តែជនរងគ្រោះងើបមិនរួច ត្រូវបានរថយន្តបង្កកិ.នចំក្បាលនៅខាងក្រោមរថយន្ត បណ្តាលឱ្យស្លា.ប់យ៉ាងអាណោចអាធ័ម ចំណែកគាត់និងកូនប្រុសរបស់ជនរងគ្រោះបានលូនចេញពីរថយន្ដ រួចផុតពីគ្រោះថ្នាក់ដល់ជីវិត មិនមានរងរបួសធ្ងន់ធ្ងរឡើយ រីឯអ្នកបើកបររថយន្តបែនធុនធំខាងលើបានចុះពីលើរថយន្ដគេចខ្លួនបាត់ ។
តាមប្រភពព័ត៌មានពីកូនរបស់ជនរងគ្រោះវិញបានរៀបរាប់ទាំងទឹកភ្នែកស្រែកទ្រហោយំសោក ស្តាយឪពុករបស់ខ្លូនយ៉ាងខ្លាំងថា ដោយហេតុតែខ្លួនស្រឡាញ់វិស័យសិល្បៈផ្នែកចម្រៀង ទើបឪពុកដែលជាកម្មករសំណង់បានជិះម៉ូតូឌុ.បរូបគេទៅប្រឡងចម្រៀងនៅម្តុំច្បារអំពៅ ។ នៅមុនពេលកើតហេតុ ឪពុកបានឌុបរូបគាត់ពីទីរួមខេត្តកំពង់ស្ពឺមកភ្នំពេញ ដើម្បីទៅប្រឡងចម្រៀង ខណៈពេលមកដល់ភ្នំពេញ ឪពុកឌុបចូលលេងបងប្អូននៅម្តុំរោងចក្រ យ៉ាកជីង ក្នុងខណ្ឌកំបូល ក៏បានហូបបាយជួបជុំគ្នារួច ឪពុកក៏បានឌុបគាត់ទៅប្រឡងចម្រៀងនៅម្តុំច្បារអំពៅ តែជាអកុសល ខណៈពេលឪពុកបានដឹករូបគាត់មកដល់ចំណុចកើតហេតុខាងលើ ត្រូវរថយន្តបែនធន់ធំបុ.ក និងកិន បណ្តាលឲ្យបាត់បង់ជីវិតយ៉ាងអាណោចអាធ័ម ។
ក្រោយពេលកើតហេតុ សមត្ថកិច្ចជំនាញចរាចរណ៍រាជធានីភ្នំពេញធ្វើការវាស់វែងយកម៉ូតូជនរងគ្រោះទាំង២គ្រឿង និងរថយន្តបង្កទៅរក្សាទុករង់ចាំធ្វើការដោះស្រាយនៅពេលក្រោយ ចំណែកស.ពជនរងគ្រោះ ត្រូវបានសមត្ថកិច្ចជំនាញធ្វើលិខិតប្រគល់អោយក្រុមគ្រួសារជនរងគ្រោះយកទៅធ្វើបុណ្យតាមប្រពៃណីនៅឯស្រុកកំណើត ៕
ចែករំលែកព័តមាននេះ