សមាជិកសភាម្នាក់នៃបក្សប្រឆាំងសួររឿងជញ្ជីងពាណិជ្ជកម្ម
រាជធានីភ្នំពេញ ៖ សមាជិកសភាមកពីគណបក្សសង្គ្រោះជាតិលោក សុន ឆ័យ បានស្នើទៅកាន់សម្តេច ហេង សំរិន ប្រធានរដ្ឋសភា
រាជធានីភ្នំពេញ ៖ សមាជិកសភាមកពីគណបក្សសង្គ្រោះជាតិលោក សុន ឆ័យ បានស្នើទៅកាន់សម្តេច ហេង សំរិន ប្រធានរដ្ឋសភា
រាជធានីភ្នំពេញ ៖ សមាជិកសភាមកពីគណបក្សសង្គ្រោះជាតិលោក សុន ឆ័យ បានស្នើទៅកាន់សម្តេច ហេង សំរិន ប្រធានរដ្ឋសភាដើម្បីឲ្យរដ្ឋមន្ត្រីក្រសួងពាណិជ្ជកម្មបំភ្លឺរឿងជញ្ជីងពាណិជ្ជកម្មជាមួយប្រទេសជិតខាង ។
យោងតាមលិខិតរបស់លោក សុន ឆ័យ ដាក់ទៅសម្តេច ហេង សំរិន ប្រធានរដ្ឋសភាក្នុងកម្មវត្ថុស្នើឆ្លើយសំណួរជាលាយលក្ខណ៍អក្សរអំពីជញ្ជីងពាណិជ្ជកម្មរវាងព្រះរាជណាចក្រកម្ពុជា និងប្រទេសជិតខាង និងយោងតាមសេចក្តីប្រកាសរួមនៃកិច្ចប្រជុំលើកទី៩ កម្ពុជា វៀតណាម ចុះថ្ងៃទី៥ ខែឧសភា និងត្រូវបានសម្តេច ប្រធានរដ្ឋសភាទទួលស្គាល់ថ្ងៃទី៩ ខែឧសភា បានបញ្ជាក់ថា «ខ្ញុំសួមជម្រាបលោករដ្ឋមន្ត្រីជ្រាបថា ដោយមានការផ្សព្វផ្សាយពីតួលេខអំពីជញ្ជីងពាណិជ្ជកម្មឆ្នាំ២០១៦ ដែលព្រះរាជាណាចក្រកម្ពុជាមានជាមួយប្រទេសវៀតណាម និងជាមួយប្រទេសថៃ តាមឯកសារដូចយោងនេះរួមមាន ៖ ការនាំចូលទំនិញពីប្រទេសវៀតណាមមានតម្លៃ២២.០០០លានដុល្លារអាមេរិក ។
ចំណែកការនាំចេញទំនិញ ពីប្រទេសកម្ពុជាទៅកាន់ប្រទេសវៀតណាមវិញមានត្រឹម ៧២៥,៨លានដុល្លារ ។ ការនាំចូលទំនិញពីប្រទេសថៃមានតម្លៃ៤.៧០០លានដុល្លារអាមេរិកតែកានាំចេញទំនិញពីប្រទេសកម្ពុជាទៅប្រទេសថៃមានត្រឹមតែ៩៣៦លានដុល្លារអាមេរិកប៉ុណ្ណោះ» ។ លោក សុន ឆ័យ បានដាក់សំណួរចំនួន៤ទៅកាន់លោក ប៉ាន សូរស័ក្តិ រួមមាន៖
១-តើទិន្នន័យនៃជញ្ជីងពាណិជ្ជកម្មជាមួយប្រទេសជិតខាងរយៈពេល៥ឆ្នាំកន្លងទៅមានតួលេខដូចម្តេច?
២-តើព្រះរាជាណាចក្រកម្ពុជាទិញ និងលក់ទំនិញអ្វីខ្លះទៅប្រទេសជិតខាង?
៣-តើកម្ពុជាមានលុយប្រភពណាដើម្បីប៉ះប៉ូវចំពោះឱនភាព យ៉ាងខ្លាំងនៃជញ្ជីងពាណិជ្ជកម្មជាមួយប្រទេសជិតខាងនេះ ? និងទី៤ តើរាជរដ្ឋាភិបាលមានវិធានការអ្វីខ្លះ ដើម្បីកាត់បន្ថយ ឱនភាព នៃជញ្ជីងពាណិជ្ជកម្មជាមួយប្រទេសជិតខាងនោះ?
ចែករំលែកព័តមាននេះ