យកអំណោយជូនអតីតនាយប៉ុស្តិ៍ដែលតារាចំរៀងប៉ុនប៉ងសម្លា.ប់
ខេត្តកំពង់ស្ពឺ ៖ ដោយមានការយកចិត្តទុកដាក់ពីសំណាក់ស្នងការនគរបាលខេត្តមន្ត្រីអធិការដ្ឋាននគរបាលស្រុកឧដុង្គដឹកនាំដោយលោកវរសេនីត្រី ពីង ពៅ អធិការរង
ខេត្តកំពង់ស្ពឺ ៖ ដោយមានការយកចិត្តទុកដាក់ពីសំណាក់ស្នងការនគរបាលខេត្តមន្ត្រីអធិការដ្ឋាននគរបាលស្រុកឧដុង្គដឹកនាំដោយលោកវរសេនីត្រី ពីង ពៅ អធិការរង
ខេត្តកំពង់ស្ពឺ ៖ ដោយមានការយកចិត្តទុកដាក់ពីសំណាក់ស្នងការនគរបាលខេត្តមន្ត្រីអធិការដ្ឋាននគរបាលស្រុកឧដុង្គដឹកនាំដោយលោកវរសេនីត្រី ពីង ពៅ អធិការរង និងមន្ត្រីជាច្រើនរូបទៀតបាននាំយកអំណោយរបស់សប្បុរសធម៌ជូនដល់អតីតនាយប៉ុស្តិ៍ដែលតារាចំរៀងប៉ុនប៉ងចាក់សម្លាប់កាលពីពេលថ្មីៗកន្លងទៅ ។ ការនាំយកអំណោយនេះធ្វើឡើងកាលពីរសៀលថ្ងៃទី១០ ខែឧសភា ឆ្នាំ២០១៧ នៅមន្ទីរពេទ្យព្រះកុសុមៈ ។
ក្នុងឱកាសដែលមន្ត្រីថ្នាក់ដឹកនាំនគរបាលស្រុកឱដុង្គចុះទៅសាកសួរសុខទុក្ខនោះដែរអ្នកស្រី ឯម ចន្ថា ជាភរិយា របស់លោក ឯម សាម៉េន ក៏បានថ្លែងអំណរអរគុណចំពោះថ្នាក់ដឹកនាំនគរបាលស្រុក ជាពិសេសលោកស្នងការនគរបាលខេត្តដែលតែងតែយកចិត្តទុកដាក់ដល់កងកំលាំងក្រោមឱវ៉ាទទាំងអស់ដែលមានគ្រោះថ្នាក់ និងមានជម្ងឺ ។
សូមរំលឹកថា កាលពីវេលាម៉ោង៦និង៤០នាទីថ្ងៃទី៧ ខែឧសភា ឆ្នាំ២០១៧ នៅចំណុចក្រោមផ្ទះស្ថិតនៅភូមិជំពូព្រឹក្ស ឃុំជំពូព្រឹក្ស ស្រុកឧដុង្គ ខេត្តកំពង់ស្ពឺ មានករណីប៉ុនប៉ងមនុស្សឃាតដែលបង្កដោយឈ្មោះ ប៊ី សារ៉ុន ហៅសាំង សារុន ភេទប្រុស អាយុ២៣ឆ្នាំ រស់នៅភូមិ-ឃុំកើតហេតុបានយកកាំបិតចិតបន្លែពណ៌សចាក់ និងស្នាប់ដៃវាយលើជនរងគ្រោះឈ្មោះ ឯម សាម៉េន ភេទប្រុស អាយុ៥៥ឆ្នាំ ដែលជាអតីតនាយប៉ុស្តិ៍ជំពូព្រឹក្សរស់នៅភូមិ-ឃុំខាងលើរងរបួសចំលើចង្កេះខាងស្តាំ និងចំក្បាលដោយសាររឿងមូលហេតុគំនុំបណ្តាលឱ្យជនរងគ្រោះរងរបួសជាទំងន់ ។ មុខសញ្ញាសង្ស័យក្រោយប៉ុនប៉ងចាក់សម្លាប់ជនរងគ្រោះមិនបានសម្រេចរួចមកក៏បានរត់គេចខ្លួនបាត់ពេលនេះកំលាំងជំនាញអធិការដ្ឋានបន្តនីតិវិធី និងស្វែងរកចាប់ខ្លួនជនដៃដល់ដើម្បីយកមកផ្តន្ទាទោសតាមផ្លូវច្បាប់ ៕
ចែករំលែកព័តមាននេះ