ខេត្តបាត់ដំបង ៖ គ្រាប់កាំភ្លើងត្បាល់ធុន៨២មមចំនួនមួយគ្រាប់ ត្រូវបានប្រទះឃើញនៅក្នុងអគារចាស់ទ្រុឌទ្រមមួយកន្លែង នៅក្នុងអនុវិទ្យាល័យតាម៉ឺន ស្ថិតក្នុងភូមិកសិកម្ម ឃុំតាពូង ស្រុកថ្ម គោល កាលពីព្រឹកថ្ងៃ២១…
ខេត្តបាត់ដំបង ៖ គ្រាប់កាំភ្លើងត្បាល់ធុន៨២មមចំនួនមួយគ្រាប់ ត្រូវបានប្រទះឃើញនៅក្នុងអគារចាស់ទ្រុឌទ្រមមួយកន្លែង នៅក្នុងអនុវិទ្យាល័យតាម៉ឺន ស្ថិតក្នុងភូមិកសិកម្ម ឃុំតាពូង ស្រុកថ្ម គោល កាលពីព្រឹកថ្ងៃ២១ វិច្ឆិកា ខណៈពេលដែលលោកគ្រូ-អ្នកគ្រូនាំគ្នាទៅរុះរើអគារនោះ ដើម្បី
ជួសជុសជាថ្មី ។
មេបញ្ជាការមូលដ្ឋានកងរាជអាវុធហត្ថស្រុកថ្មគោល លោក ហួត ហ៊ុន បានប្រាប់កោះសន្តិភាពថា គ្រាប់កាំភ្លើងធុន៨២មមនោះ ត្រូវបានលោកគ្រូអ្នកគ្រូប្រទះឃើញនៅក្នុងអគារទីចាត់ការចាស់ទ្រុឌទ្រម ដែលទុកចោលរាប់សិបឆ្នាំកន្លងទៅនេះ នៅក្នុងបរិវេណ «អនុវិទ្យាល័យតាម៉ឺន» ពេលពួកគាត់ទៅរើកកាយ ដើម្បីពិនិត្យត្រៀមជូសជុលឡើងវិញ ។
លោកបានបញ្ជាក់ថា ក្រោយពីប្រទះឃើញគ្រាប់នោះ ពួកគាត់ក៏បានរាយការណ៏ប្រាប់កម្លាំងរបស់លោកដែលនៅក្បែរនោះ ឲ្យជួយអន្តរាគមន៏ទើបលោកផ្ដល់ព័ត៌មានទៅកម្លាំងជំនាញស៊ីម៉ាក់ឲ្យចុះពិនិត្យភ្លាមៗតែម្ដង ។ បើតាមប្រភពព័ត៌មានគ្រាប់កាំភ្លើងធុន៨២មមនោះទំនងត្រូវគេរើសបោះចោលទៅក្នុងទីចាត់ការនៃអនុវិទ្យល័យតាម៉ឺន នេះច្រើនឆ្នាំកន្លងមកហើយ។ ទីចាត់ការចាស់នេះ ចាស់ទ្រុឌទ្រមទុកចោលច្រើនឆ្នាំហើយ ពុំមានអ្នកចូលធ្វើការទេ ហើយគ្រាប់កាំភ្លើងធំធុន៨២មមនោះ ទំនងក៏នៅក្នុងនោះច្រើនឆ្នាំកន្លងមកហើយដែរ លុះត្រូវការរុះរើដើម្បីត្រៀមជូសជុសក៏ប្រទះឃើញតែម្ដង ។
លោក ហួត ហ៊ុន បានបញ្ជាក់ថា គ្រាប់កាំភ្លើងធុន៨២មមនោះ មានតួគ្រាប់ទាំងមូល តែពុំមានក្បាលបំផ្ទុះទេ។ មន្ត្រីជំនាញស៊ីម៉ាក់ក៏បានចុះមកពិនិត្យ និងយកគ្រាប់នោះចេញពីក្នុងទីចាត់ការទ្រុឌទ្រមនោះហើយ ។ នេះចាត់ទុកសំណាងហើយ ដែលរាប់សិបឆ្នាំកន្លងទៅនេះពុំមានសិស្សានុសិស្សចូលទៅលេងក្នុងអគារចាស់នោះ ប្រសិនបើមានប្រហែលអាចបង្កគ្រោះថ្នាក់ជាមិនខាន៕
ចែករំលែកព័តមាននេះ