ខេត្តបាត់ដំបង ៖ ជនតិរច្ឆានម្នាក់ស្រវឹងស្រាជោកជាំ ថែមទាំងញៀនថ្នាំដល់កំរិតផង បានយកកាំបិតខ្វែវភ្ជង់រកអារ.កស.ម្លា.ប់កូនស្រីអាយុ០៧ឆ្នាំ និងយកខ្នងពូថៅវាយធ្វើទារុណកម្មកូនស្រីយ៉ាងសាហាវឃោរឃៅថែមទៀត រហូតបែកឈាម និងហើមពេញផ្ទៃមុខ តែសំណាងល្អត្រូវកម្លាំងសមត្ថកិច្ចចុះជួយអន្តរាគមន៏ទាន់ រួចចាប់ខ្លួនជនតិរច្ឆាននេះភ្លាមៗ…
ខេត្តបាត់ដំបង ៖ ជនតិរច្ឆានម្នាក់ស្រវឹងស្រាជោកជាំ ថែមទាំងញៀនថ្នាំដល់កំរិតផង បានយកកាំបិតខ្វែវភ្ជង់រកអារ.កស.ម្លា.ប់កូនស្រីអាយុ០៧ឆ្នាំ និងយកខ្នងពូថៅវាយធ្វើទារុណកម្មកូនស្រីយ៉ាងសាហាវឃោរឃៅថែមទៀត រហូតបែកឈាម និងហើមពេញផ្ទៃមុខ តែសំណាងល្អត្រូវកម្លាំងសមត្ថកិច្ចចុះជួយអន្តរាគមន៏ទាន់ រួចចាប់ខ្លួនជនតិរច្ឆាននេះភ្លាមៗ កាលពីវេលាថ្ងៃត្រង់ ថ្ងៃទី២០ វិច្ឆិកា នៅភូមិរស្មីសង្ហា ឃុំរស្នីសង្ហា ស្រុករតនៈមណ្ឌល ។
នាយប៉ុស្ដិ៍រដ្ឋបាលរស្មីសង្ហា លោកអ៊ី រស្មាក់ បានឲ្យដឹងថា ជនដៃដល់ដែលវាយដំលើកូនស្រីខ្លួនឈ្មោះ នួន ស៊ីថង អាយុ៣៤ឆ្នាំ រស់នៅកន្លែងកើតហេតុ រីឯកូនស្រីដែលរងគ្រោះមានអាយុ០៧
ឆ្នាំ។ លោកថា នៅក្នុងសកម្មភាពជាក់ស្ដែង ពេលលោកដឹកនាំកម្លាំងចុះទៅដល់ ឃើញជននេះកំពុងកាន់កាំបិតខ្វែវភ្ជង់កកូនស្រីជាប់គួរឲ្យរន្ធត់នៅក្បែរមាត់ទ្វារលើផ្ទះ។
ជននេះបានស្រែកគំរាមអារ.កកូនស្រីស.ម្លា.ប់ ក្រោយវាយដំធ្វើទារុណកម្មលើកូនស្រីយ៉ាងឃោឃៅឡើងទក់សាច់ រហូតបែកឈាម និង ហើមពោពេញផ្ទៃមុខ។ លោកមេប៉ុស្ដ៏ បានបញ្ជាក់ថា ស្ថិតក្នុងស្ថានភាពបែបនេះ កម្លាំងរបស់លោកបានព្យាយាមលូងលោមជននេះឲ្យដោះលែងកូនស្រី ដោយលោកសន្យាថា លោកនឹងយកកូនស្រីទៅពេទ្យ និង មិនចាប់ខ្លួនទេ។ លោកបានព្យាយាមលូងលោមជននេះគ្រប់មធ្យោបាយទម្រាំជននេះព្រមដោះលេងកូនស្រីឲ្យចុះពីលើផ្ទះ រួចទើបកម្លាំងរបស់លោករកវិធីក្របួចកជននេះជាប់តែម្ដង។
ក្រោយពេលត្រូវចាប់ខ្លួន ជនតិរច្ឆាននេះមិនព្រមសារភាពទទូលខុសត្រូវទៅលើការធ្វើទារុណកម្មកូនស្រីទេ បើទោះជាសមត្ថកិច្ចបានឃើញផ្ទាល់ភ្នែកក្ដី ។ ប៉ុន្តែបើតាមសមត្ថកិច្ចដែលបានស្រង់ចម្លើយបឋមពីកូនស្រីវិញ នាងបាននិយាយថា ដំបូងឪពុកនាងបានយកពូថៅវាយនាង រហូតបែកក្បាល ហើយថែមទាំងយកកាំបិតខ្វែវភ្ជង់រកអារកនាងសម្លាប់ទៀតផង។
ជាមួយគ្នានេះ អ្នកភូមិបាននិយាយដែរថា ជនកាចសាហាវឈ្មោះ នួន ស៊ីថង នេះជាមនុស្សស្រវឹងខួប ហើយថែមទាំងប្រើប្រាសគ្រឿងញៀនជាប្រចាំទៀតផង។ ជននេះនិងប្រពន្ធបានលែងលះគ្នាច្រើនឆ្នាំកន្លងមកហើយ ដោយបន្សល់ទុកកូនស្រីម្នាក់ ឲ្យរស់រងទារុណកម្មស្ទើររាល់ថ្ងៃជាមួយនិងឪពុកតិរច្ឆាននេះ។ អ្នកភូមិបានប្រាប់ថា នៅថ្ងៃកើតហេតុ ជននេះស្រវឹងជោគជាំដូចសព្វដង តែគេមិនដឹងថា មានរឿងអ្វីទេ ស្រាប់តែវាយដំកូនស្រីទាំងកណ្ដាលថ្ងៃត្រង់ រហូតនាងស្រែកយំយ៉ាងខ្លាំងនៅលើផ្ទះ។
គេឃើញជននេះកំពុងវាយដំធ្វើទារុណកម្មកូនស្រីយ៉ាងធ្ងន់ធ្ងរ ទើបគេប្រញ៉ាប់រាយការណ៏ប្រាប់ទៅសមត្ថកិច្ចឲ្យជួយអន្តរាគមន៏ភ្លាមៗតែម្ដង។ បើនិយាយពីប្រវត្តិជនសាហាវឃោឃៅឈ្មោះ នួន ស៊ីថង នេះវិញ ជននេះធ្លាប់ជាប់គុកម្ដងហើយ ដោយសារយកអង្រែវាយដំទៅលើម្ដាយបង្កើតរបស់ខ្លួន។ នេះបើតាមសមត្ថកិច្ចដែលធ្លាប់បង្ក្រាបជននេះ កាលពីប៉ុន្មានឆ្នាំមុន។ លោក អ៊ី រស្មាក់ បានប្រាប់ថា ជននេះពិតជាធ្លាប់ជាប់គុកមែន។
ហើយកាលពីខែមុន ជននេះត្រូវកម្លាំងរបស់លោកចាប់យកមកអប់រំម្ដងដែរ រឿងវាយដំធ្វើបាបកូនស្រី តែជននេះមិនរាងចាលទេ។ ពេលនេះវាយធ្វើទារុណកម្មនាងកាន់តែធ្ងន់ធ្ងរទ្វេដងទៀត រហូតបែកក្បាល ហើមពេញផ្ទៃមុខ។ មិនតែប៉ុណ្ណោះ ជននេះថែមទាំងបានយកកាំបិតខ្វែវភ្ជង់រកអារកស.ម្លា.ប់កូនស្រីយ៉ាងសាហាវព្រៃផ្សៃទៀតផង ។ លោកមេប៉ុស្តិ៍ដ៏រូបនេះ បាននិយាយថា លោកពិតជារន្ធត់ចិត្ត ព្រឺរោមមែនទែន នៅពេលឃើញសកម្មភាពរបស់ជននេះភ្ជង់.កកូនស្រីនឹងកាំបិតខ្វែវ ហើយបើកម្លាំងលោកទៅមិនទាន់ទេ មិនថា វាសនាកូនស្រីទៅជាយ៉ាងណាទេ។
ប៉ុន្តែយ៉ាងណា ជននេះត្រូវបានឃាត់ខ្លួនបញ្ជូនទៅកាន់អធិការចាត់ការតាមនីតិវិធីហើយ ខណៈកូនស្រីដែលរងរបួសយ៉ាងធ្ងន់ធ្ងរពេញផ្ទៃមុខ ក្រោមផ្លែកាំបិត និង ពូថៅ របស់ឪពុកតិរច្ឆាន ត្រូវបានបញ្ជូនភ្លាមៗដែរ ទៅកាន់មណ្ឌលសុខភាព ដើម្បីឲ្យគ្រូពេទ្យព្យាបាល៕
ចែករំលែកព័តមាននេះ