អង់គ្លេស ៖ តាមប្រភពព័ត៌មាន Oddity Central បានឲ្យដឹងថា ក្លឹបហាត់ប្រាណប្រទេសអង់គ្លេស បាននាំមកនូវថ្នាក់រៀនដេក «Napercise» ដើម្បីជួយឲ្យមានអារម្មណ៍ធូរស្រាលពីការងារ និងមិនត្រឹមតែប៉ុណ្ណោះ គឺអាច
អង់គ្លេស ៖ តាមប្រភពព័ត៌មាន Oddity Central បានឲ្យដឹងថា ក្លឹបហាត់ប្រាណប្រទេសអង់គ្លេស បាននាំមកនូវថ្នាក់រៀនដេក «Napercise» ដើម្បីជួយឲ្យមានអារម្មណ៍ធូរស្រាលពីការងារ និងមិនត្រឹមតែប៉ុណ្ណោះ គឺអាចជួយដុតកំទេចកាឡូរីថែមទៀតផង។
តាមការស្រាវជ្រាវរកឃើញថ្មីៗបានឲ្យដឹងថា មនុស្សជាង៨៦%រងគ្រោះដោយសារការដេកមិនគ្រប់ ហើយមាន២៦%ដេកបានតិចជាង៥ម៉ោងនៅពេលយប់។ ក្នុងគោលបំណងជួយជម្រុញផលប្រយោជន៍នៃការដេក ក្លឹបហាត់ប្រាណ Devid Lloyd បាននាំមកនូវថ្នាក់រៀនដេកដែលហៅអ្នកហាត់ប្រាណមកដេករយៈពេល៤៥នាទី ជំនួសដោយការហាត់ប្រាណធម្មតា។
លោក Kathryn Pinkham ដែលជាអ្នកឯកទេសសិក្សាទៅការដេក និងជាអ្នករៀបចំថ្នាក់ដេក បានមានប្រសាសន៍ថា «ពួកយើងផ្តោតសំខាន់ទៅលើផលប៉ះពាល់រយៈពេលខ្លីបណ្តាលមកពីការដេកមិនគ្រប់ ដូចជាការហត់អស់កម្លាំង និងការថយចុះនូវការផ្តោតអារម្មណ៍ជាដើម។ លើសពីនេះទៅទៀត ការដេកមិនគ្រប់អាចធ្វើឲ្យយើងមានជម្ងឺថប់អារម្មណ៍ និងក្លាយទៅជាមនុស្សធ្លាក់ទឹកចិត្ត។ ជាងនេះទៅទៀត វាធ្វើឲ្យយើងគ្មានកម្លាំងគ្រប់គ្រាន់ក្នុងការហាត់ប្រាណ»៕
ចែករំលែកព័តមាននេះ