កំណាព្យ (លក់កូនក្រមុំ) ដោយ ព្រុំ គឹមជឿន
– ខ្ញុំមានរូបរាងស្រដៀងតួកុន ស្រស់ស្អាតមិនអន់ជាងពួកតារា
ចរិតក៏ល្អសុភាពរាបសា រៀនសូត្រសោតណាក៏បានជ្រៅជ្រះ ។
– ខ្ញុំមានរូបរាងស្រដៀងតួកុន ស្រស់ស្អាតមិនអន់ជាងពួកតារា
ចរិតក៏ល្អសុភាពរាបសា រៀនសូត្រសោតណាក៏បានជ្រៅជ្រះ ។
– ខ្ញុំមានរូបរាងស្រដៀងតួកុន ស្រស់ស្អាតមិនអន់ជាងពួកតារា
ចរិតក៏ល្អសុភាពរាបសា រៀនសូត្រសោតណាក៏បានជ្រៅជ្រះ ។
– គ្មានមិត្ដឯណាក្រៅពីក្ដារខៀន ពេលចេញពីរៀនប្រញាប់រូតរះ
ជួយមើលខុសត្រូវម៉ាក់នៅឯផ្ទះ រលាំងរលះមិនចេះទំនេរ ។
– ពេលចេញទៅណាមិនដែលតែងខ្លួន ក៏ស្អាតសមសួនលេចធ្លោជាងគេ
តាំងពីពេញវ័យសខ្ចីស្អាតទ្វេ មិនមែនអួតទេនេះជាការពិត ។
– អ្នកចូលដណ្ដឹងច្រើនរាប់មិនអស់ ពោះម៉ាយ កម្លោះចង់ធ្វើម្ចាស់ចិត្ដ
ស្រេចលើម៉ែឪក្ដោបក្ដាប់ជីវិត ខ្ញុំមិនដែលគិតនាំតែសង្កា ។
– គ្រប់យ៉ាងគឺម៉ាក់ជាអ្នកចាត់ចែង ប៉ាមិនដែលថ្លែងសម្ដែងវាចា
តែសែនខកចិត្ដអាណិតវាសនា មិននឹកស្មានថារូបស្អាតអភ័ព្វ ។
– អ្នកក្រមិនគាប់ មានទ្រព្យមិនត្រូវ ព្រោះម៉ាក់តម្រូវក្បាច់ក្បូរបង្គាប់
ចូលហើយចេញវិញទោម្នេញចិត្ដជាប់ ព្រោះម៉ាក់យកទ្រព្យធំជាងអ្វីៗ។
– អ្នកក្រមិនហ៊ាន អ្នកមានលែងមក ទឹកភ្នែកសោយសោកវិយោគហរទ័យ
ម៉ាក់មិនយល់ចិត្ដអាណិតកូនស្រី ម្ដេចក៏ម្ដាយថ្លៃមិនពិចារណា ។
– ម៉ាក់ថាកូនស្អាតដាច់ខាតត្រូវថ្លៃ ល្មមៗចូលស្ដីម៉ាក់មិនត្រូវការ
ម៉ាក់ចង់លក់កូនឬមួយយ៉ាងណា ម៉ាក់អើយមេត្ដាចិន្ដាកូនផង ។
ដោយ ព្រុំ គឹម ជឿន prumkimchoeun@gmail.com
ចែករំលែកព័តមាននេះ