រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានជំរុញដល់ក្រសួងសេដ្ឋកិច្ច និងហិរញ្ញវត្ថុ និងក្រសួងមុខងារសាធារណៈពន្លឿនល្បឿននៃការផ្តល់ប្រាក់សោធននិវត្តន៍ដល់មន្ត្រីដែលប្រាក់ខែទាបឲ្យបានឆាប់
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានជំរុញដល់ក្រសួងសេដ្ឋកិច្ច និងហិរញ្ញវត្ថុ និងក្រសួងមុខងារសាធារណៈពន្លឿនល្បឿននៃការផ្តល់ប្រាក់សោធននិវត្តន៍ដល់មន្ត្រីដែលប្រាក់ខែទាបឲ្យបានឆាប់ ។
ថ្លែងក្នុងពិធីខួបទី១០នៃទិវាអតីតយុទ្ធជនកម្ពុជានៅព្រឹកថ្ងៃទី១០ ខែឧសភា ឆ្នាំ២០១៧ ក្នុងសាលមហោស្រពកោះពេជ្រសម្តេចតេជោបានបញ្ជាក់ថា «ពេលនេះក្រសួងសេដ្ឋកិច្ចហិរញ្ញវត្ថុ និងក្រសួងមុខងារសាធារណៈកំពុងតែខិតខំធ្វើ និងរំកិលឡើងនូវប្រាក់សោធននិវត្តន៍ ។ គ្រាន់តែកងកំលាំងប្រដាប់អាវុធជាកងទ័ព កំលាំងនគបាលប៉ុណ្ណោះទេ ! ក៏ប៉ុន្តែក៏ជាមន្ត្រីដែលចូលនិវត្តន៍ ព្រោះថាអ្នកដែលចូលនិវត្តន៍មុនប្រាក់ខែតិចដល់អ្នកចូលនិវត្តន៍ក្រោយប្រាក់ខែច្រើន ។ រឿងនេះជារឿងដែលយើងត្រូវរំកិលនៃអ្នកដែលបានចូលនិវត្តន៍មុនក្នុងពេលដែលប្រាក់ បៀវត្សតិចឲ្យឡើងបន្តិចម្តងៗ ។ យើងកំពុងតែធ្វើក្របខណ្ឌនៅទូទាំងប្រទេស» ។
សម្តេចគូសបញ្ជាក់ថា «ខ្ញុំសួមអំពាវនាវដល់ក្រសួងសេដ្ឋកិច្ច និងហិរញ្ញវត្ថុ និងក្រសួងមុខងារសាធារណៈ ជំរុញ និងក្រសួងសង្គមកិច្ចអតីតយុវជនជំរុញល្បឿននូវប្រាក់សោធននិវត្តឲ្យបានលឿន សំខាន់អ្នកដែលចូលនិវត្តន៍នៅមានប្រាក់ខែទាបឲ្យបានលឿនតិច ។ ព្រោះឥលូវប្រាក់ខែខ្លះមួយលាន ពេលគាត់ចូលនិវត្តគាត់សល់តែប្រមាណ៨០ម៉ឺនរៀល ។ ប៉ុន្តែអ្នកដែលចួលនិវត្តន៍មុនប្រាក់បានតែ៤០ម៉ឺន ដល់ពេលចូលនិវត្តន៍សល់ប្រហែល៣០ម៉ឺនរៀល ដូច្នេះត្រូវជំរុញល្បឿនបន្ថែមទៀត» ៕
ចែករំលែកព័តមាននេះ