អ្នកភូមិព្រួយបារម្ភយ៉ាងខ្លាំងក្រោយពេលផ្ទុះជំងឺអុតក្តាម
ខេត្តស្វាយរៀង ៖ ប្រជាពលរដ្ឋ១០ភូមិក្នុងឃុំឈើទាល មានការព្រួយបារម្ភយ៉ាងខ្លាំងដោយសារសត្វគោក្របីជាង៧០០ក្បាល មានជំងឺអុតក្តាមធ្ងន់ធ្ងរ និងងាប់ រហូតមកដល់ពេលនេះកំពុងមាន
ខេត្តស្វាយរៀង ៖ ប្រជាពលរដ្ឋ១០ភូមិក្នុងឃុំឈើទាល មានការព្រួយបារម្ភយ៉ាងខ្លាំងដោយសារសត្វគោក្របីជាង៧០០ក្បាល មានជំងឺអុតក្តាមធ្ងន់ធ្ងរ និងងាប់ រហូតមកដល់ពេលនេះកំពុងមាន
ខេត្តស្វាយរៀង ៖ ប្រជាពលរដ្ឋ១០ភូមិក្នុងឃុំឈើទាល មានការព្រួយបារម្ភយ៉ាងខ្លាំងដោយសារសត្វគោក្របីជាង៧០០ក្បាល មានជំងឺអុតក្តាមធ្ងន់ធ្ងរ និងងាប់ រហូតមកដល់ពេលនេះកំពុងមានជំងឺជាច្រើនក្បាលទៀត ហើយពុំទាន់មានមន្ត្រីជំនាញពេទ្យសត្វណាចុះទៅអន្តរាគមន៍ឡើយ ហេតុការណ៍កើតឡើងកាលពីវេលាម៉ោង១០ព្រឹក ថ្ងៃទី៩ ខែឧសភា ឆ្នាំ២០១៧ នៅភូមិឈើទាល និងភូមិតារក្ស ឃុំឈើទាល ស្រុកស្វាយជ្រំ។
បើតាមលោក គោយ អឿន មេភូមិតារក្ស បានឲ្យដឹងថា ចាប់តាំងពីមានភ្លៀងធ្លាក់រយៈពេលមួយខែនេះ សត្វគោក្នុងភូមិតារក្ស ប្រមាណជា៥០ក្បាល បានកើតជំងឺអុតក្តាម ក៏ប៉ុន្តែពុំទាន់មានមន្ត្រីជំនាញមកអន្តរាគមន៍ទេ ហើយបើតាមប្រជាពលរដ្ឋបានរាយការណ៍ថា ការផ្ទុះជំងឺនេះនេះកើតមាននៅភូមិចេក និងភូមិសង្កែជាច្រើនក្បាល និងងាប់គោមួយក្បាល។ ក្រោយពីមានការផ្ទុះជំងឺអុតក្តាមច្រើនដូច្នេះ ក៏រាយការណ៍ទៅលោកមេឃុំឈើទាល ដើម្បីរកមន្ត្រីពេទ្យសត្វជួយព្យាបាល ប៉ុន្តែគួរឲ្យស្តាយលោកមេឃុំឆ្លើយតបថា គោរបស់គាត់៧ក្បាលក៏កើតជំងឺអុតក្តាមនេះដែរ តែមិនបានព្យាបាលអីទេ គឺនឹងជាអស់ហើយ មិនបាច់ភ័យទេ។ ប៉ុន្តែបីថ្ងៃចុងក្រោយនេះ ក៏ចាប់ផ្តើមផ្ទុះជំងឺអុតក្តាមទៅលើសត្វគោជាច្រើនក្បាលទៀត គួរឲ្យព្រួយបារម្ភ ។
ទាក់ទិនករណីនេះដែរ លោក មាស សុខ មេឃុំឈើទាលបានមានប្រសាសន៍ថា ជំងឺអុតក្តាមនេះបានកើតទៅលើសត្វគោប្រមាណជាង៧០០ក្បាល ចាប់តាំងពីខែមេសាមកដល់ខែឧសភា ២០១៧ នេះ។ ក្នុងនោះមាន១០ភូមិហើយ ដែលផ្ទុះជំងឺនេះ ប៉ុន្តែបានព្យាបាលជាសះស្បើយបណ្តើៗហើយដែរ ។ ដោយឡែកនៅភូមិឈើទាល និងភូមិតារក្ស ក៏គោជាច្រើនក្បាលចាប់ផ្តើមកើតជំងឺអុតក្តាមទៀត ខណៈលោកមេភូមិកំពុងចុះស្រង់ស្ថិតិ និងសុំបទអន្តរាគមន៍ហើយ។
ចែករំលែកព័តមាននេះ