កូនកំលោះត្រូវខាងស្រីប្តឹង ព្រោះតែដឹងរឿងពិត
«Shanghaiist» របស់ចិនកាលពីថ្ងៃទី៣ ឧសភា ២០១៧ ផ្សាយថា ពិធីរៀបអាហ៍ពិពាហ៍មួយរៀបចំឡើងនៅក្រុងស៊ីអាន ខេត្តសានស៊ី ប្រទេសចិន ។ ក្នុងពិធីនោះលោកវាំង ជាកូនកំលោះបាន
«Shanghaiist» របស់ចិនកាលពីថ្ងៃទី៣ ឧសភា ២០១៧ ផ្សាយថា ពិធីរៀបអាហ៍ពិពាហ៍មួយរៀបចំឡើងនៅក្រុងស៊ីអាន ខេត្តសានស៊ី ប្រទេសចិន ។ ក្នុងពិធីនោះលោកវាំង ជាកូនកំលោះបានជួលមនុស្សប្រហែល២០០នាក់ធ្វើជាភ្ញៀវនៅក្នុងពិធីរៀបការរបស់ខ្លួន ភាគច្រើនជាសិស្ស និងកម្មករដែលលោកវាំងបានជួលក្នុងម្នាក់៨០យាន់ ឬប្រហែល១២ដុល្លារ ។
ការជួលមនុស្សឱ្យធ្វើជាភ្ញៀវខាងកូនកំលោះបែកធ្លាយតាមប្រព័ន្ធ «We chat» ខណៈពេលបុរសម្នាក់ជាអ្នករត់រ៉ឺម៉កម៉ូតូកង់បី បញ្ជាក់ថា រូបគេទទួលសំណើរឱ្យចូលរួមពិធីជប់លៀងមង្គលការដោយឥតគិតថ្លៃ រួមទាំងទទួលប្រាក់ឈ្នួល៨០យាន់ ឬ១២ដុល្លារ ។ រូបគេបានបបួលអ្នកស្រុក៥នាក់ទៀតឱ្យចូលរួមផងដែរ ។
ក្រៅពីនេះស្ត្រី២នាក់ទៀតចូលរួមក្នុងនាមជាភ្ញៀវក្លែងក្លាយដែរ បញ្ជាក់ប្រាប់សារព័ត៌មានក្នុងស្រុកថា ពួកនាងមិនដឹងថាកូនកំលោះជាអ្នកណាទេ ហើយទទួលប្រាក់ឈ្នួល១២ដុល្លារ ដើម្បីបង្ហាញមុខក្នុងពិធីជប់លៀងមង្គលការ ។
ផែនការរបស់កូនកំលោះត្រូវបរាជ័យនៅពេលកូនក្រមុំឈ្មោះលីវ ចាប់កំហុសបានថា ភ្ញៀវដែលចូលរួមមិនមែនជាសាច់ញាតិរបស់គេ តែជាមិត្តភក្តិ និងអ្នកស៊ីឈ្នួល ។
លើសពីនេះកូនក្រមុំចាប់ផ្តើមសង្ស័យកាន់តែខ្លាំងនៅពេលឪពុកម្តាយរបស់កូនកំលោះមិនបានចូលរួម ដោយកូនកំលោះបញ្ជាក់ប្រាប់នាងថា ពួកគាត់កំពុងនៅតាមផ្លូវ ប៉ុន្តែចុងក្រោយល្បិចកលរបស់គេបានបែកធ្លាយត្រូវក្រុមគ្រួសារកូនក្រមុំប្តឹងប៉ូលិសឱ្យចាប់ខ្លួនពីបទឆបោក ។
លោកវាំង សារភាពថា បានជួលភ្ញៀវឱ្យចូលរួមក្នុងពិធីរៀបការពិតមែន ព្រោះក្រុមគ្រួសាររបស់គេគ្មាននរណាម្នាក់ទទួលស្គាល់ដែលរូបគេសម្រេចចិត្តរៀបការជាមួយនាងលីវ ជានារីនៅក្រៅភូមិរបស់ខ្លួន ។
ចំណែកនាងលីវ ឱ្យដឹងថា ក្នុងរយៈពេលជាច្រើនឆ្នាំកន្លងមក នាងមិនបានដឹងរឿងបែបនេះទេ ។ ទីបំផុតនាងដឹងថា មនុស្សដែលលោកវាំងនាំទៅជួបក្នុងនាមជាឪពុកម្តាយសុទ្ធសឹងតែជាមនុស្សក្លែងបន្លំ ៕
ចែករំលែកព័តមាននេះ