តារាសម្តែងវ័យក្មេងនាង ចន្ធី ដាឡែន បានសម្រេចដាក់ពាក្យចូលរួមប្រឡងកម្មវិធី «ធីតាឯកសង្ក្រាន្ត» រដូវកាលទី៤ ឆ្នាំ២០២៣ នេះ ក្នុងពេលកម្មវិធីកំពុងតែចា
រាជធានីភ្នំពេញ ៖ តារាសម្តែងវ័យក្មេងនាង ចន្ធី ដាឡែន បានសម្រេចដាក់ពាក្យចូលរួមប្រឡងកម្មវិធី «ធីតាឯកសង្ក្រាន្ត» រដូវកាលទី៤ ឆ្នាំ២០២៣ នេះ ក្នុងពេលកម្មវិធីកំពុងតែចាប់ផ្តើមចម្រាញ់ជ្រើសរើសបេក្ខនារីប្រមាណជា៦០នាក់ នៅក្នុងជុំដំបូង សម្រាប់ការប្រកួតជម្រុះ។
ដោយសារមើលឃើញពីចំណុចល្អដែលខ្លួនមានមួយចំនួននាំអោយតារាសម្តែងរូបនេះសម្រេចដាក់ពាក្យចូលរួមប្រកួតប្រជែងកម្មវិធី «ធីតាឯកសង្ក្រាន្ត» រដូវកាលទី៤នេះ ដោយមិនមានចិត្តរុញរា។
ក្នុងវ័យ២២ឆ្នាំ ស្រីស្អាត ចន្ធី ដាឡែន បានលើកឡើងថា មូលហេតុដែលនាងសម្រេចដាក់ពាក្យចូលរួមប្រកួតនៅក្នុងកម្មវិធីខាងលើនេះ ដោយសារកម្មវិធីល្អ ហើយបានលើកស្ទួយតម្លៃវប្បធម៌ អរិយធម៌ និងប្រពៃណី ជាពិសេសក្នុងពិធីបុណ្យចូលឆ្នាំខ្មែរ។ នាងបញ្ជាក់ថា កម្មវិធីខាងលើនេះ ក៏បានលើកស្ទួយតម្លៃនារីខ្មែរ ដោយបច្ចុប្បន្ននារីខ្មែរមានភាពរឹងមាំ ក្លាហាន ចំណេះដឹង និងភាពជាអ្នកដឹកនាំអាចធ្វើអ្វីបានដូចជាបុរសដែរ។
បើតាមស្រីស្អាត ចន្ធី ដាឡែន ថា ការចូលរួមកម្មវិធីនេះ ដោយសារមើលឃើញថា នាងនៅក្មេងមានសម្រស់ ប្រាជ្ញា ក្លាហាន និងឆន្ទះ ទើបធ្វើឲ្យនាងអាចឈានជើងចូលទៅក្នុងកម្មវិធី «ធីតាឯកសង្ក្រាន្ត» នាឆ្នាំនេះ ។ តារាសម្តែងវ័យក្មេងនាង ចន្ធី ដាឡែន ថា នាងបានសម្រេចដាក់ពាក្យចូលរួមប្រឡងកម្មវិធី «ធីតាឯកសង្ក្រាន្ត» រដូវកាលទី៤ ឆ្នាំ២០២៣ នេះ ក្នុងពេលកម្មវិធីកំពុងតែចាប់ផ្តើមចម្រាញ់ជ្រើសរើសបេក្ខនារីប្រមាណជា៦០នាក់ នៅក្នុងជុំដំបូងសម្រាប់ការប្រកួតជម្រុះ។ នាងរំពឹងថា ទស្សនិកជននឹងចូលរួមតាមដាន និងគាំទ្រការប្រឡងរបស់នាង ហើយក៏សង្ឃឹមទស្សនិកជន ជាពិសេសបណ្តាអ្នកគាំទ្រការសម្តែងរបស់នាងនាពេលកន្លងមក និងជួយគាំទ្រ និងលើកទឹកចិត្តសម្រាប់ការប្រឡងរបស់នាងនាពេលនេះ។
ជាការកត់សម្គាល់ តារាសម្តែង កញ្ញា ចន្ធី ដាឡែន បានប្រឡូកក្នុងអាជីពសិល្បៈក្នុងអំឡុងឆ្នាំ២០១៦ តាមរយៈការប្រឡងសមត្ថភាពសិល្បៈរបស់ស្ថានីយទូរទស្សន៍មួយ។ ទស្សនិកជនប្រាកដជាបានស្គាល់រួចមកហើយ តារារាងតូចច្រឡឹង កញ្ញា ចន្ធី ដាឡែន ដែលជាតារាស្រីម្នាក់មានឈ្មោះបោះសម្លេងក្នុងសង្គមសិល្បៈនាពេលបច្ចុប្បន្ន។ ដោយសារតែរូបសម្រស់ និងសមត្ថភាពសម្ដែងបានធ្វើឱ្យទីផ្សារការងាររបស់កញ្ញាមិនចាញ់តារាស្រីដទៃទៀតនោះទេ។ នាងក៏ជាតារាស្រីម្នាក់ដែលសម្ដែងភាពយន្តច្រើន គិតត្រឹមឆ្នាំ២០២១ រួមមានទាំងភាពយន្តជីវិត ខ្សែរឿងជីវិត និងរឿងភាគដែលចាក់លើកញ្ចក់ទូរទស្សន៍ផងដែរ៕
ចែករំលែកព័តមាននេះ