ខ្លាំងបាត់! ប៉ូឡូញទៅប្រកួត World Cup 2022 មានសុទ្ធតែយន្តហោះចម្បាំងអមដំណើរ (វីដេអូ)
ប៉ូឡូញ ៖ យន្តហោះក្រុមបាល់ទាត់ជម្រើសជាតិប៉ូឡូញ ត្រូវបានអមដំណើរដោយយន្តហោះចម្បាំង F-16
ប៉ូឡូញ ៖ យន្តហោះក្រុមបាល់ទាត់ជម្រើសជាតិប៉ូឡូញ ត្រូវបានអមដំណើរដោយយន្តហោះចម្បាំង F-16 កាលពីថ្ងៃ១៧ ខែវិច្ឆិកា ដើម្បីធ្វើដំណើរទៅប្រទេសកាតា សម្រាប់ការប្រកួត World Cup 2022។ ពោលនៅត្រឹមតែប៉ុន្មានថ្ងៃប៉ុណ្ណោះ បន្ទាប់ពីពលរដ្ឋប៉ូឡូញ២នាក់បានស្លា.ប់ នៅក្នុងការវា.យប្រហារដោយគ្រាប់មីស៊ីល។
គណនី Twitter ផ្លូវការរបស់ក្រុមការងារបានបង្ហោះវីដេអូបង្ហាញពីយន្តហោះចម្បាំង២គ្រឿង ហោះការពារអមយន្តហោះស៊ីវិលរបស់ក្រុមឥន្ទ្រីសប៉ូឡូញ ដែលភ្ជាប់ជាមួយសំណេរថា «សាធារណរដ្ឋប៉ូឡូញ យើងត្រូវបានអមដំណើរទៅកាន់ព្រំដែនភាគខាងត្បូងប្រទេសប៉ូឡូញដោយយន្តហោះ F16!។ សូមអរគុណចំពោះអ្នកបើកយន្តហោះ!»។
ជាក់ស្តែង រដ្ឋាភិបាលប៉ូឡូញចាំបាច់ត្រូវចាត់វិធានការប្រុងប្រយ័ត្ន ជុំវិញការរៀបចំការការពារដំណើរក្រុមបាល់ទាត់ជាតិរបស់ខ្លួន។ បន្ទាប់ពីមីស៊ីល២គ្រាប់សល់ពីសម័យសហភាពសូវៀតបានវា.យប្រហារភូមិ Przewodow របស់ខ្លួន នៅភាគខាងកើតប្រហែល ៦គីឡូម៉ែត្រពីព្រំដែនជាមួយអ៊ុយក្រែនកាលពីថ្ងៃទី១៥ ខែវិច្ឆិកា ដោយបានឆក់យកជីវិតមនុស្ស២នាក់ផងដែរ។
ប្រធានាធិបតីប៉ូឡូញ លោក Andrzej Duda បាននិយាយថា ការវា.យប្រហារដោយគ្រាប់មីស៊ីលនេះ ទំនងជារឿងចៃដន្យ ហើយប្រហែលជាត្រូវបានបា.ញ់ដោយប្រព័ន្ធការពារដែនអាកាសរបស់អ៊ុយក្រែន ដើម្បីឆ្លើយតបទៅនឹងការទម្លាក់គ្រាប់បែកទ្រង់ទ្រាយធំរបស់រុស្ស៊ី ដែលផ្តោតលើហេដ្ឋារចនាសម្ព័ន្ធរបស់ខ្លួន។ ប៉ុន្តែប្រធានាធិបតីអ៊ុយក្រែន លោក Volodymyr Zelenksy បានជំទាស់នឹងការរកឃើញរបស់ប៉ូឡូញ ហើយបានស្នើសុំឱ្យមន្ត្រីខ្លួនទទួលបានសិទ្ធិចូលទៅកាន់កន្លែងបំផ្ទុះសម្រាប់ការស៊ើបអង្កេតបន្ថែម៕ (ដកស្រង់ចេញពី New York Post)
ចែករំលែកព័តមាននេះ