បន្ទាប់ពីមានរឿងរ៉ាវពាក់ព័ន្ធនឹងការប្រើពាក្យពេចន៍មិនសមរម្យលេងសើចខុសទំនងរបស់ពិធីករលោក David និងតារាសម្តែងអ្នកនាង គង់ ច័ន្ទស្រីមុំ ទៅកាន់ព្រះអង្គម្ចាស់ Abdul. Mateen យើងឃើញថា
រាជធានីភ្នំពេញ ៖ បន្ទាប់ពីមានរឿងរ៉ាវពាក់ព័ន្ធនឹងការប្រើពាក្យពេចន៍មិនសមរម្យលេងសើចខុសទំនងរបស់ពិធីករលោក David និងតារាសម្តែងអ្នកនាង គង់ ច័ន្ទស្រីមុំ ទៅកាន់ព្រះអង្គម្ចាស់ Abdul. Mateen យើងឃើញថា លោក David ដែលបាន chat ទៅព្រះអង្គម្ចាស់នោះ បានចេញមុខសំទោសជាសារធារណៈ និងទទួលស្គាល់នូវកំហុសរបស់ខ្លួន។ ប៉ុន្តែអ្វីដែលធ្វើអោយមហាជននៅមិនអស់ចិត្តនោះ គឺអ្នកនាង គង់ ច័ន្ទស្រីមុំ ដែលមានចំណែកពាក់ព័ន្ធទៅនឹងរឿងរ៉ាវខាងលើ បែរជាគ្រាន់តែ share ការផុសរបស់លោក David នឹងពោលពាក្យសុំទោសយ៉ាងខ្លី ទាំងដែលអ្នកនាងមានចំណែកខុសនៅក្នុងរឿងដ៏ធំទាំងអស់នោះដែរ តែការសុំទោសរបស់អ្នកនាង ហាក់ដូចជាកំហុសតូចមួយ ទាំងដែលការពិតទៅ Video របស់លោក David គឺអ្នកនាងជាអ្នកបង្ហោះ នឹងចូលរួមសប្បាយត្រេកអរជាមួយទង្វើបែបនោះ។
ប៉ុន្តែក្រោយពីអ្នកនាងបានបង្ករឿងទាំងនេះអោយកើតទ្បើងមក អ្នកនាងធ្វើខ្លួនហាក់បីដូចជាគ្មានរឿងអ្វីកើតទ្បើងឡើយ ធ្វើដូចជាគ្រប់យ៉ាងមានតែលោក David ម្នាក់តែប៉ុណ្ណោះ ដែលជាអ្នកខុស ហើយអ្វីដែលធ្វើអោយមហាជនបានឃើញទង្វើ និងសកម្មភាពខុសឆ្គងទាំងអស់នោះ គឺដោយសារតែការបង្ហោះរបស់អ្នកនាងតែមួយគត់។
មហាជនជាច្រើននៅលើបណ្តាញសង្គម បាននាំគ្នា share ចែករំលែក និងបានបញ្ចេញមតិយោបល់ទៅលើការផុសរបស់អ្នកនាងថា អ្នកនាងគឺជាបុគ្គលល្បីល្បាញមួយរូប ដែលគេស្គាល់តាមរយៈការសម្តែង ការតុបតែងខ្លួនបែបទាន់សម័យ និងប្រើប្រាស់សម្ភារៈនិយមទំនើបៗនឹងមានតម្លៃ តែទង្វើរបស់អ្នកនាងបានធ្វើអោយមហាជនស្រងាកចិត្ត ដោយសារតែដើមហេតុកើតចេញពីរូបអ្នកនាង តែអ្នកដែលខុសបែរជាមានតែលោក David ម្នាក់ ហើយត្រូវមហាជនតិះដៀលប្រមា.ថស្ទើតែទូទាំងប្រទេស តែងាកមកមើលអ្នកនាង គង់ ច័ន្ទស្រីមុំ វិញ បែរជាបង្ហោះរូបភាព និងសកម្មភាពសប្បាយរីករាយធម្មតា ដូចគ្មានរឿងអ្វីកើតទ្បើង។ អ្នកនាងគឺជាសិល្បកររៀមច្បងមួយរូប តែបែរជាមិនឃាត់ប្អូនៗ ថែមទាំងចូលរួមបន្ថែមភ្លើងអោយកាន់តែក្តៅ ហាក់បីដូចជាពេញចិត្តនូវទង្វើអសីលធម៌មួយនេះជាខ្លាំង។
មតិមហាជនខ្លះក៏បានលើកទ្បើងថា «ចែ ធ្វើចឹង គេកាន់តែស្អប់ចែ ស្វ័យគុណ លើកជាការ៉េ ទង្វើកាយវិការចែនេះផ្កើន ហើយមិនញិនអីបន្តិចទេ ចែបិទផ្លូវខ្លួនឯងហើយ ទោះនៅក្នុងសិល្បៈ ក៏នៅតែសំបកខ្លួន លែងមានអ្នកអោយតម្លៃចែទៀតហើយ ក្រុមចែអសីលធម៌ខ្លាំងណាស់ គំរូមិនល្អដល់ក្មេងៗជំនាន់ក្រោយ»។ អ្នកខ្លះក៏បានលើកទ្បើងថា «ចង់ក្លាយជាសិល្បករ ត្រូវចេះអត់ធ្មត់ និងមតិមហាជន ប៉ុន្តែនេះមិនត្រឹមតែអត់ធ្មត់ទេ ផុសឌឺមហាជនវិញទៀត»សូមប្រើពាក្យថា «ដាច់ខាត» មិនអាចលើកលែង»។ «មុខមាត់ណាស់ដែលកម្ពុជាបានធ្វើជាម្ចាស់ផ្ទះប្រជុំអាស៊ាន ហើយប្រព្រឹត្តទៅបានយ៉ាងរលូន តាំងពីចាប់ផ្តើមដល់ចប់ ឯសម្លេងអ្នកឯងប៉ុន្មានវិនាទីធ្វើឲ្យប៉ះពាល់កិត្តិយសខ្មែរមួយប្រទេស ថ្លឹងថ្លែងមើល? តើគួរលើកលែងទេ? ស្នើសុំឲ្យក្រសួងវប្បធម៌ និងវិចិត្រសិល្បៈ មានចំណាត់ការដាច់ខាតលើបញ្ហានេះ»។ «អាងអីពាក្យសុំទោស ហើយអ្នកសុំទោសនឹងទទួលកំហុសមានតែ David ម្នាក់ រឿងនេះមិនមែនជារឿងធម្មតាទ្បើយ»។
មតិខ្លះទៀតក៏បានលើកទ្បើងថា «អ្នកនាងចូលចិត្ត live video បកស្រាយនៅពេលមានបញ្ហា អ្នកណាធ្វើអោយប៉ះពាល់ដល់អ្នកនាង គឺថាគ្មានអ្នកណាប៉ះបានទេ តែពេលដែលអ្នកនាងមានកំហុស បែរជាស្ងាត់ជ្រៀបទៅវិញ»។
គួរបញ្ជាក់ថាផងដែរ រហូតមកដល់ពេលនេះ យើងនៅមិនទាន់ដឹងថា អ្នកនាង គង់ ច័ន្ទស្រីមុំ នឹងមានចម្លើយឆ្លើយតបទៅមហាជនវិញបែបណានោះទេ? បន្ទាប់ពីមហាជននៅតែបន្តការរិះគន់អ្នកនាងជាបន្តបន្ទាប់បែបនេះ។
គួររំលឹកថា ៖ គង់ ចាន់ស្រីមុំ និង ដេវីត ចេញមុខសុំទោស ក្រោយដឹងខុសរឿងប្រើពាក្យមិនសមរម្យទៅលើព្រះអង្គម្ចាស់ព្រុយណេ ៕
ចែករំលែកព័តមាននេះ