«South China Morning Post»កាលពីពេល ថ្មីៗកន្លងមកផ្សាយថា នាងចូវ ឈួន អាយុ៣១ឆ្នាំ ត្រូវចៅហ្វាយនាយពិន័យជាប្រាក់ជាង២ពាន់យាន់ ពីបទមានកូនទី២ ។
កន្លងមកនាងចូវ ឈួន បានចុះហត្ថលេខាព្រមព្រៀងជាមួយប្រធានក្រុមហ៊ុននៅក្រុងជីណាន់ ខេត្តសានទុង លើកិច្ចសន្យាក្នុងមួយឆ្នាំមានបុគ្គលិកស្ត្រី២នាក់អាចពពោះបាន ដោយម្នាក់ត្រូវមានកូននៅខែមេសា និងម្នាក់ទៀតនៅខែតុលា ។
យោងតាមតារាងនៃការអនុញ្ញាតឱ្យបុគ្គលិកស្ត្រីមានគភ៌នៅក្នុងក្រុមហ៊ុនឃើញថា នាងចូវ ឈួន ត្រូវមានកូននៅឆ្នាំ២០២០ ប៉ុន្តែក្រោយពេលក្រុមហ៊ុនធ្វើកិច្ចសន្យានោះមិនបានប៉ុន្មានផងមានគភ៌កូនទី២ ។
នាងចូវ ឈួន បានសុំច្បាប់ឈប់សម្រាកសម្រាលកូន ប៉ុន្តែក្រុមហ៊ុនតម្រូវឱ្យបង់ថ្លៃពិន័យជាង២ពាន់យាន់ លើករណីដែលនាងមិនប្រតិបត្តិតាមកិច្ចសន្យានៃការមានគភ៌របស់ក្រុមហ៊ុន ។
ក្រុមហ៊ុនបញ្ជាក់ប្រាប់សារព័ត៌មានក្នុងស្រុកថា ក្រុមហ៊ុនមិនហាមបុគ្គលិកមានកូនទី២ទេ គ្រាន់តែមានផែនការសម្រាលកូនឱ្យស្របតាមតារាងដែលបានព្រមព្រៀងគ្នា ព្រោះក្រុមហ៊ុនជួលបុគ្គ លិកចំនួន២៥នាក់ ក្នុងនោះស្ត្រី១៧នាក់ អាចបម្រើការងារប្រកបដោយការលំបាក ប្រសិនបើបុគ្គលិកស្ត្រីមានកូនព្រមគ្នា ។
លោកហាន សៀវ អ្នកច្បាប់នៅក្រុងប៉េកាំងបង្ហាញការយល់ឃើញថា ក្រុមហ៊ុនអាចល្មើសលើច្បាប់គ្រប់គ្រងស្ត្រីភេទ និងច្បាប់ជួលកម្លាំងពលកម្មរបស់រដ្ឋ ព្រោះចៅហ្វាយនាយមិនអាចបង្ខំឱ្យមានគភ៌ និងកំណត់ទោសពីបទល្មើសលើសិទ្ធិតំណពូជរបស់ស្ត្រីបានទេ ៕
ចែករំលែកព័តមាននេះ