រាជធានីភ្នំពេញ ៖ បុរសម្នាក់ស្លា.ប់ និងម្នាក់ទៀតរងរបួស ខណៈជិះម៉ូតូឌុបគ្នាចេញពីខួបកំណើតមិត្តភក្កិក៏ត្រូវកុងតឺន័រកៀរម៉ូតូឲ្យដួលហេតុការណ៍នេះកើតឡើងកាលពីវេលាម៉ោង១០យប់ ថ្ងៃទី០៦ ខែឧសភា ឆ្នាំ២០១៧ នៅចំណុច
រាជធានីភ្នំពេញ ៖ បុរសម្នាក់ស្លាប់ និងម្នាក់ទៀតរងរបួស ខណៈជិះម៉ូតូឌុបគ្នាចេញពីខួបកំណើតមិត្តភក្កិក៏ត្រូវកុងតឺន័រកៀរម៉ូតូឲ្យដួលហេតុការណ៍នេះកើតឡើងកាលពីវេលាម៉ោង១០យប់ ថ្ងៃទី០៦ ខែឧសភា ឆ្នាំ២០១៧ នៅចំណុចអតីតមុខរោងចក្រស៊ីឡាងហួរ តាមផ្លូវ៣៧១ ស្ថិតនៅភូមិត្នោតជ្រុំ៤ សង្កាត់បឹងទំពុន ខណ្ឌមានជ័យ ។
ជនរងគ្រោះ ឈ្មោះ សារ៉ាក់ ភេទប្រុស អាយុ២៦ឆ្នាំ មុខរបរកម្មកររោងចក្រ (ស្លាប់នៅកន្លែងកើតហេតុ) ចំណែកម្នាក់ទៀតឈ្មោះ គង់ សម្បត្តិ អាយុ២១ឆ្នាំ មុខរបរកម្មកររោងចក្រ ស្នាក់នៅភូមិទ្រា៣ សង្កាត់ស្ទឹងមានជ័យ (អ្នកបើកម៉ូតូរងរបួសស្រាល) ចំណែកជនបង្ករត់គេចខ្លួនបាត់។
ប្រភពព័ត៌មានបានឱ្យដឹងថា មុនកើតហេតុមានរថយន្តកុងតឺន័រ ពណ៌លឿង បើកតាមផ្លូវ៣៧១ ក្នុងទិសដៅពីផ្សារប៉េសេទៅស្ពានដែកចំការដូង ជិះស្របទិសគ្នាជាមួយនឹងម៉ូតូហុងដាឌ្រីម ពណ៌ខ្មៅ ស៊េរី២០១៤ លុះមកដល់ចំណុចកើតហេតុរថយន្តបើកកៀរម៉ូតូធ្វើឲ្យអ្នកអង្គុយក្រោយធ្លាក់ចូលកង់រថយន្តកិនបែកក្បាលស្លាប់ ចំណែកអ្នកបើកម៉ូតូរងរបួសស្រាល ខណៈនោះរថយន្តបង្កព្យាយាមបើករត់គេច ជិត១០០ម៉ែត្រ ទើបឈប់ ក៏ត្រូវប្រជាពលរដ្ឋដេញឃាត់បានរថយន្ត ចំណែកអ្នកបើកចុះរត់គេចខ្លួនបាត់ ប៉ុន្តែឃាត់បានបុរសម្នាក់ជាព្រូរថយន្ត ។ ក្រោយពេលកើតហេតុនគរបាលបានចុះទៅកន្លែងកើតហេតុធ្វើការវាស់វែង ចំណែកសពជនរងគ្រោះត្រូវបានយកទៅតម្កល់នៅវត្តទឹកថ្លារង់ចាំសាច់ញាតិមកទទួលយកទៅធ្វើបុណ្យតាមប្រពៃណី រីឯរថយន្ត ម៉ូតូ និងព្រូឡានត្រូវឃាត់ខ្លួនយកទៅការិយាល័យនគរបាលចរាចរណ៍ផ្លូវគោក៕
ចែករំលែកព័តមាននេះ