ប៉ុន្មានថ្ងៃមកហើយ ឃើញថា ចាប់តាំងពីអតីតតារាសម្ដែងអ្នកនាង សឿ សុធារ៉ា ជួបទុក្ខធំដែលម្ដាយរបស់ខ្លួនទទួលមរណភាពមក អ្នកនាងបាននិយាយរៀបរាប់ខ្ទេចគ្មានសល់ បើកកកាយអំពីជីវិតបច្ចុប្បន្នរបស់នាង ដែលកំពុងតែជួប
រាជធានីភ្នំពេញ ៖ ប៉ុន្មានថ្ងៃមកហើយ ឃើញថា ចាប់តាំងពីអតីតតារាសម្ដែងអ្នកនាង សឿ សុធារ៉ា ជួបទុក្ខធំដែលម្ដាយរបស់ខ្លួនទទួលមរណភាពមក អ្នកនាងបាននិយាយរៀបរាប់ខ្ទេចគ្មានសល់ បើកកកាយអំពីជីវិតបច្ចុប្បន្នរបស់នាង ដែលកំពុងតែជួបផលលំបាកជាខ្លាំងផ្នែកជីវភាពប្រចាំថ្ងៃស្ទើរតែផុតជីវិតក៏មានដែរ មិនតែប៉ុណ្ណោះ ហើយថែមទាំងមានបំណុលវ័ណ្ឌ.កជាប់ខ្លួនរាប់ម៉ឺនដុល្លារទៀតផង។
ក្រោយចាត់ចែងពិធីបុណ្យស.ព និង៧ថ្ងៃជូនម្ដាយចប់សព្វគ្រប់ តារាសម្ដែង សឿ សុធារ៉ា ស្នាក់នៅវត្តអារាម ដើម្បីរង់ចាំធ្វើបុណ្យគម្រប់ ១០០ ថ្ងៃជូនម្ដាយជាទីស្រឡាញ់។ ដោយឡែកក្នុងរយៈពេលនេះ គេឃើញ សឿ សុធារ៉ា បានបង្ហាញមុខក្នុងវីដេអូលើបណ្ដាញសង្គមហ្វេសប៊ុកដើម្បីប្រូម៉ូតផលិតផលផ្សេងៗជាដើម។
ហើយថ្មីៗនេះផងដែរ ក្រោយពីបានឃើញអ្នកនាង សឿ សុធារ៉ា ចេញមុខមកនិយាយនៅក្នុងវីដេអូឡាយភ្លាម ឃើញដូចជាទើសភ្នែកខ្លាំងពេក ស្រាប់តែតារាសម្ដែងល្បីឈ្មោះមួយរូបនោះ គឺអ្នកនាង គឹម លីហ្សា មិនអោបដៃឈរមើលនឹងភ្នែក ក៏បានបង្ហោះរូបរបស់អ្នកនាង សឿ សុធារ៉ា មួយសន្លឹក រួចភ្ជាប់ជាមួយសារប៉ុន្មានឃ្លាសុំចិត្តម្ចាស់អាជីវកម្មទាំងឡាយឈប់បន្តយក សឿ សុធារ៉ា ទៅឡាយលក់នេះលក់នោះតទៅទៀត រង់ចាំរួចបុណ្យ ១០០ ថ្ងៃម្ដាយនាងសិន។
ដោយនៅក្នុងខ្លឹមសារខាងលើនោះ អ្នកនាងគឹម លីហ្សា បាននិយាយរៀបរាប់បែបនេះថា «សូមឱ្យម្ចាស់អាជីវកម្មទាំងអស់មេត្តាទុកគាត់ឱ្យស្ងប់ស្ងាត់ រក្សាសីលនៅវត្តសិនទៅ បើជួយជាលុយក៏ជួយគាត់ទៅ កុំយកគាត់មកធ្វើអាជីវកម្មពេលនេះ Live លក់នេះ លក់នោះ please ចាំផុត ១០០ ថ្ងៃម្តាយគាត់សិនទៅ»។
ឃើញដូចនេះហើយ ក៏មានពុកម៉ែបងប្អូនមិនតិចនាក់នោះទេ នាំគ្នាចូលទៅខមិនលើកឡើងពីមួយទៅមួយថា «ត្រូវ បើមិនយកគាត់មកឡាយ មិនមានអ្នកជួយគាត់ទេ ព្រោះគេអត់សូវដឹងថា គាត់លំបាកយ៉ាងម៉េចទេ ចឹងយកគាត់មកឡាយហ្នឹងហើយ បានមានគេដឹងជួយថវិកាដល់គាត់ យកគាត់ទៅព្យាបាលបាន ភ្លាមៗចឹងមានគេអាណិតគាត់ច្រើន» «បងនិយាយត្រូវណាស់ យកគាត់មកបកស្រាយ អាសូរ តែគាត់មានសតិធម្មតាទៅមិនថាទេ តែនេះនិយាយទៅមុខទៅក្រោយ កាន់តែធ្វើអោយគាត់មានកំហុស យ៉ាប់ណាស់មនុស្សអើយមនុស្ស ដោយសារតែ ទាក់ទាញចំណាប់អារម្មណ៍មិនគិតអោយវែងឆ្ងាយ» «ខ្ញុំគិតដូចបងចឹង គាត់ពេលនេះមើលទៅដូចជាមនុស្សបាត់បង់សតិអារម្មណ៍ និយាយអ្វីលើសលស់ មិនសមយកគាត់មក Live ដើម្បីតែផលប្រយោជន៍ខ្លួនឯងនោះទេ បើសិនជាចង់ជួយគាត់មែនជួយជាលុយ ទៅ»។
អ្នកខ្លះទៀតក៏បានលើងឡើងថា «ដឹងហើយ លឺហើយថា គាត់មានបញ្ហាសតិអារម្មណ៍ បែរជាយកគាត់មក ដើម្បីប្រយោជន៍ខ្លួនឯងទៅវិញ មានចិត្តគិតគាត់ខ្លះទេ? មានគិតដល់អារម្មណ៍កូនៗរបស់គាត់ខ្លះទេ? ក្មេងៗគ្នាទៅរៀនអាចនឹងជួបបញ្ហាត្រូវមិនភក្តិសើចចំអក ឬប៉ះពាល់ដល់ផ្លូវចិត្តក្មេង ដោយប្រការណាមួយក៏ថាបាន មុនចង់បានផលប្រយោជន៍ គួរតែគិតបន្តិចទៅណា» «សូមកុំយកទុក្ខលំបាកទាញយកផលប្រយោជន៍ផ្ទាល់ខ្លួន ត្រូវចេះយកចិត្តខ្លួនឯងដាក់ក្នុងចិត្តអ្នកដទៃផង ពេលនេះគាត់ពិតជាមានការលំបាកខ្លាំងណាស់»៕
ចែករំលែកព័តមាននេះ