Manchester United កំពុងរៀបជើងធើស៊ី Celta Vigo នៅយប់នេះ
បិសាចក្រហម Manchester United នឹងស្វែងរកនូវលទ្ធផលវិជ្ជមាននៅពេលពួកគេទៅសួរសុខទុក្ខម្ចាស់ផ្ទះ Celta Vigo
បិសាចក្រហម Manchester United នឹងស្វែងរកនូវលទ្ធផលវិជ្ជមាននៅពេលពួកគេទៅសួរសុខទុក្ខម្ចាស់ផ្ទះ Celta Vigo
បិសាចក្រហម Manchester United នឹងស្វែងរកនូវលទ្ធផលវិជ្ជមាននៅពេលពួកគេទៅសួរសុខទុក្ខម្ចាស់ផ្ទះ Celta Vigo ក្នុងការប្រកួតជើងទីមួយនៃក្របខ័ណ្ឌ Europa League វគ្គពាក់កណ្ដាលផ្ដាច់ព្រ័ត្រនៅប្រទេសអេស្ប៉ាញ យប់នេះ ។ ខាងក្រោមនេះជាកូនក្រុមរបស់លោក Jose Mourinho ដែលគ្រូទាយបាល់គិតថានឹងចូលលេងសម្រាប់ការប្រកួតនេះគឺ: អ្នកចាំទី: Sergio, Romero បានលេងនៅក្នុងជុំមុនទាំងអស់ នៃក្របខ័ណ្ឌ Europa League ដូច្នេះគេរំពឹងថា កីឡាករអាហ្សង់ទីនរូបនេះនឹងត្រូវបានផ្តល់ឱ្យនូវស្រោមដៃលេខមួយជំនួសឱ្យ David De Gea ។
ខ្សែការពារ : លោក Mourinho កំពុងប្រឈមមុខនឹងបញ្ហាកីឡាកររងរបួសច្រើន ។ ដូច្នេះកីឡាករដែលលោកអាចនឹងដាក់លេងក្នុងតំបន់ការពារប្រឈមមុខនឹងក្រុម Celta Vigo នោះមាន Eric Bailly, Chris Smalling និង Phil Jones ។ Bailly ត្រូវបានដាក់ឱ្យចូលលេងវិញពេលក្រុមបិសាចក្រហមបើកទ្វារទទួលភ្ញៀវក្រុម Swansea កាលពីចុងសប្តាហ៍មុនដូច្នេះគួរតែរក្សាទុកគាត់នៅកន្លែងដដែលខណៈពេល Smalling អាចនឹងត្រូវបានដាក់ឱ្យចូលលេងវិញដូចគ្នាបន្ទាប់ពីកីឡាករកូតឌីវ័ររូបនេះជាពីរបួសជង្គង់ដែលធ្វើឱ្យគាត់អវត្តមានចាប់តាំងពីខែមីនា មកម្ល៉េះ។ Antonio Valencia គួរតែលេងនៅស្លាបស្ដាំក្រោយពីសម្រាកកាលពីថ្ងៃអាទិត្យ ខណៈ Matteo Darmian ត្រូវបានកំណត់ឱ្យចូលលេងនៅស្លាបឆ្វេងជំនួសកីឡាករ Luke Shaw ដែលត្រូវសម្រាករហូតចប់រដូវកាលនេះជាមួយនឹងការរងរបួសជើង។
ខ្សែបម្រើ: កីឡាករ Paul Pogba ខ្សែបម្រើឆ្នើមជនជាតិបារាំងទំនងត្រូវបានកោះហៅឱ្យចូលលេងវិញនៅយប់នេះបន្ទាប់ពីខកខានចូលលេងពីរប្រកួតចុងក្រោយ។ Michael Carrick ទំនងជាត្រូវសម្រាកជំនួសដោយកីឡាករ Marouane Fellaini ។ កីឡាករ Ander Herrera អាចឡើងជំនួសកន្លែងកីឡាករសញ្ជាតិបែលហ្ស៊ិករូបនេះវិញ។ ខ្សែប្រយុទ្ធៈ Wayne Rooney ដែលរកបាន១គ្រាប់ឱ្យក្រុមបិសាចក្រហមតាមរយៈការទាត់បាល់ពិន័យ១១ម៉ែត្រកាលពីចុងសប្តាហ៍មុនអាចនឹងស្ថិតក្នុងតំណែងកីឡាករបម្រុងនៅយប់នេះ។ Marcus Rahsford ត្រូវបានគេរំពឹងថា នឹងជំនួសកន្លែងកីឡាករ Zlatan Ibrahimovic ដែលរងរបួស ខណៈ Anthony Martial អាចរក្សាកន្លែងរបស់គាត់ក្នុងតំណែងប្រយុទ្ធ ។កីឡាករ Juan Mata ដែលមិនត្រូវបានដាក់ឱ្យចូលលេងប្រឆាំងនឹងក្រុម Swansea ក្នុងការប្រកួតលើកចុងក្រោយអាចនឹងដាក់ឱ្យចូលលេងជំនួស Henrikh Mkhitaryan នៅតង់ទី២ ។ ខាងក្រោមនេះគឺជាទម្រង់លេងរបស់ក្រុមManchester United :
ចែករំលែកព័តមាននេះ