រាជធានីភ្នំពេញ ៖ ដោយរកស៊ីស្របច្បាប់ មានទាំងលិខិតអនុញ្ញាតត្រឹមត្រូវផងដែរនោះ បានធ្វើឱ្យអ្នកនាងគង់ ច័ន្ទស្រីមុំ និងស្វាមីផ្ទុះប្រតិកម្មខ្លាំងដោយមិនសប្បាយចិត្ត ក្រោយលេចឮព័ត៌មានថា គឺផលិតផលជាច្រើនសុទ្ធតែក្លែងក្លាយ ដោយរឿងនេះមិនមែនជាការពិត ទើបអ្នកនាងនិងស្វាមី ធ្វើការចេញមុខស្រាយជាសាធារណៈយ៉ាងបន្ទាន់មួយ ។
តារាសម្តែងគង់ ច័ន្ទស្រីមុំ ដែលគ្រប់គ្នាដឹងហើយថា បានរកស៊ីទាក់ទងមុខជំនាញលក់ក្រែម ម្ស៉ៅ ទឹកអប់ពេញនិយម ដោយមានអ្នកគាំទ្រជាបន្តបន្ទាប់ រហូតដល់ថ្នាក់ត្រៀមរំលេចបើកផែនការពង្រីកមុខរបរថ្មីៗមួយពីរទៀត ក្នុងចុងឆ្នាំនេះផងដែរ ។
អ្វីដែលបង្កការភ្ញាក់ផ្អើលគិតថា ខូចមុខមាត់គាត់ គឺកាលពីពេលថ្មីៗនេះ មានព័ត៌មានចេញផ្សាយថា ផលិតផលសម្រស់ជាច្រើន ត្រូវបានគេចាប់ទុក ព្រោះក្លែងក្លាយដោយទាំងការភាន់ច្រឡំ មានរូបភាពរបស់ផលិតផល MOMO ជារបស់ស្រីមុំឃើញក្នុងនោះ ។លើសពីនេះ មានសារព័ត៌មានរបស់បរទេសបានលើកយកបញ្ហានេះមកផ្សាយ ព្រមទាំងបណ្តាញសារព័ត៌មានអនឡាញ ក្នុងស្រុកមកបានចេញចំណងជើង ពាក់ព័ន្ធនឹងហាងគង់ ច័ន្ទស្រីមុំ ផ្ទុះការលក់ផលិតផលក្លែងក្លាយ ទាំងសាមីខ្លួនមិនដឹងឡើយ ព្រោះមានអាជ្ញាប័ណ្ណត្រឹមត្រូវ បញ្ជាក់ពីភាពស្របច្បាប់ ។
ក្រោយចេញព័ត៌មានផ្សាយទាំងបរទេសនិងវ៉េបសាយក្នុងស្រុកមួយមក អ្នកនាងគង់ ច័ន្ទស្រីមុំ និងស្វាមី បានប្រញាប់មករលាស់ខ្លួនទាមទារភាពស្អាតស្អំ និងចេញមុខមកធ្វើសន្និសីទសារព័ត៌មាន កាលពីល្ងាចថ្ងៃទី៣ ឧសភា ស្ថិតក្នុងហាងផ្ទាល់របស់នាង នៅតាមបណ្តោយផ្លូវត្រសក់ផ្អែមតែ១សាខាគត់ ហើយថែមទាំងប្តីប្រពន្ឋតារា១គូនេះ មានទាំងលិខិតផ្លូវការផ្សេងៗមកឲ្យអ្នកកាសែតបានដឹងជាភស្តុតាងកុំឲ្យអ្នកទិញជាអតិថិជនរបស់ពួកគេព្រួយបារម្ភ ឬមិនទាន់ដឹងរឿងច្បាស់តាមគេឯងនោះ ។
រៀបរាប់ទាំងលម្អិត លោកគឹម សីហា បានឲ្យដឹងថា «នៅថ្ងៃនេះយើងទាំងពីរនាក់ បានធ្វើសន្និសីទសារព័ត៌មាន ដើម្បីឱ្យមហាជនបានដឹង ពិសេសអតិថិជនរបស់ម៉ូម៉ូបាយស្រីមុំ ឲ្យបានដឹងទាក់ទិននិងព័ត៌មានដែលសរសេរលើកឡើងថា ផលិតដែលក្លែងក្លែងចំនួន៣៨តោនក្នុងប្រទេសកម្ពុជារបស់យើង ។
ចែករំលែកព័តមាននេះ